Heyrnarfræðingurinn

Hið hinsta blogg

2009-06-21T22:10:00.002+02:00

Jæja þettta er 300asta bloggið mitt og hef ég ákveðið að það verði það síðasta. Mér finnst 300 fín tala. Og þar sem að ég er nú flutt heim nenni ég minna að skrifa eitthvað hérna, enda var tilganurinn með þessari síðu að fólk gæti fylgst með mér í útlandinu.

Íbúðin er alltaf að fá betri og betri mynd. Svo er ég að fá sænskan gest til mín á fimmtudaginn en hann er fyrrverandi kærasti Marie. Og afhverju er hann að koma til mín... honum hefur langað til að koma hingað að kafa í einhvern tíma. Svo á hann svo mikið af flugpunktum að hann þarf eiginlega ekkert að borga fyrir flugið.

Annars var ég fyrir norðan um helgina í fínni afslöppun sem var vel þegin. Bakaði pönnukökur sem komu bara vel út, reyndar frekar fáar. Ætli maður fari ekki að paka oftar pönnukökur í framtíðinni. Orðin stoltur eigandi af pönnukökupönnu ömmu minnar.

Núna tekur bara við fyrsta 5 daga vinnuvikan hjá mér, en ég er strax farin að ýta undir breytingar í vinnunni. En það getur stundum verið erfitt að breyta til. Maður þarf bara að vera harður á sínu :)

Ef fólk er forvitið hvað ég er að gera þá er velkomið að slá á þráðinn eða koma í heimsókn í Ofanleitið, aldrei að vita nema að maður gæti boðið uppá eitthvað nýbakað ;) Ávalt velkomin.

kv.
Krissa

Gleðilega þjóðhátíð

2009-06-17T17:07:00.001+02:00

Ég hjólaði í vinnuna í gær, tók innan við 10 min sem er bara mjög gott. Ég slepp eiginlega alveg við umferð á leiðinni nema á gatnamótunum Kringlumýarbraut og Háaleitisbraut.

Annars labbaði ég líka heim úr vinnunni á mánudaginn og það tók ca 20 mín.

Það er alveg ótrúlegt hvað maður er lengi að ná í ALLT dótið sem er heima hjá foreldrunum, það er alltaf eitthvað eftir. Er eiginleg búin að ákveða að taka þetta bara í nokkrum hollum.

Ég er búin að raða smá dóti, en á eftir að setja öll fötin mín inn í skáp, það kemur á næstu dögum. Hlakka líka til þegar allir pappakassarnir eru farnir, þeir eru frekar mikið fyrir.

Það var alveg nauðsinlegt að vera með frí í dag, náði að sofa fram undir hádegi og er alveg að ná að jafna mig á svefnleysi sl. daga.
Gleðilega þjóðhátíð

Fyrsta nóttin

2009-06-15T15:53:00.001+02:00

Fyrsta nóttin var sofin í nótt, þetta dógst aðeins vegna þess að ísskápurinn var ekki kominn. Það er ekki hægt að vera ekki með ísskáp. En annars svaf ég alveg ótrúlega illa þessa fyrstu nótt. Ég var alltaf að líta á klukkuna en mig dreymdi þarna eitthvað á milli 4 og 6 þannig að ég býst við að hafa sofið eitthvað þá. En fall er fararheill.

Búið er að setja saman allt IKEA dótið, ótrúlegt hvað það gekk í rauninni vel, þrátt fyrir að vera ekki með leiðbeiningar.

Svo er bara að taka allt upp úr kössum og koma dótinu á sinn stað og ákveða hvað á að vera hvar.

Annars þá fór ég að Reunion á föstudaginn. Vá það eru 10 ár síðan við kláruðum grunnskóla. Sumir virtust ekkert hafa breyst sl. 10 ár en aðrir voru allt að því að vera óþekkjanlegir en það var gaman að sjá þetta lið aftur :)

Við stórfjölskyldan og nágrannar fórum svo út að borða á laugardaginn til að fagna útskriftinni hjá mér. Það var mjög gaman og við fengum mjög góðan mat. Endaði svo niðri í bæ á Kúltúra til kl 5 með J. Hildi og Jóa :)

Fluttningur

2009-06-11T01:44:00.002+02:00

Við fjölskyldan kítum upp í íbúð í dag líka, það þýðir ekkert að slaka á :)
Fyrst fórum við í að bletta í það sem var málað í gær. Og svo var geymslan og þvottahúsið málað.

Síðan komu húsgögnin og allir kassarnir. Það var smá puð að koma öllu dótinu upp en það gekk samt alveg ótrúlega vel. En ég held að við höfum verið öll alveg ótrúlega þreytt eftir þetta.

Núna er bara komið að því að setja saman allt IKEA dótið sem var tekið í sundur í Svíþjóð til að auðvelda fluttninga.

Næstu dagar fara í að ganga frá og koma sér fyrir. Svo er bara spurning hvenær maður ákveður að sofa fyrstu nóttina.

Annars byrjaði ég að vinna í dag, sem er bara mjög fínt. Veit ekki hvenær ég fatta það að ég er ekki að fara aftur í skólann og er ekki bara að vinna í 3 mánuði eins og vanalega. En núna getur maður farið að kynnast einhverjum kúnnum betur sem koma reglulega, sem er bara jákvætt :)

Málun

2009-06-09T22:48:00.000+02:00

Jæja þá var íbúðin máluð í dag :)
Ég var komin í íbúðina kl 12 og fór að planera aðeins hvernig ætti að gera þetta. Kristín systir hennar Lilju kom svo til að hjálpa um 14 leitið og svo komu mamma, pabbi, Jón og Lilja eftir vinnu. Þetta gekk vara vel hjá okkur.
Stofan og herbergin voru máluð, veggir og loft. Þvílíkur muuuunur!!!
Okkur tókst að mála 2 umferðir þannig að það þarf ekki að mála meira.

Eldhúsið og baðið er eftir, en ég er ekki alveg búin að ákveða hvernig ég ætla að gera það. Var jafnvel að spá í að mála flísarnar inni á baði.

Þetta kemur bara í ljós, þarf bara að finna út hvað ég vil gera en það kemur þegar maður er búinn að vera að í íbúðinni í smá tíma.

Skólalok

2009-06-08T23:00:00.000+02:00

Staðan núna er sú að ég er búin að verja ritgerðina og gekk það bara vel. Þarf bara að laga smá en fæ líklega ekki einingarnar fyrr en í ágúst útaf sumarfríum.

Ég var svo bara í þægindum í Gautaborg, gisti fyrst hjá Elínu og svo hjá Krissu en Brynhildur dóttir hennar lánaði mér herbergið sitt með glöðu geði :)
Ég fór svo og hitti Marie um helgina. Á föstudaginn fórum við á Öland og skoðuðum um þar en það var mjög gaman að skoða þarna. Fórum á syðsta oddann og fórum upp í vita þar en það voru 197 tröppur upp, ég er ekki frá því að hafa fundið fyrir því daginn eftir.
Svo fórum við í Eketorp sem er gamalt víkinga þorp inni í hringmúr.
Við skoðuðum líka Borgholms slot sem eru rústir gamals kastala á Öland sem brann fyrir mjög löngu síðan. Ætluðum að skiða Solloden sem er höll sem kónungsfjölskyldan er að nota en það kostaði 70 kr inn og það var innan við hálftími í að svæðið yrði lokað. Þrátt fyrir að Marie suðaði í afgreiðslukonunni og laug því að ég væri svo hrifin af Viktoríu... Mátti reyna.
Við fórum líka inn í eina kirkju frá 1100 e.Kr. og klifruðum upp í turninn, það var smá krípí þar sem að stigarnir voru úr timbri og mjög gamlir. Fyrir utan að við höfum ekki hugmynd hvort við máttum fara þarna upp.

Svo var þjóðhátíðardagur Svía á laugardaginn. Það var hátíð í þorpinu sem er rétt hjá þar sem að við gistum. Ég held að það hafi verið svona 30-40 manns að fylgjast með lúðrasveitinni spila og formann sveitastjórnar halda ræðu. That was it :)

Sunnudagurinn fór svo bara í snatt. Kíktum inn til Växjö og kíktum á bróður Marie og fjölskyldu.

Ég hitti svo Öllu á flugvellinum á leiðinni heim svo ég þurfti ekki að ferðast alla leiðina ein, sem er orðið frekar þreytandi svona í gegnum árin. En ég er ekkert að fara að ferðast í nánustu framtíð.
Skrítið að vita ekki hvenær maður fer aftur til Svíþjóðar.

Allt að koma

2009-05-25T21:32:00.003+02:00

Jæja þá er ég búin að skila ritgerðinni, en það var gert kl 14:29 á miðvikudaginn síðasta. Mjög fínt, get ekki annað sagt að þungu fargi var af mér létt.
Ég fór svo bara norður um helgina og hafði það fínt, gott að fá svona langt og gott frí og svaf líka alveg nóg.
Fékk svo ritgerðina, sem ég á að gagnrýna, í dag en ég átti að fá hana á fimmtudaginn. En mér skilst að manneskjan hafi skilað of seint.

Annars er ég búin að vera að vinna í dag sem var bara fínt, líka gott að fá smá pening. Gott að breyta smá til :)

Annars er ég að fara að fljúga út á föstudaginn og svo er vörnin á mánudaginn 1. júní. Og það er nóg að gera í vikunni :) Mögulega upptekin öll kvöld, en það er sjaldgjæft hér á bæ :Þ

Skiladagur

2009-05-20T11:34:00.002+02:00

Núna er kominn skiladagur, ég á að skila fyrir miðnætti í kvöld að sænskum tíma sem er kl 22 að íslenskum tíma. Ég býst nú við að vera ekkert að ég vilji pína mig svona mikið þannig að ég plana að skila fyrir kl 16 í dag.

Annars tókst að mér að vera næstum því búin að gefast upp aftur en svo kom niðurstaða í málið svo ég hélt ótrauð áfram. Sem betur fer tók þessi dýfa ekki nema nokkra klukkutíma. En málið var það að einn af tveim kennurum sem sjá um þennan ritgerðarkúrs ætlaði að fara að láta mig koma auka ferð út til að gagnrýna ritgerð, en það er hluti af kúrsinum að gagnrýna ritgerð. Mín var ekki parhrifin og það urðu nokkrar e-mail sendingar milli landa og í hverju e-maili varð ég bara reiðari. Sú sem ég var í sambandi við virtist vera alveg sama þótt ég þyrfti að fljúga aukalega milli landa. Ég var farin að spá í að hætta við ferðina og verja ritgerðina í haust í staðinn og gera þá bæði á sama tíma. En svo virtist hinn kennarin taka upp handskann fyrir mig og niðurstaðan varð sú að ég mun gagnrýna skriflega aðra ritgerðina sem er á sama tíma og ég. Eins og ég sé þetta þá vann ég með frekju og er stolt af því.

Þó að ég finn ekki beint fyrir stressi þá er nokkuð ljóst að ég er stressuð. Mig deymdi í nótt að ég væri að falla á tíma út af klaufagangi. Draumurinn átti að gerast í gærkvöldi og ég var ekki heima en var að fara að gera eitthvað og er svo litið á klukkuna og þá er hún 21:45. Og í mínu stressi þá hringi ég heim og ætla að biðja mömmu eða pabba að senda ritgerðina inn fyrir mig og en þetta gengur allt eitthvað brösulega og svo er klukkan orðin 21:58 og mín orðin frekar tæp á geði. En svo fatta ég allt í einu að ég á að skila á morgun. En mig minnir að hafa eitthvað rumskað þarna og getað róað mig niður. Vá hvað þetta hefur mikil áhrif á mann.

Jæja ég verð víst að gera eitthvað svo ég nái að klára fyrir kvöldið :) Það er víst grill hjá vinnunni eftir vinnu. Planið að verða búin fyrir það :)

Over and out

Styttist

2009-05-05T15:34:00.002+02:00

Núna eru rúmar 2 vikur í skil og ég sé ekki fram á annað en að ég geti skilað á tilsettum tíma, annað væri aulagangur sem ég myndi ekki fyrirgefa sjálfri mér.
Annars er þessi skrif búin að vera eins og rússíbani, það koma tíma bil sem að ekkert lítur út fyrir að ganga upp og allt sé á niðurleið en svo gerist eitthvað og þá verð ég miklu jákvæðari. Ég býst við að eiga eftir að fara í gegnum alla vegana eitt svona skeið í viðbót... þarna á síðustu dögunum.

En ég er búin að kaupa mér miða út, til að verja ritgerðina í Gautaborg. Vá hvað ég hlakka til að koma aftur úr, bjóst ekki við að sakna Gbg svona mikið. En það er kannski ekki skrítið þegar það koma haglél hérna nánast dag eftir dag á meðan það eru 20 gráður í Gbg og sól.

Stundum veit ég ekki alveg afhverju ég held áfram að skrifa hérna. En ég held að þetta sé mest fyrir sjálfa mig, býst ekki við að það séu margir sem eru ennþá að lesa þetta enda farið að lengjast verjulega milli skrifa.

Alla vegana nóg í bili.

Allt að gerast

2009-04-02T11:57:00.002+02:00

Skipið kom í fyrradag, átti að koma í gær svo ég vissi ekki að það væri komið :/
Alla vegana þá fékk ég komutilkynningu hjá Samskip, þeir sendi mig svo með það til tollsins, en ég fór þanngað í morgun.
Svo þarf ég að hringja til þeirra um 3 leitið til að tjékka á stöðunni en ég fæ dótið að öllum líkindum á morgun... jibbýý...
En dótið fer svo bara í geymslu þar til að ég flyt inn... með vorinu.

Ritgerð
Staða: N/A
Skil: stefnt á 20 maí, ef ekki þá er seinkunn í 3 mánuði :S

Er með samviskubit að sitja uppi í vinnu og skrifa þetta... það er svo mikið um langtímaveikindi á starfsfólki svo ég fæ samvisku bit að vera ekki að vinna.. held að þeim klægi í puttana að biðja mig um að vinna.

Skrítið

2009-03-25T12:36:00.004+01:00

Jæja vá... þá er ég búin að pakka öllu dótinu mínu og senda það til Varberg en þar fer það svo í skip á morgun. Það kom gaur að sækja dótið á mánudaginn en það tók ekki nema kortét að setja allt í bílinn. Svo var klárað að þrífa restina af íbúðinni, henda því sem þurfti og gefa það sem hægt var.
Síðan lá leiðin upp á Olofshöjd þar sem að ég skilaði lyklunum um kl 15 leitið.

Við lögðum svo af stað til Köben fyrir hádegin og tókum svo kvöldflugið í gær. En fyrir flug þá kíktum við niður í miðbæ og fengum okkur smá sjokk yfir verðlagi. Sem sagt fyrst horfir maður á upphæðina, bætir svo núlli aftan við og tvöfaldar svo. Þegar þessu er lokið lítur maður í burtu og reynir að gleyma því sem maður sá.

Ætlaði svo að vera góð við sjálfa mig og leyfa mér að sofa út í morgun en mundi svo allt í einu í gær, mér til mikillar mæðu, að ég átti að mæta hjá sjúkraþjálfara. Svo það varð ekkert úr auka svefni. Og núna er ég bara farin að vinna í ritgerðinni aftur... nóg að gera.

Núna er bara að bíða eftir dótinu og bíða eftir að íbúðin losni.

Svíþjóðarlok

2009-03-22T14:19:00.004+01:00

Jæja þá er þetta síðasta bloggið frá Svíþjóð.
Ég er sem sagt búin að vera á Íslandi sl mánuð og búin að vera að vinna í ritgeðinni... fá ógeð af vísindasiðanefnd(þau eru kannski ekki alslæm en vá...)
Síðan er ég búin að vera að taka viðtöl við foreldra... þetta er allt að koma. Svo er bara að fara að greina þetta allt saman og reyna að sjá hvað foreldrarnir eru að meina með því sem þeir segja :P

Svo á ég að skila ritgeðinni 20 maí og verja hanan 1 eða 2 júní. Vona að allt gangi að óskum, annars þarf ég að bíða til september. Vona að ég þurfi þess ekki.

Núna erum við(ég, mamma, Jón og Lilja) búin að vera að pakka öllu í íbúðinni. Í gær var rúminu og sófanum pakkað svo við gátum ekki gist hér í nótt. Þannig að síðasta nóttin í íbúðinni er búin.
Svo kemur maðurinn að sækja allt dótið á morgun... einhvern tíman :P

Göteborgs Tingsrätt

2009-02-04T14:38:00.002+01:00

Eitthvað þarf maður að hafa gert af sér til að þessi bíll þurfi að standa fyrir utan dómstólinn.
Update: Maður þarf að vera grunaður um að ræna aðalstöðvar póstsins í Gautaborg, koma fyrir nokkrum sprengjum og einnig að hafa kveikt í 3 bílum.

Því miður var enginn löggimann vopnaður hríðskotabyssu nálægt þegar ég tók myndina, annars hefði ég líklega fengið hann til að pósa :) Annars hef ég séð 2 með hríðskotabyssur vera á vappi kringum bílinn og dyrnar inn í dómshúsið.

En annars 11 dagar í að ég komi heim. Ég er búin að tilkynna fluttning á lögheimili, næsta skref er að mæta í eigin persónu niður á hagstofu til að skrá lögheimilið á klakanum. Ætla að flytja lögheimilið beint í Ofanleitið, þannig að þá þarf ég ekki að hugsa frekar um það þegar dótið kemur og ég fer af hótel Mömmu.

En ég ætla að reyna að vera löghlýðin þar til að ég fer svo ég þurfi ekki að hafa áhyggjur af þessum bíl.

Upplifun

2009-01-28T00:04:00.002+01:00

Ekki bjóst ég við að svíar væru farnir að lesa bloggið mitt :) Maður þarf kannski að fara að hugsa betur hvað maður röflar um hérna til að móðga engan :Þ (skýring í kommentum bloggsins hér á undan :Þ)

En eitt verð ég nú að segja ykkur frá, en ég vona að þessi saga eigi ekki almennt við um sænska lækna, já eða lækna yfir höfuð.
Ég sem sagt fór til læknis í morgun út af verk í mjöðminni. Ég hef örugglega sagt frá því þegar ég fór síðast að hitta þennan lækni, já eða læknu, að hún sagðist haf heyrt að gatið sem maturinn fer í gegnum á leið úr maganum væri ca 1 cm.
Núna í dag ákvað hún að mæla á mér lappirnar til að athuga hvort það væri eitthvað ósamræmi. Og þegar hún er að mæla segir hún "ja ég er nú ekkert góð í þessu þannig að þetta er nú ekkert nákvæm mæling" og svo fer hún líka að tala um að hægt sé að sprauta kortisoni í vöðvann en það þarf að passa sig að það fari ekki í æðar og taugar sem liggja nálægt. En hún segist heldur ekki treysta sér almennilega í að sprauta þessu þar sem hún er ekkert góð í því, hún sagðist hafa farið á kúrs í fyrra en finnst hún strax farin að missa haldbragðið.

Ég fór svona að spá hvar hún hefði fengið lækningarleyfið, hvort það hefði nokkuð verið í cheerioskassa. Hún hefur alla vegana ekki vit á því að þegja yfir því sem hún er ekki 100% á.

Bastu

2009-01-26T11:11:00.003+01:00

Ég er eitthvað að bölva þessu MS-verkefni... mér finnst ég alveg föst... veit ekkert hvað ég á að gera og finnst eins og ég viti ekki alveg hverni ég á að biðja um hjálp, hve mikla hjálp má maður fá án þess að leiðbeinendum finnist þeir vera að gera verkefið? En þetta fer nú að skírast vonandi fljótlega.

Ég og 19 aðrir, þeas 16 íslendingar og 2 svíar og einn þjóðverji, fórum saman í sumarbústað hérna rétt fyrir utan Gautaborg á föstudaginn og gistum eina nótt. Það var gufubað á staðnum og eyddum við dágóðum tíma þar, svo var auðvitað mesta sportið að dýfa sér ofan í vök í vatninu við gufubaðið. Ég fór 4 sinnum ofan í, en margir fóru mun oftar :Þ
Ég og Guðrún sáum um matinn sem heppnaðist mjög vel. Okkur fannst svolítið erfitt að rikna út hvað við þurftum mikinn mat en þetta passaði bara akkúrat, það varð ein kjúklingabringa eftir þannig að enginn á að hafa farið svangur frá borðinu.
Raggi kom með surströmming, sem er eitt það ógeðslegasta sem ég hef smakkað. Einhverjir hafa líkt þessu við hákarlinn, en ég held að það sé aðalega hugmyndin því bragðið er engan vegin líkt. Ég get borðarð hákarl en þetta var hreinn og klár viðbjóður og nánast ómögulegt að skera í bita. Lyktin er eins og af holræsi og bragðið svipað blandað með smá salti. En ég er ánægð með að hafa prófað þetta, það er ekki hægt að hafa búið hérna í 4,5 ár og ekki smakkað surströmming.

Ég skrapp í bankann um daginn til að leysa út eina ávísun frá DK, en fyrirtækið sem við nöfnurnar heimsóttum í desember ætlaði að borga lestina fyrir okkur og fékk ég því senda ávísun. Fyrst fór ég í minn banka, þar var mér sagt að þar sem grunnupphæðin væri svo há að það væri best að fara í systurbanka þessa danska banka sem ávísunin var frá, halló þetta voru rúmar 500 kr DKK, vóóó þvílík upphæð :o. Eftir nokkra daga þá fer ég þanngað og þá er mér sagt að þar sem að þessi ávísun eigi að greiðast inn á reikning en ekki út í seðlum þá verði ég að fara þar sem ég er í viðskiptum. Þannig að þá fer ég aftur þanngað en í annað útibú og þar fæ ég upplýsingarnar að þar sem þetta er í dönskum krónum þá verði ég að fara í danskan banka, sem ég ætti að geta gert 15. feb. En í öllum þessum heimsóknum þurfti stafsfólkið að tala við einhvern annan sem svo talaði við einhvern annan. Ég gat ekki trúað að þetta væri svona erfitt þar sem bæði minn banki og hinn eru til í báðum löndunum.

Jæja farin aftur að skoða fyrirbærafræði já eða túlkandi fyrirbærafræðileg greining... hljómar þetta ekki spennadi??

Heimkoma

2009-01-16T15:45:00.002+01:00

Ég er sem sagt komin út aftur, fór 12 jan.
En ég er á leiðinni heim aftur. Ég kem 15. febrúar og verð svo heima þanngað til seinni part mars og þá fer ég út aftur, mæti í skólann og pakka niður öllu dótinu mínu og kem því fyrir í skipi.
Ég var að segja upp íbúðinni áðan frá og með 26. mars. Svolítið skrítin tilfinning verð ég að segja. Allt tekur enda einhvern tíman og stundum verður maður bara að takast á við raunveruleikann og framtíðina.

Gleðilegt ár

2009-01-04T14:01:00.002+01:00

Jæja þá eru jólin búin og komið nýtt ár... og farið að styttast í annan endan á þessu jólafríi. En ég fer út mánudaginn 12. jan, þeas eftir viku.

Þetta eru búin að vera ágætis jól, get ekki sagt annað. Búin að sofa alveg losalega mikið, að mér finnt.

Svo fer bara að styttast í að ég flytji heim. Ég verð bara úti í mánuð og svo kem ég aftur um miðjan febrúar, á eftir að kaupa miða. Þarf reyndar að fara aftur út seinni partinn í mars þannig að það geti verið að ég bíði með að flytja dótið, þanngað til þá. En það fer eftir ýmsu.

Það er svolítið skrítin tilfinning að flytja heim. Hlakka til en á líka eftir að sakna ýmislegs í Svíaríki. En svona þegar maður flytur heim byrjar nýr kafli í lífinu sem ég hlakka til að takast á við.

Ég nenni nú ekki að skrifa mikið þessa dagana enda er ekki mikið að gerast.

The Klacke

2008-12-17T11:52:00.003+01:00

Ég er komin á klakann... kom sl. föstudag og verð til 12 jan.
Ég og nafna mín ferðuðumst saman með dóttur hennar, sem betur fer segi ég nú bara. Við vorum með sitthvorta töskuna sem vógu 27 og 25 kg en þurftum ekki að borga yfirvigt því Brynhildur dóttir hennar mátti vera með 20kg líka :P En konan sem tékkaði okkur inn röflaði að töskunar væru of þungar.. en gerði svo ekkert í því :)
Flugið gekk vel og Brynhildur var ótrúlega dugleg að sitja í sama sætinu í 3 tíma, án þessa að trufla aðra of mikið.

Ég er búin að eyða einu degi eingöngu í lærdóm, þetta er ekki alveg að ganga eins og ég vonaðist til þar sem að mér tókst að ná mér í einhverja flensu. Var heima í gær, tókst svo að skila mat báðar leiðir svo ég ákvað að vera bara heima í dag líka, hef svo sem verið hressari. Því miður er erfitt að læra í þessu ástandi.

Annars var laufabrauðsbaktur hér í gær. Hef ekki verið með sl. 4 ár svo það var tími til kominn að maður fengi að vera með. Þar sem að ég hand sker allt úr þá er ég ekki jafn fljót að gera hverja köku eins og hinir en það er allt í lagi :) Mér finnst skemmtilegast að gera þetta svona :P

Styttist í "frí"

2008-12-08T16:42:00.002+01:00

Já núna eru bara nokkrir daga í heimkomu... kem á föstudaginn, nánar tiltekið lending áætluð klukkan 15:30. Ég flýg með nöfnu minni og dóttur hennar, það á eftir að vera kannski eitthvað skrautlegt. Stelpan er rétt rúmlega 2 ára og nafna mín er ekkert rosalega hrifin af flugi. Við reynum bara að gera það besta úr þessu :)

Annars er nóg að gera. Á eftir að klára eitt skilduverkefni áður en ég fer heim, það reyndar gengur vel svo það getur vel verið að ég nái að klára eða komast langt með eitt af þessum verkefnum sem ég þarf að gera heima. Það er einhvern vegin alltaf að bætast við verkefni.
Þurfti upprunalega bara að gera eitt heima og skila því 7. jan. Síðan bættist við eitt verkefni vegna þetta að samvinna mín og einnar annarar sem var með mér í kúrsi gekk ekki upp. Svo var ég að komast að því að ég get gert eitt verkefni til þess að fá einingar, í einum kúrsi sem ég var í í vor, frá grunnstigi yfir á framhaldsstig. Sem þýðir að ég þarf ekki að fara til Lundar næsta haust bara til að redda nokkrum einingum... sem eru auðvitað æðislegar fréttir.
Þannig að það verður nóg að gera á meðan ég er heima.

Marie var hérna hjá mér um helgina. Við tókum því mestuleiti rólega, fórum í outlet í Kungsbacka á laugardaginn og um kvöldið keyptum við pizzu og horfðum á 3 DVD. Svo í gær fórum við í Liseberg og á allsång með Jul-Lotta. En þetta er 5ta árið í röð sem við gerum þetta saman og 3ja árið sem Eva frænka hennar kemur með. Ég ætla að reyna að koma út fyrir næstu jól og fara með þeim í Liseberg og á allsång með Jul-Lotta.

Annars hef ég tekið eftir einu hérna á kvöldin sl. 2 vikurnar. Upp úr kl 23 fer ég að heyra fuglasöng sem passar ekki alveg í desember en væri eðlilegt í apríl/maí. Ég held að einhver fugl hafi eitthvað misskilið.

Jæja ég ætla aðeins að læra meira áður en ég hætti í dag.
Sjáumst kannski um helgina ;)

Ullared

2008-11-30T14:07:00.003+01:00

Ég fór með Guðrúnu og Tryggva til Ullared í gær. Það er lítill bær í klukkutíma akstri frá Gautaborg. En þar er strórt vöruhús sem er mjög ódýrt, selur nánast allt milli himins og jarðar. Þetta er svona eins og Hagkaup í Skeifunni bara MIKLU stærra og muuun ódýrara. En það er 20.000 fermetrar og það eru 60 afgreiðslukassar, sem allir voru í notkunn í gær.
Við kannski völdum ekki beint besta tímann til að fara niðureftir. Þegar við mættum á svæðið var röð inn og það tók okkur smá tíma að komast á endann á röðinni. En ég er búin að reikna út að hún hafi verið ca. 650 metrar. Við vorum í röðinni í 1 klukkutíma og 15 mín. Svo vorum við inni í búinni í tæpa 5 tíma. Get ekki sagt annað en að við vorum ágætlega uppgefin þegar við vorum búin.
Fólk fólk var að fara inn með 2-3 kerrur og komu út með þær alveg stút fullar. Við vorum 3 saman með eina kerru ;P

Ég læt fylja með mynd af svæðinu:

Gult= röðin
Rautt= vöruhúsið
blárr= þar sem við fundum stæði

Sólarlag

2008-11-26T16:19:00.004+01:00

Mig langaði bara að deila með ykkur myndum sem ég tóka af sólarlaginu áðan... en það var mjög flott.

Ekki leiðinlegt að vera með Casino í bakgrunninum(eða forgrunninum kallast þetta kannski) ;Þ

3 vikur í jólafrí

2008-11-22T16:10:00.000+01:00

Núna er ég búin með Lund í bili, á bara eftir að klára heimprófið (sem er aðeins meira trikkí en ég bjóst við) og senda það inn.
Ég skrapp til Köben á miðvikudaginn og kíkti í heimsókn í eitt heyrnartækjafyrirtæki, nafna mín í vinnunni sem líka býr hérna í Gbg kom með mér. Það var mjög gaman að koma í heimsókn. Sá sem við hittum fór með okkur í gegnum það nýjasta hjá þeim, þannig að núna vitum við eitthvað sem þær á HTÍ vita ekki ;P
Við kíktum svo í TIVOLI, mjög fínt að rölta þar í gegn. Keyptum ekkert enda ekki skemmtilegt að margfalda með 23. Mér finnst reyndar Liseberg aðeins meira kósý og kannski aðeins skipulagðra... kannski bara að því að ég þekki aðeins meira til í Liseberg.
Ég gisti svo hjá Karól. Mjög gaman að hitta hana, það er nú ekki oft sem að maður hittir vinkonur sínar þegar maður býr svona í útlöndum.
Svo fór ég til Lundar á fimmtudagsmorguninn. Ég er mjög fegin að þurfa ekki að fara þanngað aftur í bili, komin með nóg af þessu flakki.

Annars fer að styttast í jólaheimsóknina. Kem heim 12 des og verð til 12 jan. Þarf reyndar eitthvað að læra á þessu tímabili en það er allt í lagi, nægur tími.

Svo þarf ég að fara að hugsa enn meira hvenær ég á að flytja heim. Gæti trúað að það verði fyrr en seinna, sérstaklega þar sem að leigan hefur hækkað svo mikið þegar maður reiknar í íslenskum. Væri nánast til í að flytja í herbergi einhvers staðar.

Jæja ég er farin aftur að læra.

Búin að kíkja á klakann

2008-11-04T17:55:00.000+01:00

Það var fínt að kíkja heim og þurfa ekki að hafa áhyggjur af hvort að maður ætti fyrir mat eða ekki.
Í staðinn lenti maður í því að get ekki keypt eitthvað því það var ekki til gjaldeyrir til að losa vöruna út úr tolli. Maður spreðar þá ekki á meðan.

Svo fór ég auðvitað í bankana til að ná mér í pening. Fór og athugaði með gamla reikninga sem ég hef ekki snert í fjölda ára, ss eing og skírnargjöf frá afa, hún hafði margfaldast aðeins :) Gott að gera reddað sér gjaldeyri.

Ég fór svo með peningana i bankann áðan, ekki eins auðvelt og ég bjóst við. Það er nefnilega þannig að það er bara hægt að taka út og setja inn pening til kl 15 en ég var þarna stuttu eftir 16. Reyndar er ný búið að opna nýtt útibú rétt hjá sem getur tekið á móti seðlum allan opnunartímann. Veit ekki hvað íslendingar myndu segja ef þeir mættu ekki taka út eða leggja inn pening eftir kl 15 þó bankinn sé opinn til kl 19. Þetta minnir mig nú á sum pósthúsin hér, en þau eru staðsett inni í sjoppum þar sem sama afgreiðslufólkið vinnur við bæði. Þrátt fyrir það opnar pósthlutinn klukkutíma seinna og lokar klukkutíma fyrr.
Þegar ég kom svo í rétta bankann spurði gjaldkerinn mig hvort ég vildi ekki taka frá smá pening mánaðarlega til að spara, sem ég afþakkaði kurteisislega. Þá spurði hún mig hvort ég væri alveg viss sem ég taldi mig vera. Þá sagði hún: svona 1-200 kr á mánuði, þá var mín orðin létt pirruð á þessum uppáþrengingum og sagðist þurfa á öllum þessum peningum að halda.

Annars var bara fínt heima, mjög fínt veður flesta daga. Mér tókst líka að hitta óvenju marga. Lærði aðeins minna en ég ætlaði mér en ég var undirbúin undir það.
Ég kíkti í íbúðina mína, en hún er í útleigu þanngað til að ég kem heim, svo ég gat ekkert unnið í að laga það sem þarf. Geri það bara um páskana í staðinn.
Svo var jarðsetningin hjá frænda mínum, sem bjó hérna í Gautaborg, á sl. föstudag. Lítil og fín athöfn í kirkjugarðinum og svo var kaffi heima. Hitti fullt af ættingjum sem ég kannast ekki við að hafa séð og líka aðra sem ég hef ekki séð síðan amma dó.

Ég komst svo að því í gær að Icelandair er farið að selja matinn í vélunum, við litla hrifningu mína. En þessi nýji skjár í sætunum er alveg fínt, miklu auðveldara að velja sér tónlist, svo er hægt að velja um 2 myndir og nokkra þætti.

Það er verið að setja upp jólaskraut um alla borg, sem betur fer er ekki búið að kveikja. Mér finnst annars þessi tími mjög fínn þegar jólaljósin lýsa upp haustmyrkrið.

Og svo í lokinn ætla ég að láta ykkur vita að ég kem aftur heim 12. des og verð til 12 jan, ekki amalegt.
Later.

Íbúð

2008-10-14T17:19:00.003+02:00

"Ég" fékk íbúðina afhenta í gær. Mamma og pabbi hringdu í mig seinni partinn í gær og sögðu mér að þau væru búin að taka við íbúðinni. Pabbi tók nokkrar myndi fyrir mig, læt þær fylgja hér:

Annars er nóg að gera í skólanum. Á að skila 3 verkefnum í 2 kúrsum áður en ég fer heim. Eitt verkefnið var aðeins stærra en ég bjóst við svo getur verið að ég fái að skila einu aðeins seinna inn þar sem að kennarinn minn hefur skilning fyrir því að ég gat ekki lært mikið í sambandi við jarðarförina.

Annars er það allt búið í bili, eða í biðstöðu eins og er. Ættingjarnir þrufa að fá eitthvað til að skrifa undir til að samþykkja erfðarskrána. Biðin eftir arfinum gæti tekið allt að 6 mánuði. Stundum pæli ég í því hvað þetta hefði verið mikið vesen ef ég hefði ekki verið hérna úti. Alltaf gott að geta hjálpað til.

Í sambandi við þetta fjármálavesen heima þá finn ég alveg hvað ég hugsa um að spara eins mikið og ég bara get. Hef til dæmis bara keypt matvörur(sparlega samt) og lestarmiða, þar sem að ég þarf jú að fara til Lundar reglulega. Það er alveg hægt að spara ef maður vill ;)

Allt á niðurleið

2008-10-10T20:12:00.002+02:00

Ég veit ekki hvort maður eigi að ræða þetta ástand eitthvað. En eitt er ljóst að þetta tekur á, og þá sérstaklega andlega. Ég lifi af til næstu mánaðarmóta, en þegar sú leiga er greidd þá er lítið eftir. Svo ég ætla að vona að þeir reddi málunum sem fyrst.

Mamma fór í gær. Ég hitti hana niðri í Köben þar sem ég var í Lundi á fimmtudag og föstudag. Fór í smá heimsókn til Karólar, gisti hjá henni á föstudeginum. Við mamma spókuðum okkur svo í Köben, ekki mikið verslað enda allt með sérstöku íslendingaálagi. Svo kom Ingibjörg frænka mín og dóttir hennar á sunnudaginn. Við fjórar tókum svo lestina til Gbg.

Á mánudeginum byrjaði íslenski presturinn að koma til okkar og ræða við okkur í sambandi við jarðaförina sem var daginn eftir. Síðan fórum við að tala við útfarastofuna og fara í gegnum pappíra og því um líkt. Á þriðjudaginn var svo jarðaförin sem heppnaðist bara mjög vel. Íslenski kórinn kom og söng. Þetta var ekki fjölsótt athöfn enda ekki búist við því. En við vorum bara mjög sáttar við hana.
Á miðvikudaginn þurftum við svo að tala aftur við útfarastofuna og svo við fjölskyldulögfræðing útaf erfðarmálum. Og við sóttum öskuna sem flytja átti heim, að ósk frænda míns.
Þar sem mamma er ekkert sérstaklega sleip í sænskunni þá þýddi það að ég þurfti að túlka alla fundi, eða þýða aðal efnið. Og þá varð ég að skilja svo mín þurfti að biðja um auka útskýringar, en ég er vön að jánka bara þótt ég skilji ekki alveg, það virkaði ekki núna :P En ég er ekki frá því að hafa lært nokkur ný sænsk orð.

En mamma fór svo aftur í gær og ég fór aftur í skólann. Var að deyja úr þreytu allan daginn, það tekur á að hitta svona mikið af fólki og muna allt sem maður þarf að gera. Fyrir utan að þurfa að túlka og einbeita sér á að skilja.

Ég reyni að vinna eitthvað upp um helgina. Svo styttist í að ég kíki heim í heimsókn, kem 26. okt og verð til 3. nóv. :)

Lífið í svíþjóð

2008-09-23T18:44:00.003+02:00

Ég fór til Lundar á fimmtudaginn í fyrsta sinn á þessari önn, þarf að fara 4x í viðbót en það er ekkert miðað við fyrra haust. Marie er líka í þessum kúrsi svo það var voðalega gott að sjá kunnulegt andlit.
Ég fór svo með henni heim til foreldra hennar í Växjö um helgina. En þau eru að endurbyggja bóndabæ afa hennar. Við fórum svo út í skóg og tíndum sveppi, kantareller. Ég fann einn svepp... jeeejjj... það er frekar erfitt að finna þennan svepp þar sem hann er oft falinn. Annars tókum við því bara rólega.
Ég heyrði fyrsta jólalagið á þessu hausti á sunnudaginn. Við vorum inni í einni búð og þá var útvarpið á og það var verið að spila 80's lög og einhvern vegin datt þeim í hug að spila jólalag.

Annars gegnur skólinn finnt, það er mikið að gera, heldur manni við efnið og tíminn flýgur áfram. Er búin að vera dugleg að fara upp á bókasafn.

Ég var svo að frétta í kvöld að afabróðir minn var að deyja en hann býr hérna í Gbg svo ég býst við að þurfa aðeins að hjálpa til í kringum það. Enda eðlilegt þar sem að ég er eini ættingi hans hér. Annars er ein kona hér sem hefur séð um hann sem mun sjá um það mesta.

En lífið heldur áfram... Ég er búin að hitta leiðbeinanda minn fyrir mastersverkefnið. Hún er amerísk svo ég fæ aðeins að æfa mig í enskunni. Hún var allt öðru vísi en ég ýmindaði mér, útlistlega þeas. Mjög viðkunnaleg. Henni tókst reyndar að gera verkefnið margfallt stærra en ég ýmindaði mér. Svo við sjáum hvað ég geri. Allt opið... gæti þruft að finna annað verkefni.

En þetta er nóg í bili. Ég ætti kannski að skrifa niður þegar mér dettur í hug að skrifa eitthvað hér, því ég man það aldrei þegar ég loks sest niður og skrifa.

Bless í bili.

Gautaborg

2008-09-05T11:37:00.002+02:00

Komið sæl
Ég er komin til Gautaborgar, eins og kannski margir vita. Kom hingað sl. sunnudag.
Ég get ekki sagt að ég hafi hlakkað til að koma hingað í þetta skiptið. Byrjaði ekki að pakka fyrr en seinni partinn á laugardaginn enda fannst mér ég ekkert vera að fara út. Þegar flugvélin á vellinum hér langaði mig bara að loka augunum og vakna á Íslandi. Ferðin gekk nú reyndar ágætlega fyrir si fyrir utan töf í Keflavík vegna þess að eldvarnarkerfið fór í gang í farangursgeymslu flugstöðvarinnar og það gekk eitthvað illa að loka fyrir rennsli á vatninu sem gerði það að verkum að færiböndin virkuðu ekki svo ekki var hægt að checka-inn. Þetta varð að 50 mín seinkunn á fluginu, eins gott að ég var ekki að fara í lest.

Þegar ég kom svo í íbúðina tók þessi líka indilega klóakbræla á móti mér. En vatnið hefur ekki lekið í lögnunum hér í 2 mánuði. En þetta er orðið miklu betra núna þó ég finni ennþá einhverja skrítna lykt þegar ég kem inn.

Ég er búinn að fara í skólann einu sinni. En kúrsinn sem byrjaði fyrst er fjarnámskúrs sem við þurfum bara að í 3 sinnum, annars er allt hitt í gegnum netið. Næsti kúrs byrjar á föstudaginn eftir viku, ritgerðin, en það er ekki mikið um mætingu í þeim kúrs heldur. Ég ætla að reyna að vera dugleg núna í byrjun og klára fyrsta verkefnið í fjarnámskúrsinum sem fyrst, svolítið treg af stað en það kemur.
Svo fer ég til Lundar í einn kúrs sem er á fimmtudögum og föstudögum aðra hverja viku, svo ég mun fara til Lundar 5 sinnum í haust. En sá kúrs byrjar ekki fyrr en eftir tæpar 2 vikur. Svo byrjar 4 kúrsinn viku eftir Lund, á sömu dögum bara hinar vikurnar. Þannig að þetta fer ágætlega rólega af stað.

Ég fór í heimsókn upp á spítala í gær, en heyrnarfræðingar vinna á spítölum hér í Svíaríki. Þær voru nokkrar, á ráðstefnunni í júní, sem kvörtuðu yfir því að ég hefði aldrei kíkt í heimsókn. Þannig að ég skellti mér og var örugglega í 1,5 tíma. Mjög gaman að spjalla við þær en þær vildu endlega að ég kæmi reglulega, svo gæti ég líka haft samband við þær og við gætum kíkt á kaffihús eða bara eitthvað. Þetta er svolítið fyndið því þær eru 20-30 árum eldri en ég, en bara gaman að þessu.

Svo verð ég að nefna eitt í lokinn. Ég hef oft verið að bögga mig á því, hér í Svíaríki, þegar fólk(Svíar) er með handfrálsan búnað og halda á símanum á meðan símtalinu stendur og halda oft í snúruna með hinni hendinni (handfrjálst my &$$). Í gær þá sá ég eins sem mér fannst toppa þetta svolítið hún var með bluetooth og hélt samt á símanum(svona í brjósthæð).

Jæja þetta er fínt í bili.

Ofanleiti

2008-08-19T00:58:00.002+02:00

Gengið var frá kaupsamningi í dag.
Þannig að ég er komin með húsnæði sem ég flyt síðan inn í þegar ég flyt aftur heim til Íslands :)
Þá er bara eftir að greiða þær upphæðir sem um var samið.

Reyndar á pappírunum á pabbi íbúðina en ég tek við henni þegar ég kem heim og er komin með fasta vinnu og laun.

Allt að gerast

2008-08-15T20:24:00.002+02:00

Það er nú ýmislegt búið að gera síðan ég skrifaði síðast.
Það er reyndar ekki 100% búið að klára baðherbergið og enn vantar eldhúsborð.
Ég fór í 2 vikna sumarfrí fyrir verslunarmannahlegi, en það var lokað í vinnunni. Marie kom seinni vikuna og við keyrðum hringinn. En þar sem að hún hefur nú komið hingað áður þá gátum við sleppt ýmsu. En í grófum dráttum fórum við:
að Barna- og Hraunfossum
að Hvítserk
Jarðböðin
Hvala- og Reðursafn á Húsavík
Hljóðakletta
Ásbyrgi
Dettifoss
Seyðisfjörð
Skriðuklaustur(sáum gullhringinn)
Jökulsárlón
Upp á Svínafellsjökul
Skaftafell
Kirkjugólfið á K.b.klaustri
Kjölur
Hveravellir og í laugina
Sumó yfir Versló
Svo fór maður bara að vinna aftur eftir versló og Marie fór aftur heim.

Ég er svo búin að vera að skoða íbúðir í sumar, held að ég sé andlega flutt heim. Nenni ekki út í þetta skiptið, er alltaf að fá nýjar upplýsingar útaf skólanum en þær nýjustu eru jákvæðastar. Er sem sagt að fara að skrifa ritgerð núna í haust en hún verður klárum í vor þar sem að ég er í skólanum samhliða.
En aftur að íbúðarkaupum... "ég" var að gera tilboð í íbúð í Ofanleiti en það gildir til mánudags í hádeginu...

Hvernig væri það að verða íbúðareigandi... Ég er bara farin að hlakka til að flytja heim og í mína eigin íbúð... kúúúúlll.... ;P

Svo lítur út að ég sé að fara út í kringum 10 sept ekki 31. ágúst eins og planað var. En ég er á biðlista í kúrs sem að byrjar 3. sept svo ég veit ekkert fyrr en í fyrstalagi 4. sept hvort ég komist inn.
Svo eins og hlutirnir líta út núna get ég komið heim í byrjun des...laaangt jólafrí... ekki hægt að kvarta.

Svo tókst manni að verða kvartsaldar um daginn... fyrir þá sem það fór fram hjá :Þ

En jæja ég nenni ekki að skrifa meira... sjáum til hvort næstu skrif verða á klakanum eða í Gbg.

Komin heim og það langt síðan

2008-06-23T19:04:00.002+02:00

Fólk kemur mannis sífellt á óvart. Áður en að ég koma heim talaði ég við Hildi A á Akureyri og hún sagði mér að hún væri ófrísk, ég var ekkert ofur hissa miðað við hvar hún er stödd í lífinu, en auðvitað skemmtilegar fréttir. Svo rétt áður en að ég kom sagði ein í vinnunni mér að hún væri líka ófrísk, ég bjóst svo sem við að það færi að koma að því, en aftur skemmtilegar fréttir. En núna var ég að komast að því að hún Hulda væri búin að gifta sig og hafði gert það um helgina á Þingvöllum einungis með nánustu ættingjum. Þá varð ég fyrst hissa, rosalega skemmtilegar fréttir en ekki bjóst ég við að þau færu að laumupúkast svona. Mjög ánægjulegar og skemmtilegar fréttir. Svo ég vil óska þeim til hamingju ;)

Annars var ég sjálf bara uppi í sumó um helgina þar sem að við mágkonurnar létum sólina steikja okkur svo ég er orðinn ennþá brúnni. Svo kíkti ég á vin minn Himbriman en hann er með hreiður í hólma nálægt landi.. tók líka nokkrar myndir af honum.

Annars er ég bara búin að vera að vinna. Byrjaði að fara á 3ja daga ráðstefnu hérna heima tengda heyrnarfræði á norðurlöndunum, mjög áhugaverð. Hitti þar marga sem ég kynntist í gegnum námið, fólk sem var að vinna þar sem við vorum í verknámi. Svo var leiðbeinandinn minn frá BS verkefninu þarna, talaði lítið við hann, held að hvorugt okkar hafi langað að tala við hitt.
Svo er ég búin að fara eina vinnuferð til Akureyrar og svo í síðustu viku fór ég ein í vinnuferð á Sigló.
Svo er ég núna að leysa heyrnarfræðing barna af eftir þörfum á meðan hún er í sumarfríi, ég þarf að vera til taks ef eitthvað kemur uppá eða ef barn greininst.

Svo eru ennþá framkvæmdir í gangi hérna heima, þetta er orðið frekar þreytandi, en þetta er allt að koma. Vantar bara matarborð og stóla, gler í sturtuna, borðplötu og vask á baðið.

Svo var ég að frétta að Alla vinkona mín í Gautaborg sé að fara að flytja heim, svo hún verður ekki í Gautaborg næsta vetur. Það verður frekar skrítið, ég verð bara að finna mér einhvern annan að fara á kaffihús með og bjóða í mat og fara í heimsókn til. :P

Niðurstöður

2008-05-26T12:26:00.004+02:00

Þá er ég búin að vera með 2 Eurovision partý, bæði frekar róleg þar sem það eru próf og verkefna skil þessa dagana og allir þurfa að læra. En það er fínt að taka smá pásu og hittast til að horfa á þessa vitleysu sem er alltaf jafn skemmtileg :P Fyrir okkur skipti mestu máli að svíarnir væru með færri stig :P

Ég fór svo í magaspeglun í morgun. Mátti ekki borða í 6 tíma fyrir og einn tíma á eftir. Ég var búin að skoða þetta aðeins á netinu og tala við pabba um þetta en hann fór í þetta fyrir nokkrum árum. Var smá stressuð þar sem komið hefði fram að maður fengi slóvgandi, var líka búin að setja Öllu á bakvakt ef ég myndi þurfa einhverja fylgd heim. En svo þegar húkkan fór að útskýra fyrir mér hvernig þetta færi fram þá varð mér ljóst að ég yrði glaðvakandi á meðan :/ get ekki sagt að mér hafi liðið betur. Var deyfð í hálsinum þannig að það var erfitt að kingja og svo var slöngunni sem er ca. 1 cm í þvermál stingið niður í hálsinn. Mjög skrítin tilfinning að finna fyrri einhverju hreyfast í maganum. Æ þetta var bara frekar ógeðslegt en sem betur fer tók þetta fljótt af en manni finnst samt tíminn vera endalaus.
Læknirinn sagði að efra maga-opið lokaðist ekki nægilega og þess vegna kæmist magasýran upp í vélindað og það útskýrði afhverju ég væri rauð við magaopið. Svo sagði hann að ég væri með "reflux" eða bakflæði á íslensku. Mín fyrsta hugsun var: "nei er það virkilega!!" Jæja þá er sú greining komin... svo fæ ég einhverjar sterkari töflur.
Ég hef ennþá tilfinningu fyrir slöngunni í hálsinum og maganum... jakk

Jæja þá er bara að halda áfram að læra... heimkoma eftir 9 daga :þ

heimsóknir

2008-05-19T14:06:00.002+02:00

Magga og Anna Sigga, vinkona hennar, komu í heimsókn á þriðjudaginn. Ég rölti aðeins með þeim um bæinn á miðvikudaginn þar sem að ég nennti ekki að læra, pressan ekki nógu mikil. Við kíktum svo í Liseberg um kvöldið, með fleirum, sem var mjög fínt, þrátt fyrir að ég hafi ekki farið í nein tæki nema litla parísarhjólið. Svo á fimmtudaginn fórum við í draugagöngu hér við Kronhusbodarna þar sem ég bý, en það voru "draugar" sem sögðu okkur aðeins söguna um Gautaborg fyrr á öldum. Eftir það fórum við 3 út að borða með Ragnari, Peter og Emeliu(kærustu Peters). Peter og Emelia fóru heim frekar snemma en við héldum áfram. En þar sem að ég var ekki með magatöflurnar mínar með mér og átti eftir að pakka fyrir helgina þá ákvað ég að fara ekkert á fyllerí en Magga, Anna og Ragnar héldu sko ekkert aftur að sér. Ég fór svo heim eitthvað í kringum 3 og þau komu svo öll til mín kl hálf 5 til að sofa, vel hress :)

Svo á föstudaginn tók ég lest til Karlskrona til að heilsa upp á Marie um helgina. Mér tókst að verða eitthvað kvefuð á leiðinni þannig að ég var ekki sú hressasta. Ég held að ég hafi eitthvað ofnæmi fyrir þessum stað þar sem að ég var líka eitthvað slöpp síðast þegar ég var í heimsókn.
Við fórum út að borða á laugardagskvöldið og pöntuðum okkur rif, svo þegar þau komu voru þau geðveikt þykk. Hnussu kjötlag á þeim en maður ákvað nú að sætta sig við þetta en svo komumst við allt í einu að því að þau voru ísköld í miðjunni. Ákváðum að fá okkur eitthvað annað og þegar við vorum búnar að ákveða okkur sagði þjónustustúlkan okkur frekar að fá okkur það dýrasta á matseðlinum, því við þyrftum bara að borga fyrir það sem við pöntuðum fyrst, og það var nautafile. Og auðvitað gerðum við það. Við vorum búnar að fá okkur forrét, þannig að við borðuðum forrétt, 2drykki og nautasteik fyrir 260 sek... sem er mjög vel sloppið.
Svo fór ég heim til Gautaborgar í morgun og þegar lestin var búin að keyra í 1,5 tíma af 4,5 þá var tilkynnt að klósettin væru biluð, eitthvað í samband við að þau hefði ekki verið tæmd eins og átti. Svo var okkur boðið upp á að fara á klósettið á 2 stöðum á leiðinni en ég held að flestir hafi náða að halda í sér þannig að lestin var ekki sein... mjög gaman

Þegar ég kom heim áðan sagði Alla mér að þau hefðu nokkur ákveðið að hafa partý hjá mér á fimmtudag og laugardag, ég er víst með stærsta sjónvarpið og stærstu íbúðina. Ég gat auðvitað ekki sagt nei. Þannig að núna er komin pressa á að læra og klára þessu 2 verkefni sem ég á að skila á föstudaginn... spennó...

Ströndin...

2008-05-11T22:19:00.002+02:00

Við fórum nokkur saman á ströndina í gær, eða 9 saman, 4 stelpur og 5 strákar. Strákarnir ætluðu að vera rosalega harðir af sér og fóru í sjóinn en það heyrðust píkiskrækir í þeim langt upp á land. Á meðan voru börn að leika hliðina á þeim í sjónum eins og ekkert væri.
Við vorum þarna í nokkra klukkutíma og tókst að fá bara ágætis brúnnku eða á maður að kalla þetta bruna :Þ
Ég væri alveg til í að gera þetta aftur enda auðvelt að komast þanngað.

Síðan um kvöldið var ég með smá partý sem heppnaðist bara vel. Frekar rólegt en það var allt í lagi.
Ég er búin að setja inn nokkrar myndir frá partýinu hér svo setti ég líka inn ýmsar myndir frá því í vetur hér

Sól og skóli eiga ekki saman...

2008-05-09T16:39:00.004+02:00

Það var bara stemning hjá Öllu þarna um daginn. Við vorum ca 20 manns, horfðum fyrst á skrúðgönguna og fórum svo og skemmtum okkur í íbúðinni hjá Öllu fram á rauða nótt.

Það er búið að vera mjög gott veður hérna undanfarði eins og ég hef kannski nefnt áður. Myndin er tekin seinnipartinn í dag, út um gluggan hjá mér. Er um að plana að fara á ströndina á morgun og liggja í sólbaði... kvarta ekki yfir þessari hugmynd. Og svo ætla ég að vera með smá partý um kvöldið.

Ég er búin að vera að fara yfir verkefni hjá einni sem er með mér í kúrsinum sem ég er að taka í fjarnámi frá Stokkhólmi, en það er sem sagt liður í verkefninu að gagnrýna annara verkefni. Vá ég hef aldrei séð jafn slæmt verkefni. Viðfangsefnið er alveg áhugavert þótt ekki sé mikið til af upplýsingum, sem er engin afsökun þar sem að við völdum okkur viðfangsefni sjálf. En ritgerðin er nánast öll eða minnst 90% copy/paste af heimildunum. Fyrir utan að það er lítið samhengi í málsgreinunum þar sem setningarnar eru teknar héðan og þaðan. Þetta er einn stærsti heimildastuldur sem ég hef orðið vitni af... vááááá...

Síðan er eitt mjög sniðugt.*hóst* En pabbi er með gervihnatta sjónvarp héðan í gegnum mig, eða það er að segja ég er áskrifandi af gervihnatta sjónvarpi hér. Svipað og ADSL sjónvarp Símans og Digital Ísland. En þar sem að ég er búin að vera kúnni svo lengi þá var hring í mig um daginn til að bjóða mér auka móttakara fyrir smá upphæð á mánuði. Ég sagðist ætla að ræða þetta við fleiri á heimilinu fyrst, þannig að þeir ætluðu að hringja seinna.
Síðan í gær, þegar ég var í skólanum, hringdu þeir fyrst kl 9:30 og ég skellti á og setti á silent, þar sem ég var í hópavinnu. Stuttu seinna hringdu þeir aftur og síminn fór auðvitað að titra og ég lét hringja út. Þeir skildu greinilega ekki hintið þannig að þeir hringdu 4-5 sinnum fyrir kl 11 og svo 2 milli 11 og 14. Síðan heyrði ég ekki í símanum þegar þeir hringdu kl 16:35 en þá var ég að koma heim. En þeir hringdu ekki aftur. Og hafa ekkert hringt í dag heldur. Ég meina það þetta trekt lið.

Valborgarmessa

2008-04-30T13:47:00.003+02:00

Í dag er einhver dagur sem svíarnir kalla valborgarmessukvöld, veit ekki alveg upprunann á því. En alla vegana þá djamma svíar mikið á þessum degi, og það er alltaf skrúðganga frá Chalmers... hef nú talað um þetta áður.
Við ætlum að hittast nokkur hjá Öllu en hún segist vera með opið hús, enda rétt hjá skrúðgöngunni.

Stelpurnar komu til mín í partý á laugardaginn, við skemmtum okkur bara vel, þrátt fyrir að vera bara 6 af 10. Kakan sem ég bakaði var bara mjög góð. Ef manni finnst after eight gott þá finnst manni þessi kaka góð :D Þær komu rétt eftir kl 21 og við fórum svo út kl 2. þeas þegar 2 ísl. strákar bönkuðu hjá okkur, en þeir vissu af okkur hér. Kíktum aðeins út með þeim og á staðnum sem við fórum á fann ég þennan sjálfsala:

(á mynd: 18 VISA LEG = 18 sýna skilríki) Ég hef bara aldrei skilið hvernig sjálfsalinn geti verið viss um að þú sért orðin 18 ára. Maður getur svo sem veifað skilríkinu framan í sjálfsalann ef manni líður betur. Æ þetta er bara eitt af því vitlausasta sem ég hef séð.

Ég er búin að vera rosaleg dugleg að hreyfa mig í vikunni, ætla ða reyna að vera duglega. Fór í sund á mánudaginn og synti í ca 25-30 mín, í gær og í dag fór ég svo út að labba í 25-30 mín.

en fyrst ég var að tala um síðast að ég væri utan við mig. Þá verð ég að bæta einu við. Ég ætlaði að fara inná mailið mitt fyrir Stokkhólmskúrsinn, mailið er: kurs08ipa@student.ki.se... fyrst gleymdi ég að skrifa ipa, í annari tilraun skrifaði ég gu í stað ki (@student.gu.se er skóla mailið í Gautaborg), í þriðju tilraun skrifaði ég .is í stað .se, í fjórðu tilraun skrifaði ég .com.... en rétta mailið kom svo í 5du tilraun.

Gleðilegt sumar

2008-04-26T15:23:00.002+02:00

Jæja núna er í alvörunni komið sumar. Ég er búin að vera svolítið úti í sólbaði og bara komin með ágætan lit... ég er meira að segja viss um að ég er brúnni en pabbi þó hann segist vera brýnni.

Ég hef veri eitthvað utan við mig upp á síðkastið. Eins og þeir sem hafa komið í heimsókn til mín kannast við að ég hengi lyklana á hurðarhúninn, þá veit ég hvar þeir eru. Þetta er einhvern vegin fast í, ég bara geri þetta án þess að hugsa. En 2 sinnum á ca viku tímabili fann ég hvergi lyklana, en þá hafði ég sett þá á hurðarhúninn hinu megin við hurðina... og í seinna skiptið voru þeir þar alla nóttina :/
Svo tókst mér að detta inni í einnu búð, alveg sjálf, var ekki lengi að koma mér út. Sama dag var ég að fara að hella vatni úr vatnsflösku og var að opna hana á leiðinni að vaskinum, en á einhvern klaufalegan hátt byrjaði ég að hella áður en ég kom að vaskinum og það fór hellingur af vatni á skápshurðina undir vaskinum :/

Ég er loksins búin a bjóða Öllu í mat, en hún fékk hakk og spagettí al la Marie. En það er að mínu mati fínt hakk og spagettí. Eins og ég(já eða mamma) er vöna að gera hakk og spagettí er ekki alveg hægt að bjóða upp á þegar gestum er boðið í mat.

Annars ætla ég að vera með partý í kvöld fyrir nokkrar íslenska stelpur, við verðum eitthvað í kringum 10 saman. Þekkjumst svona mis vel, en það verður bæting úr því. Tilvonandi saumaklúppur ?!? aldrie að vita :Þ
Ég ætla að baka eina köku fyrir stelpurnar, myntusúkkulaði köku. En hún er í kökubók sem að ég á. Marie bakaði einu sinni kökuna hér hjá mér en fór með hana í afmæli og svo hef ég gefið mömmu uppskriftina fyrir saumaklúbb... en ég hef ekki fengið að smakka hana sjálf og hef ekki haft tækifæri til að baka hana, þar sem að ég vil ekki bara baka hana fyrir sjálfa mig.

Ég er í hálfgerði 2 vikna fyrirlestrapásu í skólanum, en það er nóg að gera í verkefnum í staðinn. Eitt heimapróf, klára eitt verkefni(búin) og gagnrýna frá örðum og svo á ég að taka 20-30 viðtal og skrifa það niður frá orði til orðs(tekur að mér skilst 4-6 klukkutíma). Þetta á að vera búið 7.-8. maí. Held að það sé nú alveg hægt að gera þetta án stress ef maður bara planar fyrir fram og fer eftir planinu. En þar sem að maður verður líka að vera í sólbaði þegar sólin skín þá skulum við nú ekker vera með of stór orð. :Þ

Ef einhver veit um einhver sem er að spá í að fara til Gbg í sumar þá gæti ég lánað íbúðina mína á tímabilinu frá annari vikunni í júlí til seinni hluta ágúst. Mjög centralt.

Jæja farin að baka...

P.S. ég er að reyna að vera dugleg að skrifa hér

sól sól skín á mig...

2008-04-19T12:14:00.002+02:00

Það er nú ekki mikið búið að gerast hjá mér sl. daga, nema að ég og Alla erum búnar að vera duglegar að hittast og ég skulda henni kvöldmat :Þ

Það er búið að vera mjög gott veður í vikunni og ég er búin að liggja smá í sólbaði, já maður verður nú að vera orðinn brúnn þegar maður kemur heim :D og svo er auðvitað planið að halda brúnkunni.

Ætlaði að skrifa eitthvað hérna í vikunni en ég man ekkert hvað það var :Þ

Ég er búin að kaupa mér miða heim 4. júní en ég er að fara á ráðstefnu heyrnarfræðinga frá norðurlöndunum á Nordica. Ég er ekki búin að kaupa mér miða aftur til baka en það verður líklega rétt í kringum menningarnótt... eins og ávallt.

Ég er hinsvegar búin að kaupa mér lestarmiða til Marie, ætla að kíkja til hennar yfir eina helgi í maí.

Svo líklega í maí er ég að fara í magaspeglun, en þegar ég talaði við heimilislæknirinn í vikunni sagði hún að það væri næsta skref í þessum magamálum mínum. Já það er víst ekki hægt að segja við lækni "ég er með bakflæði". Heldur vilja þeir frekar sitja mann á pillur og sjá hvernig það virkar. Ég er sem sagt komin á biðlista og bíð núna bara eftir að fá tíma. Spurning hvort þeir komast að einhverju og geta þá gert eitthvað fyrir mann :Þ

Jæja ég er farin út í sólbað :D

riiight!!

2008-04-12T11:09:00.002+02:00

Jájá ég sem ætlaði að vera duglegri að blogga eftir að ég kæmi aftur út... RIGHT.

ég er búin að vera rosadugleg, að mér finnst, að fara upp á bókasafn að læra. Á að skila 5-10 bls ritgerð eftir tæpar 2 vikur og ég er búin með 3. En það er ágætt þar sem að ég er líka að læra fyrir 2 aðra kúrsa.
Það er alveg ótrúlegt að þar sem að enskan á alveg ógrinni af orðum og það eru til mörg orð yfir sama hlutinn, að svo komi orð eins og right og það hefur tvær merkingar og það er alveg hægt að misskilja það. Ég var að lesa heimildagrein í vikunni og á einum lista stóð: Choose the right ear. Ég var orðin frekar þreytt þegar ég las þetta en það var ekkert sem gat hjálpað mér í að ákveða hvort þetta átti að vera "veltu hægra eyrað" eða "veldu rétta eyrað". Ég trúi nú frekar á það fyrra. En sem betur fer er ritgerðin sem ég er að skrifa líka á ensku.

Fór með Öllu að hitta nokkra íslendinga um síðustu helgi. Hópurinn sem hittist þá voru ca 10 gaurar allir í verkfræði og flestir bara búnir að vera hér síðan í haust. Svo var grillpartý hjá þeim í gær, en það komu 2 pör sem að ég hef hitt áður hér og 2 aðrar stelpur sem ég hef ekki hitt. Þetta er alveg ágætis hópur, nenni meira að hitta íslendinga hópa núna...
Fór síðan líka í afmæli til Lottie í gær, það komu 2 að mér í gær og vildu fá staðfestingu á því hvort að ég væri íslenska stelpan. Ég endaði með því að fara heim þegar farið var niður í bæ, enda ástandið ekki það besta. En þetta var nú samt ágætis kvöld :)

Var að komast að því í síðustu viku að ég mun ekki vera komin með Master eftir ár. En það þýðir ekki að ég sé ekki að flytja heim eftir ár. Málið er þannig að Lundur er eini skólinn sem að hefur heimild til að útskrifa Mastersnema, en þeir ætla ekki að vera með kúrsinn í að skrifa Mastersritgerð fyrr en í fyrsta lagi haustið 2009. Svo á maður, skv þeirra skipulagi, að skrifa fyrst magister ritgeð. Þannig að ég mun skirfa Magister fyrst og fá þá gráðu og síðan skrifa Mastersritgerðina, en hana mun ég líklega skrifa á íslandi.
Mín líking á þessu er eins og að einhver bjóði gestinum sínum köku, sem gesturinn þakkar en svo þegar gesturinn ætlast til að fá þessa köku sem honum var boðið, þá er sagt við hann "Neeei... ég á enga köku(og hef aldrei átt), ég ætla bara að baka hana einhvern tíman seinna"

Jæja nóg komið af vitleysu

Komin til Gbg aftur

2008-04-02T11:19:00.003+02:00

Ég er sem sagt komin til Gautaborgar aftur. Fínt að vera komin út og í mína eigin íbúð, sérstaklega þegar heimilið á klakanum lítur svona út:

Ferðin gekk bara vel, náði lestinni þrátt fyrir seinkun á vélinni. Hitti svo stelpu í lestinni sem var með mér í bekk 2 fyrstu árin. Svo við gátum spjallað í hálftíma.
Annars er bara ágætis veður hér og maður finnur fyrir að vorið er á leiðinni, 10° hiti og fínt. Sól í gær en rigning í dag.

Ég er ekki enn búin að taka upp úr töskunni, hjálpar ekki að ég setti öll fötin mín, sem ég skildi eftir, í ferðatösku, svo ég þarf að taka upp úr henni líka :S

Ég fékk panik þegar ég kom heim og fór í gegnum póstinn minn og sá að ég átti að staðfesta þátttöku í einum kúrsi fyrir 5.mars. Ég sendi mail til að ath hvernig þetta væri. Í gær fékk ég svo póst um að ég hefði staðfest þátttökuna 24/2, mundi náttúrulega ekkert eftir því... en fór að ráma í það. Og þar sem að ég er með nýja tölvu þá er ég ekki með e-mailin mín og gat ekki ath hvort ég hefði sent staðsettninguna.

Jæja á maður ekki að fara að læra... það má gera tilraun:Þ

skrifiskrif

2008-03-26T22:52:00.002+01:00

Jájá ég ætla að skrifa smá.
Ég fór sem sagt til Stokkhólms um daginn, nánar til tekið 9-16. mars. Ég var í skólanum alla vikuna, og það endaði með prófi sem ég er enn ekki búin að fá úr.
Ég ætlaði að skrifa á meðan ég var þarna en tölvan mín fór á gelgjuskeiðið og reyndi að fremja sjálfsmorð, en hún vildi ekki fara aftur til Svíþjóðar. Þegar ég kveikti á henni í Svíþjóð þá kom bara blár skjár. Eftir nokkrar símhringingar í tölvunörda vin minn þá var úrskurðuð að lítið væri hægt að gera fyrir hana nema að straua hana alla en þá gat verið einhver von... sem sagt niðurstaðan: tölvukaup fyrir 31. mars.
Þarna í Stokkhólmi var verið að halda úrslit söngvakeppninnar fyrir Eurovision. Auðvitað fórum við í partý en það var svona 100m frá Globen(þar sem Eurovision var haldið 2000) ég á eftir að setja inn einvherjar myndir. Það sem var merkilegast við þetta partý var að þetta var hommapartý, af 9 einstaklingum vorum við 3 kvennmenn en allir einstakklingarnir áttu eitt sameiginlegt = áhugi á karlmönnum :Þ Svo fórum við á hommabar þar sem 95% einstaklinga á staðnum voru karlmenn. Ég hef aldrei farið áður á skemmtistað þar sem að enginn karlmaður reynir við mann... sem var svo sem ekkert slæmt í þessu tilfelli þar sem ég var að fara til Íslands daginn eftir :Þ Það var líka svolítið spes að sjá fullt af karlmönnum að reyna við aðra karlmenn.

Annars fór ég norður um páskana, sem er svo sem ekkert nýtt :Þ
En það var mjög gott að komast norður og slappa af. Ég fór norður með Jón og Lilju en svo komu foreldrarnir á fimmtudag. Við fórum svo heim á mánudaginn, J&L fóru reyndar á sunnudag. Við nenntum ekki að fara heim fyrr þar sem það er búið að stúta eldhúsinu hérna á heimilinu. Nýr ísskápur stendur á miðju stofugólfinu en aðrar eldhús græjur eru ekki í boði. Fyrir utan þá er allt í ryki og drullu.
Æ ég hlakka hálf til að fara út aftur og losna úr þessari drullu.

En já ég er sem sagt að fara af landi brott á mánudaginn. Skrítin tilfinning en það verður fínt að komast í sína eigin íbúð og hitta vini/vinkonur.

Þetta er ágætt í bili - ný tölva á morgun... jibbbýýý!!

Tími til kominn...

2008-02-28T17:34:00.002+01:00

Það virðist einhvern vegin vera að þegar maður skrifar ekki lengi á síðuna sína þá fer maður að taka betur eftir því hverjir lesa bloggið hjá manni. Ótrúlegasta fólk hefur bent mér á að það sé orðið frekar langt síðan ég skrifaði síðast og það er alveg rétt.

Ég er sem sagt enn á Íslandi þó að það styttirst í vikuferð mína til Stokkhólms. Ég er enn að vinna en þó ekki með börnin, það var bara tímabundið verkefni.
Núna sit ég uppi í vinnu hjá pabba og er að læra, þessu eftirmiðdagur gekk þó hlutfallslega betur en allur síðati mánudagur í lærdómi.
Ég er á skrautskriftarnámskeiði og er að fara á það kl 17:15, svo er ég að fara á Pabbann í kvöld með Erlu frænku. Hlakka rosalega mikið til þó að ég sé ótrúlega þreytt eftir daginn. Fyrst vinna, svo læra, svo kemur námskeið og eftir það Leikhús.
Ég fór í leikhús með JHildi um daginn, við sáum Ladda sem var auðvitað snilldar sýning. Ótrúlegt hvað ég er orðin menningarleg núna, 2 leikhúsferðir með mánaðar milli bili :D Hef ekki farið í leikhús síðan ég sá Með fullan vasa af grjóti hér um árið.

Annars er ekkert svo mikið að frétta þannig. Jú ég verð ein heima um helgina þar sem m&p eru farin til Köben. Lítið palnað um hlegina.

En núna þarf ég að fara að yfirgefa skrifstofuna hans pabba og koma mér á skrautskriftar námskeiðið.

2008-01-29T18:22:00.000+01:00

Barna-alvaran er byrjuð. Mætingin hefur nú ekki verið 100%, af mismunandi ástæðum. En mér líst bara vel á þetta, auðvitað er alltaf auðveldara að koma inn í málin og þekkja ekki börnin þannig að ég nota mikinn tíma til að kynna mér mál þeirra barna sem eru að koma til mín. Auðvitað er þetta mjög krefjandi starf og mikið sem maður þarf að fylgjast með og vita en það er það sem að mér finnst svo spennandi. Foreldrarnir eru mismunandi eins og þeir eru margir. Sumir tala og tala aðrir segja ekki neitt og svo eru þeir sem eru bara vanir og hinur sem eru óvanir og ekkert af þessu fer eitthvað meira saman en annað. Krakkarnir eru svo misáhugasamir um að láta fikta í tækjunum sínum hvað þá að þurfa að taka þátt í stillingunum... auðvitað er miklu skemmtilegra að leika sér á bílateppinu á gólfinu með bílana og kubbana.
Stundum finnst mér ég ekki vita neitt og nánast fer að hugsa hvað ég hef verið að læra en svo þarf ég bara að minna mig á að mín reynsla er aðalega á fullorðnum. Þetta kemur allt saman. Sú sem ég er að leysa af kemur svo aftur í vinnu eftir 4 vikur og þá ræðir maður bara málin.
Svo er ég að fara til Akureyrar með vinnunni á föstudaginn... ég hlakka bara svolítið til verð ég að segja. Þetta verður langur dagur, tek fyrsta flug kl 7:45 og er ekki komin heim fyrr en einhvern tíman um kvöldið eða eftir 9 alla vegana.

Við stórfjölskyldan(ég, m&p og J$L) fórum norður um helgina. Ég veit ekki hvort fólkið í vinnunni trúði mér þegar ég sagðist vera að fara norður. Þegar við keyrðum kjalanesið þá sást ekkert of mikið. Þegar við áttum stutt í göngin skildum við ekki alveg afhverju bíllinn á undan keyrði svona mikið út í kantinum en föttuðum svo að hann var að leita af afleggjaranum í Hvalfjörðinn...hihihi... Svo á Holtavörðuheiðinni sást á milli stika... ekki mikið meira en það. Og þar sem að hann bróðir minn er nú ágætis bílstjóri þá komust við nú klakklaust alla leiðina. Svo á leiðinni tilbaka var ekki nema 35m/s á Holtavörðuheiðinni... kannski sem betur fer voru engar kviður :Þ
En annars var helgin bara ágæt... gott að komast í burtu og slappa af. Fór meira að segja í pottinn en það var líklega -4°C þá stundina... hressandi að fara upp úr :Þ

Komin heim

2008-01-23T19:23:00.000+01:00

Erla var kom til mín á fimmtudaginn og var fram á mánudag, en þá fórum við saman heim. Við versluðum frekar mikið, aðalega var hún að versla barnaföt á litla frænda, gerðum alveg svakalega góð kaup. Á einum stað var 50% af útsöluverðinu... bara snilld.

Við kíktum líka í innfluttningspartý hjá Erik og félögum, Erla komst á séns þar með einum gaur sem nennti að tala ensku við hana. Hann fékk númerið hjá henni og hringdi tvisvar í hana með stuttu milli bili á sunnudeginum til þess að reyna að komast á kaffihús, í þriðja skiptið svaraði hún ekki. Þetta var ekki alveg að gera sig.
Við kíktum líka í Gautarborgar safnið.
Svo þurfti að þrífa og taka til í íbúðinni extra vel þar sem Jón og Sigga(foreldrar J.Hildar) ætla að vera í íbúðinni í 2 mánuði.

Ferðalagið heim gekk bara mjög vel, þrátt fyrir að þyrfa að vakna kl 5:20. Lentum kl 14:40 og foreldrar Erlu sóttu okkur út á völl. Fórum heim til þeirra á meðan foreldrar mínir voru í vinnunni. Andrea var heima hjá foreldrum sínum með litla kauða sem er reyndar nefndur Kristján eins og er. Svo ég böggaðist í honum í ca. einn og hálfan tíma til að fá hann til að vakna... gekk ekki alveg... honum var alveg sama.

Svo fór ég út að borða með vinnunni á mánudagskvöldið, en það kom dani í heimsókn að kynna heyrnartæki svo hann bauð okkur út að borða. Ég byrjaði svo að vinna í gær(þri) dagurinn var nú annars bara rólegur, fékk mína fyrstu kúnna í dag, og eitthvað meira á morgun og svo fer þetta að fara á fullt. Fæ svo fyrstu börnin til mín á föstudaginn en síðan byrjar barna-alvaran á mánudaginn :)

Þar til næst...

4 dagar í heimkomu

2008-01-17T15:15:00.000+01:00

Er núna að bíða eftir Erlu frænku en lestin hennar á að koma kl 16:15 til Gautborgar. Við ætlum kannski að kíkja á handboltann í kvöld. Það væri gaman að kíkja með nokkrum svíum, þá erum við alla vegana 2 á móti hinum. Kannski að við kíkjum á einhvern sportbar hér í nágrenninu.

Annars var ég fá spennandi verkefin í vinnunni. En það vill þannig til að leikskólabörn(með heyrnarskerðingu) eru að koma í sína árlegu skoðun núna í lok jan og sú sem sér um börninn þurfti skindilega að fara í veikindaleyfi og þá var ég beðin um að taka hluta af þessu að mér. Sem að mér finnst bara ótrúlega spennandi :O Las e-mailið í lok hádegishlésins í skólanum og átti mjög erfitt með að einbeita mér það sem eftir var dags :/ Var alltaf að hugsa um þetta. Mér finnst þetta ótrúlega spennandi, auðvitað er ég smá stressuð en það er bara eðlilegt. Krefjandi verkefni sem gaman verður að takast á við. Vona bara að ég fái ekki leið á krökkunum, því þá er ég í vondum málum. En ég efast nú um að það gerist.
Svo var á planinu að ég fari 2 sinnum til Akureyrar heiland dag, veit ekki hvort að þetta verkefni trufli það eitthvað.

Það verður skrítið að koma heim í 2 mánuði yfir vetrar tímann og sérstaklega þar sem að ég er ekki búin að kaupa miðan til baka. En hafið ekki áhyggjur ég fer aftur út :þ Þarf nú líka að kaupa mér miða til Stokkhólms, þarf að fara þanngað í viku. Kannski að ég fari á tónleika með Rihanna... Marie var eitthvað að tala um að hún væri að fara að halda tónleika.

Jæja klukkutími í Erlu.

8 dagar í heimkomu...

2008-01-13T16:18:00.000+01:00

Kíkti aðeins á djammið í gær, en hef ekki gert það af alvöru í frekar langan tíma, já eða mér finnst það.
Við fórum nokkrar saman og skemmtum okkur ágætlega þó að ég hefði valið einhvern annan stað. Á endanum voru ég og Lottie bara einar eftir en hún hafði fundið sér einhvern gaur. Á meðan ég leifði henni að daðra við gaurinn á barnum kom einn gaur til mín og við vorum bara mesta að spjalla en hann virtist verða hálf fúll þegar ég vildi ekki að hann kæmi með mér heim.
En það er alveg ótrúlegt hvað gaurar eru uppteknir af því hvaðan maður er. Ég veit ekki hvort þetta sé bara almennt hjá svíum þar sem langið er stórt og margir eru aldri upp í minni bæum en flytja svo í stærri bæina. En ég er alla vegana orðin nett þreytt á þessu, kannski aðalega vegna viðbragðanna. Það er greinilega svo hrikalega merkilegt að maður sé frá Íslandi og að maður tali ágæta sænsku eftir að hafa búið hér í meira 3 ár. Stelpurnar voru að segja mér að vera ekkert að segja of mikið, bara segja "já ég bý í Gautaborg" reyndi þetta í gær en það gekk illa, forvitnin varð bara enn meiri.

Ekki get ég ímyndað mér fólk á djamminu í Rvk "hvaðan ertu?" "Ertu úr Reykjavík?" Vá hvað ég hlakka til að verða "eins og allir hinir". Reyndar finnst mér strákar á íslandi ekki eins opnir á djamminu og svíarnir.

Stundum langar mig bara að hætta þessu rugli hérna og flytja heim. Verst að þá þarf maður að finna sér íbúð en kjörin eru ekki þau bestu núna.

stutt eftir

2008-01-10T17:26:00.000+01:00

Núna er ég búin að klára kennslu/uppeldisfræði prófið sem ég var farin að kvíða verulega fyrir. Daginn eftir að ég kom sat ég á bókasafninu frá 8:30 til 16:30 og var frekar búin á því. Lenti í smá veseni daginn eftir þar sem að ég fór eftir leiðbeiningunum en það átti maður víst ekki að gera, sem gerði það að verkum að ég fékk ekki næsta hluta fyrr en ég var farin að athugamálið því seinkunin var orðin of mikil. Sat svo fyrir öðrum hlutanum allan laugardaginn og á mánudagskvöldið var umræðutími þar sem við áttum að gagnrýna verkefnið hjá örðum munnlega og verja sitt eigið. Það var mikill léttir að fá að vita að ég hafði náð, bara smá smotterí sem ég þurfti að laga, og þá er ég að tala um bara útlitslega séð. En það stóð hvergi að þetta færi svona formlegt og að við ættum að vera með heimildalista og læti. Ég var bara að svara prófspurningu.

Byrjaði svo fyrir alvöru á Tölfræði heimaprófinu í gær og komst frekar langt með það. Í dag gerði ég svo aukaverkefnið sem ég átti eftir að gera í kennslu/uppeldisfræðinni þar sem að ég mætti ekki í fyrsta umræðutímann(skyldumæting). Þetta er búið að sitja á hakanum alla önnina. En ég kláraði þetta og sendi þetta inn. Ég komst að því á mánudaginn að ég hef verið skráð í vitlaust nemendafélag alla önnina. En málið er hér að maður fær ekki einingarnar sínar ef maður borgar ekki í nemendafélag. Ég spurði svo kennarann hvort þetta væri ekki í lagi en hann sendi mailið áfram og þá kom svar um að ég ætti að skipta um nemendafélag. Ég talaði svo við nemendafélagið sem ég er í og þá var þetta eitthvað vesen fyrir utan að önnin er næstum því búið og ætti ekki að skipta neinu máli. Svo ég sendi á þessa manneskju aftur og tók þessari reiði minni bara þegjadi og hljóðalaus og kom með svar sem var svipað og "já ok" svo við sjáum til hvort að ég fæ einingarnar. Svíar og þessar hlev. reglur.

En annars þá fór ég á skauta með Lottie á þriðjudaginn, maður verður að gera eitthvað skemmtilegt inn á milli. Vorum á skautum í 2 tíma og skemmtum okkur mjög vel og erum búnar að ákveða að fara aftur á mánudag eða þriðjudag.
Um kvöldið fór ég svo í bíó með Öllu og Eret vinkonu hennar á Goodluck Chuck. Fín mynd en svolítið of pínleg á köflum en ekki yfir strikið.

Annars setti ég inn nýjar myndir í gær(minnir mig) smá yfirlit yfir des '07 og jan '08
Svo er ég búin að kaupa flugmiða heim 21.jan fer aftur eftir páska. Og Erla frænka er búin að kaupa flug til mín 17. til 21. jan. Svo ég fæ bæði heimsókn og ferðafélaga heim... getur ekki verið betra :)

Þetta er orðið ágætt í bili

Gleðilegt ár

2008-01-01T21:24:00.000+01:00

Ég er búin að hafa það fínt hérna í fríinu heima. Búin að hitta 2 lítil börn, litla frænda og hann Jónas Breka hennar Huldi, sá í leiðinni nýju íbúðina hjá þeim Huldu og Gumma bara rosalega fínt verð ég að segja.

Var í áramótapartýi hjá Jóni og Lilju í gær, við vorum 16 manns en fjölskyldurnar eru frekar misstórar :Þ Maturinn var mjög góður en þær systurnar Lilja og Kristín voru búnar að standa í eldhúsinu allan daginn.
Við vorum klikkaði nágranninn en Beggi, mágur Lilju, var búin að redda fáránlega mikið af flugeldum. Húsið snéri alveg rétt og við vorum í ágætis logni við útidyrnar og rokið gerði það að verki að allur reykur og glóð fóru frá húsinu.

Annars hefur lífinu bara verið tekið með ró í dag. Fór til ömmu til að kveðja hana og svo til móðurbróður míns.
Pakkaði ALVEG SJÁLF á meðan foreldrarnir horfðu á Óla... á bara eftir að setja skyrtuna sem ég er í ofan í tösku :)
Svo er bara flug í fyrramálið kl 8:00... á sæti í vélinn og ætla bara í sjálfsafgreiðsluna svo ég þarf ekkert að mæta ooof snemma.

Svo er tekur við heimapróf þegar ég kem út... kvíður nett fyrir

En þar til næst... í Svíþjóð
Gleðilegt ár og takk fyrir það gamla

Gleðileg Jól

2007-12-24T16:01:00.000+01:00

Núna styttist í jólahátíðina og ég vil óska öllum lesendum og aðstandendum þeirra gleðilegra jóla.

Annars átti Jón, uppáhalds bróðir minn, afmæli í gær þannig að við fórum í Perluna á hið árlega jólahlaðborð. Fengum mjög gott að borða.
Svo átti móðursystir mín afmæli einnig í gær en hún varð 45 ára.
Og til að toppa þetta allt saman eignaðist Andrea frænka mín(dóttir móðursystur minnar) lítinn dreng í gær, 48cm og 13 merkur(skv nýjustu fréttum).
Og óska ég henni innilega til hamingju með drenginn. Hann kom í heiminn stuttu fyrir miðnætti, þannig að hann rétt náði að verða smá auka afmælisgjöf til ömmu sinnar :)
Það er búið að vera mikið í umræðunni hvort hún myndi eignast barnið á þorlák, en meira í gríni en alvöru þar sem að hún var sett 29. des. Svo okkur fannst þetta frekar ólíklegt en eitthvað annað... en alltaf er hægt að koma manni á óvart.
Ég sem sagt náði að sjá frænku mína óletta og ætla pottþétt að ná að sjá litla drenginn áður en ég fer aftur út.

Við heyrumst svo eftir jólahátíðina :o)

árekstur...

2007-12-13T11:39:00.000+01:00

Ég var að rölta úti í gær hérna í næstu götu en þar er mikið af gangandi verfarendum svo allir bílar þurfa að keyra rólega.
Einn leigubíll keyrði framhjá mér og ég var svo sem ekkert að pæla neitt í því þar til að ég heyrði áreksturshljóð. En þá hafði leigubíllinn gleymt að virða hægriregluna en til hægi sniglaðist lögreglubíll... vá hvað ég grenjaði úr hlátri... hjálpaði ekki að leigubílsstjórinn var svona ekta "sænskur" leigubílsstjóri(eða innflytjandi/múslimi) talandi á sinni bjöguðu sænsku. Löggan sat í raun ótrúlega lengi inni í bílnum hjá sér, gat bara ímyndað mér hann blótandi í sand og ösku. Í fljótu bragði sá ég ekkert að bílunum...

Ég reyndar sá annan árekstur fyrir ca. mánuði síðan en það var aðeins harðari árekstur, einn sem fór yfir á rauðu og beint inn í annan bíl. Sá sem var í rétti þar hann var nú ekki alveg beint sáttur.

Allt að koma...

2007-12-12T12:32:00.000+01:00

Núna eru dagar af pínu búnir... ekki nóg að hafa verið með verk í tönninni en ég þurfti auðvitað að fá svaðalegt kvef í leiðinni. Og á sama tíma átti ég að vera að læra fyrir umræðu tíma og próf. Endirinn var sá að ég mætti frekar óundirbúin í umræðutíma og prófið gekk ekki jafn vel og ég hafði vilja, en ég næ nú samt örugglega.

Sem sagt núna á ég bara eftir að fara í einn tölvutíma í tölfræðinni, sem er á þriðjudaginn, og svo kem ég heim. Reyndar í milli tíðinni á ég eftir að fara til Köben að ná í mömmu og Lilju, en við ætlum að eyða eftirmiðdeginum á laugardaginn í Köben og taka svo síðustu lestina til Gautaborgar.
Ég skrópaði óvart/óviljadi í fyrri hluta tölfræði tímans á mánudaginn. Var alveg 100% viss um að við ættum að byrja kl 13 en við byrjuðum víst kl 9... úps... en ég held að ég hafi nú ekki misst af miklu. Þetta eru ekki mestu tölvusnillingarir sem eru í bekknum svo það tekur smá tíma að fara í gegnum þetta.

Annars er planið núna fyrir í dag, á morgun og föstudag, að þrýfa íbúðina, þeas taka hana alveg í gegn, klára jólagjafirnar og kaupa jólakjól :) Jú og svo ætla ég aðeins að rölta um Liseberg í dag.

Var að skoða sænsku fréttirnar áðan og rakst ég á þessa skemmtilegu frétt sem ég var reyndar búin að sjá á mbl.is. Finnst bara mjög fyndið að hún hafi komist út fyrir landssteinana... hihihi... það er nú ekki oft sem að ísland er á síðum blaðana hér.

Best að fara að ryksuga og skúra...

Sjálfsvorkun

2007-12-05T12:21:00.000+01:00

Það er nú lagt frá því að ég geti sagt að það hafi verið gaman hjá tannsa í gær. Ég sat í stólnum í 2 tíma og 20 mín og þar af voru 2 tímar þar sem ég sat með galopinn munninn án þess að fá að loka. Vá hvað þetta tók á.
Það munaði litlu að ég þrufti að koma aftur seinna því það gekk illa að deyfa eina rótina en sem betur fer gat ég harkað þetta af mér... sh#& hvað þetta var vont. Ég vildi frekar pína mig en að þurf að koma aftur...

Þegar ég kom heim tók ég strax verkjalyf þar sem að sársaukinn var mikill. Ég get nú ekki sagt að verkjalyfin hafi gert mikið en þau tóku svona rétt mesta sársaukann. Tannsi sagði að ég gæti verið með verk í 2-5 daga.
Vaknaði í nótt kl 4 með þennan svaðalega verk.

Verkjalyfin taka aðeins betur á verknum í dag, eða alla vegana það sem liðið er af deginum... Þó að stundum reyni ég að harka af mér verki í stað þess að taka verkjalyf en það er ekki þannig núna... Þvílikt hvað þetta er óþæginlegur verkur... Svo gera lyfin mann frekar sljóan, maður á víst að passa sig ef maður ætlar að keyra bíl(sem er svo sem ekkert að fara að gerast núna)

Ég átti í vandræðum með að borða Cheeriosið mitt í morgun því að hringirnir leituðu alltaf undir tönnina en það er ekki þæginlegt að nota hana núna. Tilfinningin er eins og þegar maður var með lausa tönn hérna áður fyrr... nema að hún er ekki laus.

Jæja ég er hætt að vorkenna sjálfri mér hérna í bili... Verst að maður hefur engan hérna heima til að vorkenna manni og stjana við sig. En jæja þetta ætti nú að vera búið að jafna sig á sunnudaginn.

Fréttir og brandari ársins

2007-12-03T19:03:00.000+01:00

Ég er fór til tannlæknis á fimmtudaginn og fékk þær "frábæru" fréttir að það þyrfti að rótfyllatönnina... og það kostar einungis 3000kr sek(ísl 30.000), jább rán um hábjartandag. En það verður sem sagt gert á morgun.

Ég fór svo og hitti Marie í Växjö um helgina, mömmu hennar fannst orðið allt of langt síða ég kom síðast og vildi endilega að ég kæmi fyrir jólin. Við fórum út í skóg og huggum tré, til að hafa úti. Síðan bökuðum við piparkökur og lussekatter. Annars tókum við því líka bara rólega og slöppuðum af.

Þegar ég kom heim í gær setti ég upp nýju jólagardínurnar mínar og aðventuljós og gerði smá jólalegt. Síðan fór ég að skoða jóla-föndurdót sem Marie hafði ætlað að henda þegar hún flutti en ég tók það hins vegar til mín. Þegar ég tók kassan, sem er gegnsær plastkassi, fannst mér hann frekar þunngur miðað við innihaldið(efni og eitthvað meir) og það heyrðist eitthvað hljóð í kassanum þegar maður hristi hann sem ég gat ekki alveg skilið, en pældi svo sem ekki meira í því. Þegar ég opnaði kassan blasti við mér myndavél sem Marie týndi fyrir 3 árum síðan. Hún var viss um að einhver hefði stoðið myndavélinni því hún fann hana hvergi... enda dettur engum í hug að leyta í kassa með jólaföndri... Ég vissi ekki hvert ég ætlaði af hlátri... Hún hafði meira að segja fengið nýja myndavél út úr tryggingum... Þegar ég sá e-mailið frá mér hló hún sig vitlausa úr hlátri :Þ

Ég veit ekki með ykkur en ég get ekki sagt að ég fyllist öryggis tilfinningu þegar ég labba framhjá einkennisklæddum lögreglumanni með hríðskotabyssu. Það gerðist sem sagt í morgun. Hérna hinu megin við garðinn er Göteborgs tingsrätt(eða Héraðsdómur Gautaborgar?) en ég labba þar framhjá á leið í strætó. Í morgun var örugglega verið að fara að dæma einhvern svaka glæpamann en það stóðu 5 einkennisklæddir lögreglumenn með hríðskotabyssur þarna fyrir utan á meðan bílinn fór inn í skúrinn.
Í síðustu viku var Sveriges Radio þarna fyrir utan, svo hefur maður séð 2 lögreglu menn fara með einn krimma inn í handjárnum... En þetta er nú ekki svona dagsdaglega hérna.

Svo er próf eftir viku... reyndar bara eitt próf fyrir jól... svo ég þarf að lesa alveg helling... best að fara að koma sér að því.

Pína

2007-11-28T21:17:00.000+01:00

Ég er með tannpínu... ég hef ekki verið með tannpínu í mörg ár, var ég að komast að. Hrikalega er þetta vont.

Ég er að fara til Växjö á föstudaginn og verð þar yfir helgina. Ég mun hitta Marie þar en við erum að fara að baka piparkökur og föndra. Hlakka til að hitta hana, mér finnst enn skrítið að hún sé flutt héðan, venst því örugglega aldrei.

Annars er veðrið ekkert skemmtilegt, það er kallt og það rignir. Búið að fara niður fyrir 0°C... sem væri allt í lagi ef það kæmi nú snjór.

Á sunnudaginn fór ég út í apótek og þegar ég kom út lengi ég í "gallup"-könnun. Ég hef aldrei lent í jafn fáránlegri könnun, sem var ekki búin til fyrir apótek heldur bara verlsun yfirhöfuð. T.d. var þetta ánæguleg heimsókn? (Halló!!! þetta er apótek, hvað er ánægulegt við að fara í apótek og þurfa að kaupa lyf?) fleiri spurningar voru svipaðar. Ég veit ekki alveg hvort að þetta hafi verið sanngjörg könnun eða hvort apótekið hafi fengið sanngjarna einkunn, þar sem ég hef ekkert á móti apótekinu, en ég hafði enga ánægju af heimsókninni og bjóst svo sem ekkert við því heldur.
Hún sem gerði könnunina fannst spurningarnar jafn fáránlegar og mér, en hvað maður gerir það bara gerir það besta úr þessu og hlær... :þ

Vá tíminn er svo fljótur að líða... og ég er að fara í próf eftir innan við 2 vikur og það var svo langt í prófið, það eru bara 2 fyrirlestrar eftir í þeim kúrsi.
Svo eru bara rétt rúmar 2 vikur þanngað til mamma og Lilja koma í heimsókn, og bara 3 vikur í að ég komi heim í jólafrí... Og ég sem hélt að það væri svo langt í þetta allt saman... Ég þarf að reyna að fylgja með...

Þetta tímaflug er ein af ástæðum fyrir að ég skrifa ekki svo oft hérna... áður en maður veit af er ein vika búin og svo önnur og önnur... osfrv...
Sem þýðir líka að vikur tvær í jólafríinu eiga eftir að hverfa á "no time"...

Tíminn líður áfram...

2007-11-18T23:33:00.000+01:00

Ég byrjaði í kúrsi í Tölfræði í sl viku. Ég er annað hvort yngst í bekknum eða næst yngst. Það eru 3 karlmenn, einn á mínum aldri, annar nær fertugu og svo þriðji nálægt eftirlaunaaldrinum. Restin eru 28 konur svona 35-60 ára. Fyrir utan að fólk virðist þekkja hvort annað, það eru örugglega 3 hópar sem þekkjast. Þannig að maður er frekar einn á báti þarna. Við munum fá heimapróf í kúrsinum en við fáum það síðasta daginn, það var einhver sem spurði hvort við gætum ekki fengið það í byrjun til að geta spurt spurninga á meðan kúrsinn er í gangi... ein að reyna að komast létt undan prófi.

Ég er búinn að vera að drepast úr vöðvabólgu núna í 2 vikur, þannig að ég fór í nudd á föstudaginn, ég get ekki sagt að það hafi verið leiðinlegt. Fer örugglega aftur í vikunni... spurning hvort ég ætti að tala við sjúkraþjálfara í staðinn til að vinna á öxlinni...

Annars fór ég í 2 innfluttningspartý í gær hjá bræðrum. Fyrsta var í Kungsbacka en Peter flutti þanngað með kærustunni núna í haust. Við byrjuðum á að fara í keilu, get ekki sagt að mér hafi gengið vel kannski hafði öxlin eitthvað með það að gera, en ég skemmti mér vel sem er auðvitað mikilvægast. Svo fengum við tacos-buffé, ótrúlegt hve karlmenn geta borðað mikið. Síðan fóum við heim til Peters en fleiri komu svo þanngað. Síðan var haldið til Gautaborgar og skroppið heim til að taka sig til og svo var partý hjá Henrik. Og svo var auðvitað farið niður í bæ að vanda. Kom svo heim um 4... en ég og Therese vorum aðeins lengur en hinir, sátum legin og voru að spjalla við hina og þessa gaura, og auðvitað fannst þeim svakalega merkilegt að ég væri frá Íslandi.

Liseberg opnaði á föstudaginn... ég er ekki búin að fara ennþá þar sem að ég á ekki árskort en það kostar 70 kr inn. Reyni að redda mér árskorti, þó að það sé ekki nema bara lán. Svo er líka búið að kveikja jólaljós um borgina, reynar er ekki búið að kveikja öll en þetta er orðið mjög huggulegt hérna.

Bara mánuður í að ég komi heim :)

Búin í Lundi

2007-11-10T17:08:00.000+01:00

Þá er ég búin að fara í síðasta skipti til og frá Lundi í þessu kúrsi. Kúrsinn þar kláraðist í gær, en við vorum 2 sem vorum að hætta. Það er einn dani búinn að vera með þeim í einhverjum kúrsum, þeas eitthvað meira en ég. Þannig að á fimmtudaginn fórum við út að borða í hádeginu, það komust því miður ekki allir en fínt að gera eitthvað með hópnum svona undir lokin.
Þannig að núna er ég búin með fyrstu 11 einingarnar í masternum og bara 79 eftir í bóklegu plús 30 eininga ritgerð (þeas ein önn)

Eitt skil ég ekki alveg, ég er sem sagt búin að vera með myspace síðu síðan einhvern tíman í sumar/vor, fyrir þá sem ekki vissu það þá er hún myspace.com/krissapals, ekki það að ég noti þessa síðu mikið. En á innan við viku núna hafa 4 gaurar búsetir í Svíþjóð sem mér privat-skilaboð í von um eitthvað meira. Ég get nú ekki alveg sagt að ég hafi áhuga að hitta fólk í gegnum myspace, og fyrir utan er ástæða að allt á síðunni er á íslensku. Einn byrjaði á eftirfarandi hátt:
"My name is Kais I'm single man living in Sweden. I want we know each other to be good friends then we will see what is next in our lives, If we will have good understand between us..."
Fólki er ekki viðbjargandi...
Ég ætla frekar að sjá hvort maður hitti ekki einhvern fínan gaur á djamminu í kvöld... er sem sagt að fara á djammið með stelpunum.

heyrumst seinna

grenj

2007-10-31T21:59:00.000+01:00

NEEEEI... ég sat í makindum mínum og var að horfa á Grey's Anatomy og þá allt í einu slökknaði á útsendingunni og það var bara snjór á skjánum og líka á öllum hinum stöðvunum... og það er ekkert sem ég get gert. Þetta gerðist reyndar líka í september en þá var ég ekki að horfa á neitt sérstakt. Það er eins og einhver hafi bara fengið þá hugmynd að kippa úr sambandi tenginu fyrir sjónvarpssendinguna inn í húsið... *pirr,pirr*

En yfir í annað. Ég var rosalega dugleg í gær, fór í sund, búin að vera að hugsa um þetta í ár og loksins varð að því. Ætla að reyna að gera þetta einu sinni í viku, sjáum til hvernig það fer. Er með smá harðsperrur á hinum ýmsu stöðum en ekkert óbærilegt.
En ég verð að segja ykkur frá einu sem ég sá í sundi. Ég sem sagt var í sturtu og var í raun að horfa bara á gólfið á meðan ég stóð þarna undir bununni og svo rek ég augun í lappir sem mér þóttu frekar furðulegar. Þetta voru lappir sem litu út eins og á vel hárugum karlmanni og ég er ekkert að grínast með hárin váá... getur kvennmaður virkilega verið með svona mikinn fjölda af þykkum og löngum hárum á löppunum og þetta var ekkert bara á kálvanum heldur líka upp aftanverð lærin... ég þurfti hreinlega að líta aðeins ofar til að vera viss um að þetta væri kvennmaður. Ég meina ég hef alveg séð stelpur sem hafa ekki nennt að raka á sér lappirnar í þó nokkurn tíma en ég vissi ekki að það væri hægt að gera þetta svona slæmt...!!!!

Annars held ég að foreldrarnir séu að tryggja sér það að ég flytji heim. Já það er verið að pæla í íbúð, er búin að vera að kíkja á fasteignavefinn á hverjum degi sl. daga til að skoða íbúðir.
Held að mamma og pabbi ætli að skoða eina fyrir mig sem er á Nesinu, sem okkur líst áægtlega á. Lilju fannst pabbi ekki alveg vera að klippa á naflastrenginn :P þeas að ég flytji ekki nógu langt frá m&p. En Lilja: hvernig var það með Jón? Fluttin hann ekki í bakgarðinn hjá ömmu, þar sem hann hafði leikið sér þegar hann var lítill?? hihihi... Og er ég ekki búin að búa í útlöndum í 3 ár(fyrir utan að þá á alla vegana eitt eftir að bætast við áður en ég flyt heim) :P
En þetta er ekkert ákveðið, það er nægur tími.

Annar er kúrsinn í Lundi alveg að verða búinn, þessi vika og næsta. Fer niðureftir í fyrramálið og svo aftur á fimmtudaginn í næstu viku. Þannig að það er rétt rúm vika eftir. Vá hvað ég hlakka til að hætta þessum þvælingi fram og til baka.
Svo er að farið að styttast í jólin... bara rétt rúmur 1 og 1/2 mánuður þar til að ég kem heim :)
Það er búið að breyta klukkunni þannig að núna er bara klukkutíma munur á milli Íslands og Svíþjóðar. Skil ekki að fólk nenni að vera að hræra svona í klukkunni.

En ég er hætt þessum skrifum í bili... Endilega látið heyra í ykkur :)

Orðin ónæm fyrir veseni

2007-10-25T21:36:00.000+02:00

Það væri synd að segja að þetta sé mín besta vika lengi, kannski að versta sé nær því, þó kannski ekki alveg svo langt.
Á mánudaginn leigði ég bíl til að keyra til Hässleholm sem tekur 2:20 að keyra, ég vara að fara í vinnustaðaheimsókn sem er tengd lokaverkefninu í kúrsinum þannig að ég vildi ekki missa af því, en ég þurfti að vera komin til Gautaborgar 2:30 eftir að heimsóknin var búin en lestin tekur 4 tíma þar sem að hún fer ekki beint og maður þarf að skipta 1-2 á leiðinni.
Ferðin niður eftir gekk vel, og upp eftir aftur gekk líka vel. Svo hafði ég ekki tíma til að skila bílnum fyrir tímann sem ég var að fara í. Ákvað þess vegna að leggja bílnum fyrir utan hjá mér, lagði fyrst í eitt stæði þar sem að kostaði 20kr/klst til kl 22, þegar ég fattaði það þá flutti ég bílinn á stæði þar sem kostaði 20kr/klst til kl 18 því að ég vissi að ég hefði nægan pening fyrir það... en þegar þangað var komið komst ég að því að ég hefði týnt einni 10 sem ég var með og þar með átti ég ekki nægilegt klínk. Það sem klukkan var orðin 17 og ég átti að mæta kl 17 gat ég lítið annað gert en að borga það sem ég átti og vona það besta... En auðvitað fékk ég stöðumælasekt upp á 400kr sek(ca 4000 kr ísl) Mín var ekkert rosalega sátt en lítið við því að gera.

Síðan fór ég niður til Lundar í dag, get ekki sagt að það byrjaði eins og til var ætlast. Vaknaði rúmlega 6 þar sem ég var að fara að taka lest kl 7:40, fór aðeins fyrr út á lestastöð þar sem að ég var ekki búin að sækja miðana eins og ég er vön. Þegar ég leit á miðann stóð 9:40 sem sagt ég var 2 tímum of snemma, svo mín fór bara aftur heim enda stutt heim og lagði mig í 1,5 tíma. Fór svo aftur út á lestastöð og upp í mína lest. Í Gautaborg fengum við að vita að raflínana fyrir lestina var slitin milli tveggja staða svo við þurftum að fara í rútu á milli. Kellingin sem sat við hliðina á mér í lestinni áður en við komum að rútunni sagði mjög hneyksluð "hver rífur í sundur raflínu" þetta hljómaði eins og hún héldi að einhverjir unglingar hefðu verið að fikta í línunni. Svo þegar við vorum aftur komin í lestina(eða hina lestina) þá var ljóst að það væri seinkunn og konan við hliðina á mér var ekki lítið pirruð og svo þegar kom upp eitt vandamál í viðbót þá fór að sjóða verulega á henni. Ég var komin til Lundar hálftíma eftir áætlun og náði akkúrat á réttum tíma í skólann :)

Svo var auðvitað þetta vanalega íbúðarvandamál hér í Lundi. Ég hef ekki skrifað mikið um það hér en það hefur verið þannig í hvert einasta skipti(fyrir utan fyrsta) þegar ég hef komið til Lundar að það er óljóst hvar ég mun sofa. En það hefur alltaf reddast, búin að sofa á 5 mismunandi stöðum. Krakkarnir í bekknum vorkenna mér svo mikið svo þeim finnst ekkert mál að leyfa mér að gista hjá sér. En þetta er að verða búið, bara tæpar tvær og hálf vikur eftir en á bara eftir að gista í nótt og svo eina nótt í viðbót.

Þetta er nóg í bili

Bloggtími

2007-10-20T15:01:00.000+02:00

Núna er besti tíminn til að blogga, já þegar ég virkilega þarf að læra en nenni því alls ekki. Á að skrifa 3-4 bls skýrslu/ritgerð og skila á mánudaginn og tala um í 10-15 mín. Ég er bara búin með 1 bls og veit ekki alveg hvað ég get bullað um í viðbót.

Það fer að styttast í að kúrsinn í Lundi fari að klárast, bara 3 vikur eftir; 2 mánudagar, 3 fimmtudagar og 2 föstudagar. Svo fer ég að byrja í tölfræði og málþroska, en kennslu/uppeldis kúrsinn heldur áfram þar til í janúar.

Þegar ég tók lestina frá Lundi í gær var einn maður í lestinni sem komst að því að hann var í vitlausri lest. Við vorum í hraðlest til Gautaborgar en hann átti að fara í hraðlest til Stokkhólms sem var hinumegin á brautapallinum og var að fara á svipuðum tíma. Hann fattaði þetta ekki fyrr en lestin okkar var að leggja af stað og ekki mikið hægt að gera. Hef oft pælt í því hvað maður myndi gera ef maður færi óvart upp í vitlausa lest sem væri að fara í þveröfuga átt miðað við það sem maður ætlar... Þetta var nú samt svolítið fyndið :þ

Ég er búin að kaupa flugmiða til Íslands um jólin, sem sagt ég kem 19. des og fer aftur 2. jan. Hefði alveg verið til í að vera aðeins lengur en ég þarf að skila verkefni kl 8 þann 4.jan og ég veit að ég mun ekki geta lært heima, búin að prufa það oftar en einu sinni.
En mamma ætlar að koma í heimsókn 15. des og við ætlum að jólastússast hér í Gautaborg í nokkra daga en svo förum við saman heim. Fínt að þurfa ekki að ferðast ein.

Ég ætla að reyna að skrifa nokkrar línur í viðbót í þessu verkefni, minn að gera á morgun.

Viðbót

2007-10-09T14:09:00.000+02:00

Ég verð að deila með ykkur einni upplifun. Ég fékk privat-skilaboð á Facebook frá einhverjum Olaniyan Olayemi.
Subject: Sweetie !!!
Wow,Nice picture,nice profile nice heading......i really love everything i have gotten from your profile and that has promt me to wanna get to know you more,be your friend and even more later on.......it will be the greatest thing that will ever happen to me only if you can reply my mail back to this site or to my regular email address oauniggaz@ .com.....i will be waiting to hearing from you...take care of urself and be good.
Olayemi.

Ég verð nú að segja að ég vissi ekki hvert ég ætlaði... hló og hló og hló... Eru sumir desperate eða hvað...

Vildi bara deila þessu með ykkur, nb: ég ætla ekki að svara.

Lundur hálfnaður

2007-10-09T11:23:00.000+02:00

Besta að skrifa eitthvað... vá hvað ég er orðin ódugleg við það.
Ég er hálfnuð með Lundinn, að vissuleiti verður fínt að klára þar. Kúrsinn er fínn en þetta ferðalag á milli verður þreytandi til lengdar, aðalega að pakka áður en ég fer.

Þegar ég fór niðureftir á fimmtudaginn þá var ekki alveg komið á hreint hvar ég gæti gist í það skiptið. Ég hef búið hjá íslenskum manni í bekknum og fjölskyldu hans. En núna var hann að fá mömmu sína í heimsókn svo ég þurfti að finna mér annan svefnstað. Ég hef verið í sambandi við annan íslending sem er á Íslandi en hefur íbúð í leigu í Lundi. Ég fékk að búa þar fyrstu vikuna en síðan var einhver annar með íbúðina vikuna á eftir. Síðan ætlaði ég að reyna að fá íbúðina á fimmtudaginn, var í sambandi við manninn á Íslandi og eftir svona ca. 3 tíma bið fékk ég að vita að það væri ekki möguleiki að fá íbúðina. Endaði með að redda mér gistingu hjá einni stelpu í bekknum, síðan á föstudagskvöldið fékk ég að gista hjá annari í Malmö þar sem við vorum að fara í partý þar.
Við vorum mætt 10 af 14 úr bekknum í partýið. Fórum í tónlistarkeppni, og ég get ekki sagt að ég hafi farið á kostum þar, gat ekki einu sinni svarað einu spurningunni sem var nánast búin til alfarið fyrir mig; Nefnið 2 hljómsveitir sem söngkonan(Björk) hefur varið í, auðvitað gat ég svarað sykurmolarnir en mundi enga aðra hljómsveit.
Ég fór svo aftur til Gautaborgar kl 9:25, mjög gaman að vakna svona snemma þegar maður er búinn að vera að djamma, þetta var nú kannski ekkert svaðalegt djamm. Kíkti svo í partý hjá vinkonu minni á laugardagskvöldið.

Er eitthvað að berjast við heilsuna þessa dagana. Er búin að vera svona hálf slöpp í viku núna en samt líður mér ekkert of illa. Bara böggandi að vera ekki bara almennilega veik í nokkra daga í staðinn fyrir að vera eitthvað svona hálf meigluð í marga daga.

Flakkari

2007-09-25T16:05:00.000+02:00

Það eru ekki margir sem geta sagt að það taki þá 3 tíma að fara í skólann. Ég sem sagt fór til Lundar í gærmorgun, fór á fyrirlestur og fór svo aftur heim. jámm eyddi sem sagt 6 klukkutímum í lest, gat nú alveg notað tímann til að læra aðeins en það er ótrúlegt hvað það er miklu léttara og skemmtilegra að lesa pocketbók en að lesa ljósrit úr einhverri bók sem tengist kennslu/uppeldisfræði.

Annars gengur þessi Lundar vitleysa mín bara ágætlega. Fólk er alltaf að spyrja mig hvort þetta sé ekki dýrt og hvernig ég nenni að flakka svona mikið á milli fyrir einn kúrs, en ég nenni ekki að hugsa þetta svoleiðis. Svíar eru líka aðeins of mikið að hugsa um sín problem(vandamál), það er allt svo erfitt. Ég veit ekki hvað ég myndi gera ef ég væri alltaf að hugsa hve leiðinlegt það sé að taka lest í 3 tíma hverja leið 2 eða 4 sinnum í viku.

Annars er bara fínt hérna í Gautaborg, lífið gengur einn vanagang. Ég er búin að setja inn myndir, fyrir ykkur sem ekki voruð búin að taka eftir því. Þær eru kannski ekki mjög margar né fjölbreytilega en það var ekki ég sem var á bakvið myndavélina.

Ég fékk þá frábæru hugmynd og löngun til að setjast niður og senda myndir í framköllun. Var búin að gera tilraunir 2x áður en það fraus alltaf svo núna ákvað ég að senda þetta í 2 hollum. Auðvitað var búið að bætast eitthvað í bunkann síðan ég brufaði þetta síðast. Alls urðu þetta 296 myndir fyrir 2 ár, ég á svo eftir að setja þetta inn í myndaalbúm og skrifa við myndirnar, gaman gaman!! Ég gleymdi reyndar nokkrum myndum sem ég ætlaði að nota til að setja í ramma til að hengja upp á vegg. Ætla aðeins að bíða með að senda inn fleiri myndir.

Önnur Lundar vikan búin

2007-09-17T16:28:00.000+02:00

Núna er ég búin að fara til Lundar tvisvar. Gengur bara vel að flakka á milli. Gisti hjá einum íslenskum í bekknum, en hann býr í Lundi með konu og barni. Ég fékk að sofa í barnaherberginu og þar af leiðandi í barnarúminu, svona stækkanlegt rúm með svapdýnu. Hef sofið í þægilegra rúmi en líka óþæginlegra svo þetta var ágætt.

Skrapp svo til Köben eftir fyrirlesturinn á fimmtudaginn og hitta mömmu og pabba þar. En pabbi var á ráðstefnu og mamma skellti sér með til að rölta um í Köben. Og svona eins og gengur og gerist þegar ég hitti mömmu og pabba í úlöndum þá græðir maður nú aðeins á því og það var ekkert öðru vísi í þetta skiptið, peysa, fín svört stígvél og vertrarskór.
Fór svo aftur til Gautaborga á föstudaginn. En Magga var í heimsókn í Gautaborg og við vorum búnar að ákveða að hittast, fyrst ætluðum við að vera ég, Magga, Peter og Ragnar og rifja upp gömlu góðu dagana frá því fyrir 2 árum, en svo þurfti Ragnar að fara til Íslands. Svo við Magga og Peter hittumst hjá mér og elduðum mat og fórum svo á djammið. Skemmtum okkur bara mjög vel.
Af völdum þreytu á laugardaginn var lítið gert nema að hafa það notalegt fyrir framan sjónvarpið, en það getur verið bara mjög fínt. Magga gisti svo hjá mér á laugardagskvöldið, þar sem það var styttra í flugrútuna frá mér og ég var líka búin að bjóða henni það. Sunnudagurinn endaði í algjörri afslöppun.

Var á röltinu í bænum áðan og þé rekst ég á hana nöfnu mína úr vinnunni en hún flutti hingað fyrir ca. viku síðan, þvílík tilviljun. Hún var að rölta með manninum og dótturinni. Við ætlum að reyna að hittast á morgun.

Svo eftir hálftíma byrjar 3 fyrirlesturinn í kennslufræði en þetta verður minn fyrsti þar sem ég er búin að vera niðri í Lundi fyrstu tvo. Ég get nú alveg viðurkennt að ég er smá stressuð.

Það væri kannski rétt að skrifa eitthvað...

2007-09-09T19:21:00.000+02:00

Partýið sem ég var með um daginn fór bara mjög vel, vorum örugglega 15 þegar mesta var í 32 fermetrunum mínum. Marie var hérna í borginni þar sem hún var að fara í 35 ára afmæli fyrr um daginn, svo það var gaman að hún gat komið. Svo var Lottie að fara að flyta til Stokkhólms á sunnudeginum svo það var líka gaman að hún ákvað að kíkja. Við fórum síðan í bæinn, reyndar í 2 hollum þannig að hópurinn skiptist svolítið. Ég fór með 3 strákum í bæinn, sem er svo sem ekkert verra... Dansaði við einhver gaur þarna en fór ekkert of seint heim... komin heim kl 4. Frekar þunn daginn eftir og hlakkaði ekki til 3 tíma rútuferðar til Lundar... en það gekk.

Þannig að já ég er búin með fyrstu vikuna í Lundi, lifði það alveg af. Við erum samtals 14 í bekknum, flest allir búnir að vera saman í bekk í 3 ár. Það er búið að ákveða að vera með partý í bekknum og það á að vera á meðan ég er þarna svo að ég komist... ekki leiðinlegt.

Ég fór svo í keilu á föstudaginn með Theres, Eriku og Henrik(fyrir ykkur sem ekki eru komin með þessu nýju nöfn á hreint þá er Theres og Erika stelpur sem ég kynntist í vor, Henrik er bróðir Peters sem er vinur Ragnars. Og Henrik og Erika eru núna saman) Ss ég var 2 í keilunni... gekk bara ágætlega miðað við "aldur og fyrri störf". Ég og Theres röltum síðan um bæinn og hittum einn vin Ragnars sem var í patrýinu hjá mér um daginn. Kíktum aðeins á hann og vini hans spila póker á einum skemmtistað, spjölluðum við einn vininn sem ekki nennti að spila. Svo var ákveðið að við myndum hafa samband við gaurana kvöldið eftir svo þeir gætu hjálpað okkur með að komast inn á skemmtistað(gegnum sambönd)

Í gærkvöldi djömmuðum við Theres, Erika og vinkona þeirra Emma saman og höfðum svo samband við gaurana áður en við fórum út, hittum þá svo niðri í bæ og fórum inn á einn góðan stað. Ekkert að fara í díteils hvað gerðist þar. Hitti reyndar vini hennar Marie sem hún hafði verið í 30 afmæli hjá. Þeir höguðu sér eins og bræður mínir, geðveikt að passa mig, en þeir eru ágætir greyin. Eða eins og ég sagði í gær(ekki við þá), Marie er eins og systir mín, þeir eru eins og bræður hennar svo þá eru þeir eins og bræður mínir... svo næstum því.

Smá þynka í gangi í dag, en ekkert alvarlegt. Fer svo til Lundar í fyrramálið, fyrirlesturinn er ekki fyrr en kl 13:15 svo ég þarf ekki að taka lestina fyrr en 9:40... ekki slæmt... en það er komið nóg í bili... set inn myndir seinna... þegar ég fæ einhverjar...

Á maður kannski að skrifa eitthvað...

2007-08-30T11:41:00.000+02:00

Ég er sem sagt búin að vera hér í Gautaborg í ca eina og hálfa viku. Búin að hafa ýmislegt að gera til að dunda mér.
Ég fór í heimsókn til Marie í Karlskrona á föstudaginn og kom aftur á mánudaginn. Þetta var mest afslöppun, lékum túrista; fórum í "lestarferð" um bæinn, fórum út að borða, spiluðum minigolf... ofl.

Ég er búin að búa til myndir úr efnum, samtals 4 myndir. Og er íbúðin orðin aðeins hlýlegri.
Ég setti inn myndir á myndasíðuna frá sumrinu(sumar 2007) og frá ferðalaginu til Marie(ágúst 07) og þar eru einnig myndir af myndunum mínum.

Fór á einn fund í sambandi við einn kúrsinn sem ég er að fara í. Eftir fundinn átti að vera svona smá "spjall" meðal nemenda til að þjappa hópinn saman. En það var boðið upp á smá nammi og cider... varla nóg fyrir alla. Sumir voru líka að skrá sig, ég var búin að gera það, en sú sem vara að taka við skráningunum stóð alveg ofan í borðinu þar sem nammið var. Þannig að fólk úr bekknum stóð þarna eins og illa gerðir hlutir, sumir búinir að skrá sig aðrir ekki. Þannig að ég lét mig bara hverfa.

Svo er ég að fara til Lundar á morgun, fer með lestinni kl 6:55 og kem til baka kl 18:15. Þetta verður svolítið spennandi.
Marie kemur svo til Gbg um helgina og mun gista hjá mér, hún er að fara í 30 afmæli hér í borg.
Annars er planið að vera með partý á laugardaginn... allir velkomnir ;)

Komin út til Gautaborgar...

2007-08-21T10:09:00.000+02:00

Ég er komin aftur út eftir gott sumar heima á klakanum.
Um verslunarmannahelgina fór ég upp í sumó, svona eins og venjulega, en með smá stoppin á Akureyri í Elvis/Hawaii-útskriftarpartýi. Ég fór svo á seglbretti á vatninu við bústaðinn. Notaði græur sem eru orðnar 15 ára gamlar en það kom ekki að sök. Fyrsta daginn gekk þetta hálf brösulega enda ekki allt eins og það átti að vera, svo daginn eftir komst ég á skrið og einnig þriðja og síðasta daginn... en vá harðsperrurnar sem ég fékk... úfff...

Ég kom til Gautaborgar á sunnudaginn, flugið var bara 2 tímar og 35 mín... ekki slæmt. Eftir að hafa þvegið það helsta, þeas handklæði og sængurver, kíkti ég aðeins út. Það voru tónleikar hérna rétt hjá, ókeypis svo mín rölti þar inn á svæðið og fór að skoða fólk. Það er frekar mikill munur á svíum og íslendingum, sérstaklega þegar ég hugsaði um hvernig fólk var klætt á laugardalsvellinum á föstudaginn.

Vinur minn hafði svo samband og ég kíkti með honum og kærustu hans í Liseberg, en þar var frítt inn... ekki slæmt, þó að ég hafi ætlað að kaupa mér árskort.. :þ geri það bara næst.

Í gær fór ég í verslunarleiðangur og tókst að eyða frekar mikið af peningum.

Ég ætla svo að kíkja til Marie um helgina... en það tekur 4 og hálfan tíma að komast til hennar... :( Svo er Lottie líklega að fara að flyta til Stokkhólms. Líst ekkert á þetta...

já ok...

2007-07-31T18:16:00.000+02:00

ég veit að ég er ekki búin að vera dugleg að skrifa hér lengi... enda gleymi ég alltaf að skrifa hér þegar ég er hérna heima á klakanum.
Ég er alla vegana að vinna uppi á HTÍ og það gengur bara vel og er bara nokkuð gaman, þrátt fyrir að vera að vinna eingöngu með fullorðnum.
Reyndar þessa vikuna og síðustu viku er ég að vinna hjá Barnaspítala Hrinsins við að heyrnarmæla(skima) nýdædd börn. Þannig að ég er að hitta 10-20 börn á dag sem eru 1-5 daga gömul, sem er bara mjög skemmtilegt. Ég er reyndar bara að vinna hálfan daginn eða tæplega, en HTÍ er lokað núna í 2 vikur, fer aftur að vinna þar eftir verslunarmannahelgina.
Já og bæ ðe vei þá fer ég norður um versl.m.helgina... supræs!!! Svona ef eihverjum datt í hug að ég væri kannski að fara eitthvað annað. Ég fer norður í bústað á fimmtudaginn en svo til Akureyris á föstudaginn í útskriftarveislu, svo til baka á laugardag að ég held, annars er ég ekki búin að kynna mér það.
Aldrei að vita nema að ég haldi í hefðina um versl.m.h. og hitti Hildi A á Akureyri. Þar endilega að sjá íbúðina hennar.
Annars er allt í sómanum hér, skillst að ég sér að far út eftir tæpar 3 vikur... eða 19 ágúst. Ég verð nú bara að viðurkenna að ég er farin að sakna kunningjana úti svona þegar ég fer að hugsa út í það. Líka svolítið spennta að byrja í skólanum.

Later...

konfekt!

2007-07-05T17:32:00.000+02:00

Vá ég fékk konfekt frá einum kúnnanum í vinnunni á þriðjudaginn. Ég var ekkert smá hissa, 940 gr af Nóa Sirius konfekti!! En ég virðist líka vera að gera góða hluti. Það hefur líka einn sagt við mig "það er svo þæginlegt að tala við þig" Svo var einn hissa að við værum orðnar svo markar ungar sem erum að vinna þarna. En það er mjög gaman að heyra þegar fólk vill helst koma til mín þegar það þarf að koma aftur, ef ég hef verið að kenna þeim á tækin og stilla þau.

Æ ég ætla ekki að skrifa meira um vinnuna í bili. Hef kannski ekki heldur mikið annað að tala um þar sem að ég hef ekki gert svo mikið undan farið.

2 vinnuvikur búnar

2007-07-05T15:17:00.000+02:00

Skrifað sunnudaginn 1. júlí
Þá er ég búin að vera hér heima í 2 vikur, alltaf fínt að vera á hótel Mömmu.
Það gegnur vel í vinnunni, ég hélt að það tæki aðeins meiri tíma að komast inn í þetta en þetta kom ótrúlega fljótt. Sem betur fer er ég ekki mikið í að ráðleggja fólki hvaða tæki þau eiga að fá enda engan vegin inni í verðinu, svo tekur líka tíma að muna hvaða tæki hefur hvaða möguleika en þetta kemur. En það gegnur mjög vel að láta fólk fá nýju tækin sín og stilla þau.

Ég fór í Þórsmörk um síðustu helgi og það var mjög gaman, við(þeas ég Jón Gústi og Kristoff) gegnum upp á Valahnjúk, stákarnir voru búnir að segja það við værum 30mín upp en 20 niður. En svo vorum við 30 mín upp en bara 13 mín niður... enda hálf hlupum niður. Svo fóru strákarnir að "synda" í einhverju gili. Það er langt síðan ég hef farið í svona almennilega útilegu... verð að gera þetta oftar.

Ég var bara heima þessa helgina enda komin mjög mikil þörf fyrir afslöppun og fá að sofa út... já eða svona þannig. Kíkti aðeins út á föstudagskvöldið með Maju, þvílíkur munur að það skuli vera búið að banna reykingar... en það var nú samt smá lykt af peysunni minni þegar ég kom heim.. það á örugglega bara eftir að hreinsa loftið inni á stöðunum almennilega.

Ræða

2007-06-19T21:21:00.000+02:00

Hér er ræðan fyrir þá sem hafa áhuga, ég býst við að hún sé á léttri sænsku. Því miður er myndin tekin á hlið og ég veit ekki hvernig er hægt að laga það ef það er hægt yfir höfuð.

Heimkoma

2007-06-18T11:07:00.000+02:00

Ég ákvað að heiðra þjóð mína á þjóðhátíðardaginn með komu minni, eftir viku ferðalag um Svíaríki með foreldrunum. Við fórum og heimsóttum foreldra Marie í Växjö, en áður fórum við og skoðuðum glerverksmiðjurnar, þið vitið: KostaBota, Orrefors og þetta flotta. Svo fórum við í Heim Astritar Lindgren, sem er auðvitað aðalega fyrir krakka en samt mjög gaman að koma þanngað. Við fórum í ferðalag út á Gotland, ferjan tekur einungis 3 tíma.. já þetta er ótrúlega langt í burtu. En það er mjög gaman að koma þanngað. Innribærinn, já það er múr í kringum bæinn, er allur í miðaldastíl. Öll húsin lítil og sæt, ég væri alveg til í að flytja út í eynna þegar ég fer á eftirlaun, sjáum til hvort ég muni eftir þessari setningu eftir 45 ár.
Við fórum líka í heimsókn til Marie á nýja heimilið hennar í Karlskrona. Hún er sem sagt alfarið flutt frá Gautaborg núna, sem er bara skrítið hún á að vera í Gautaborg. En við munum enn halda sambandi.

Já ég sem sagt kom heim í gær, úr hlýunni í kuldann :S
Kíkti niður í bæ í gærkvöldi með Lilju, Lindu og Gústa(Jón er ekki á landinu). Fyrst hitti ég bara fólk sem er búið að búa í Gautaborg, Bjössa frænda og Rakel konuna hans, svo hitti ég Söndru, Axel og Steinunni. Ég var farin að halda að eina fólkið sem ég þekkti á Íslandi væri fólk sem hefði búið í Gbg. Annars fékk ég næstum því menningarsjokk á röltinu í bænum hér, fólkið hér er einhvern vegin svo allt örðuvísi en svíarnir. Kannski er það eitthvað vegna þess að allir(eða svona næstum því) kappklæddir.

Svo er ég að fara að vinna á morgun. Ég ákvað að byrja ekki daginn eftir að ég kom heim. Gott að fá einn dag til að stilla sig af.

Orðin eitthvað...

2007-06-10T20:11:00.000+02:00

Jæja núna er maður orðin eitthvað og komin með alvöru starfstitil... frk heyrnarfræðingur.
Öll fjölskyldan mín kom á fimmtudaginn, á föstudaginn var síðan farið í verslunarleiðandur og á þeim tíma tókst mér að brenna mig ágætlega á bakinu.
Á laugardaginn(í gær) var svo athöfnin, fyrst hittumst við flestar og drukkum saman freyðivín. Svo var sjálfathöfnin og þar héldum við Marie sitthvora ræðuna, mín var tekin upp á video svo það er aldrei að vita nema að hún komi á netið... lofa engu. En ég fékk mína Diplomu og er bara mjög sátt. Upp úr hádeginu settumst við fjölskyldan úti og skáluðum í kampavín. Þegar pabbi opnaði flöskuna var eitthvað verið að mana hann að skjóta tappanum út í loftið en hann vildi nú ekki drepan neinn og um leið og hann sagði þetta losnaði vírinn... og tappinn flaug um leið út í loftið og hvarf...
Svo seinna um kvöldið fórum við út að borða á fínann veitingastað með sjáfarréttum. Marie var þar með vinum og ættingjum en við fjölskyldan sátum saman. Þegar ég fór svo að sofa um kvöldið sofnaði ég um leið, enda mikið búið að gerast.

Það er búið að vera ótrúlega gott veður hérna sl daga svona frá 20° eftir sólarlag og upp í 34° um miðjan dag og heiðskýrt. Það er eiginlega of heitt hér :þ

Svo erum við að fara í Svíþjóðarferðalag á morgun og komum aftur til Gbg á laugardaginn. Svo er flug heim 17. júní, já á þjóðhátíðardaginn sjálfan.

Heyrumst seinna... Sólarkveðja :)

P.S. já ég er búin að óska eftir breytingu á starfsheiti í símaskránni, sjáum til hvenær það breytist :Þ

Var ég ekki í sömu stofu eða...?

2007-06-04T19:33:00.000+02:00

Ég var að gagnrýna eitt verkefni í dag, frekar óþæginlegt að gagnrýna fólk sem maður umgengst. Ég þurfti sem sagt að gagnrýna Lottie og hennar meðskrifara Jennie.
Ég las verkefnið þeirra, á þriðjudaginn í síðustu viku, frekar svona létt í gegn og skrifaði niður ábendingar þar sem mér fannst það þurfa en það var ekkert alvarlegt. Svo á laugardaginn sat ég á bókasafninu í kannski rúma 2 tíma og skrifaði niður það sem ég ætlaði að segja. Mér fannst ég hafa kannski ekki alveg setið nógu mikið með þetta en ég nennti ekki meir á laugardaginn. Ég vissi svo ekki hvað ég ætti að gera meir svo ég lét þetta nægja.
Svo í dag var komið að gagnrýninni. Ég las það sem ég hafði skrifað niður og það gekk svona allt í lagi, stundum fannst mér ég eiga erfitt með að koma út úr mér það sem ég vildi segja eða meinti. Þetta gekk svona allt í lagi... að mínu mati alla vegana.
Eftir gagnrýnina komu svo allir (eða svona næstum því) og voru að segja hve vel þetta haf gengið og hve vel ég hefði gert það sem ég gerði. Lottie og Jennie töluðu jafnvel um að þær voru mjög ánægðar með þetta. Svo er ég í mjög miklum samskiptum við hana sem sér um kúrsinn(Eva) útaf þessu leiðbeinanda veseni. Svo ég sendi henni mail áðan útaf því og svo fæ ég til baka um hve VEL ég hefði gert gagnrýnina í dag og hve mikill persónuleiki var í þessu miðað við allt sem er í gagni... Og svo hugsa "jájá... var þetta virkilega svona merkilegt, og stóð þetta svona uppúr...ok"

Á laugardagskvöldið var ég bara heima, nennti varla neinu bara að slappa af. Svo hringdi pabbi úr bústaðnum en þá var hann, mamma, Jón og Lilja þar. Þau voru nýbúin að borða og ákváðu að hringa í mig og að mér skilst búin með alla vegana 2 lítra af rauðvíni(sá 3 kláraðist á meðan samtalinu stóð). Svo sátu þau þarna og ég hérna megin í Gautaborg við tölvuna og vorum að spjalla. Pabbi setti setti hátalarann á símann og við spjölluðum í rúma 2 tíma eða þanngað til þau ákváðu að fara út í pott. Það var næstum því eins og ég væri á staðnum, heyrði í öllum og allir heyrðu í mér :þ og umræðurnar ekki á verri endanum :)

Allt í rugli

2007-06-03T11:57:00.000+02:00

Ég er búin að verja ritgerðina... gerði það á fimmtudaginn... ég get ekki sagt að þetta hafi verið falleg sjón. Og sem betur fer eru alli sem voru á staðnum sammála mér. Fyrst horfði ég á þegar hópurinn á undan varði sitt, en leiðbeinandi þeirra var síðan prófdómari minn. Prófdómarinn þeirra var hins vegar gamall læknir sem er örugglega bara að vinna ennþá vegna þess að honum þykir það gaman. Hann vissi hreinlega ekki hvað hann var að gera þarna og það kom í ljós á fyrstu mínútunum "hva? er það ekki ég sem er gagnrýnandi?" "nei þú ert prófdómari" svo þegar búið var að gagnrýna verkefnið og prófdómarinn tók við "vá þið sáuð bara fullt sem ég var ekki búin að taka eftir"...(halló var hann búinn að lesa verkefnið yfir??) Það var víst mikið að þessu verkefni samkvæmt gagnrýnendum en prófdómarinn hafði ekki tekið eftir helmingnum af því... Og auðvitað var leiðbeinandinn ánægður með verkefni síns hóps...

Svo fór leiðbeinandinn hinum meginn við borðið og fór að dæma mig... og vá hvað manneskjan breittist... Það var allt að og stór hluti af því er að hún og leiðbeinandinn minn eru greinilega ekki bestu vinir en það frétti ég eftir á. Og þar sem leiðbeinandinn minn var ekki á svæðinu hafði ég engann til að stiðja mig. Stelpurnar í bekknum hætta varla að segja hvað þetta hafi ferið ósanngjarnar dæmingar... þeas að munurinn á mér og hópnum á undan hvernig þetta fór fram var var gýfurlegur. En því miður er þetta bara svona... ég get kannski sagt að verkefnið mitt verður bara betra fyrir vikið.

En svona til að toppa alla vitleysu með leiðbeinadann minn þá verð ég að bæta einu við. Hann talaði um að þegar ég væri búin að verja myndi hann hjálpa mér að laga. Svo fæ ég e-mail frá honum á föstudaginn um að ég gæti sent honum það á mánudaginn þannig að ég spyr til baka hvænær hann vildi fá það til að geta lesið yfir. Þá fæ ég svarið "ég get lesið það á mánudagsmorguninn en svo fer ég til Heidelberg á mánudagskvöld og kem á miðvikudag" HALLÓ!!! ég á að skila á fimmtudaginn í síðasta lagi... og hann var búinn að segjast ætla að hjálpa mér þegar ég væri búin að verja... Hann fer alltaf í burtu á verstu tímunum... En sú sem sér um kúrsinn ætlar að hjálpa mér frá og með mánudeginum... þetta er eiginlega hætt að vera fyndið... og var það svo sem aldrei

Búin að skila

2007-05-26T17:44:00.000+02:00

Ég skilaði lokaverkefninu kl 16 á fimmtudaginn... án nokkurs múkk frá leiðbeinandanum fyrr en kl 18:42 og þá þurfti hann endilega að gera "reply all" þanni að allir(ég, prófdómari, sú sem sér um kúrsinn, og gagnrýnendur) fengu að heyra kommentin hans... jeeejjj... sem sagt þetta gerði mig bara aðeins pirraðari en ég þegar var...
Ég get nú alveg viðurkennt það að þegar ég var búin að skila á fimmtudaginn þá fékk ég smá frákvarfseinkenni og þau voru enn til staðar í gær. Ég var bara eitthvað að dúlla mér... hefði svo sem alveg örugglega getað kíkt eitthvað á þessa ritgerð til að sjá hverju ég gæti breytt til að þókknast leiðbeinandanum en ég ákvað að láta hana bara alveg vera og kíkja svo kannski á ritgerðina eftir nokkra daga pásu.

Ég fór í bíó í gær á Freedom Writers. Bara hi fínasta mynd sem vekur upp ýmis konar tilfinningar, allt frá hlátir til gráturs(eða svona næstum því). Alveg þess virði að sjá hana ef maður fílar myndir sem eru byggðar á sannsögulegum atburði.

Ég fór að rölt í bænum í gær og rakst á þessa líka flottu skó, ég er ekki manneskja sem finnur skó svo auðveldlega. Ég þurfti reyndar að finna mér eitthvað til að vera í á útskriftinni en svo langt hef ég ekki komist. Ég er komin með skóna og núna er bara að finna eitthvað til að fera við skóna... kannski ekki rétt leið að finna skóna fyrst. En svona er lífið.

Það var einhver rafvirki að vesenast eitthvað hérna fyrir utan hjá mér í gær sem er svo sem í góðu lagi. Og svo seinni partinn þegar ég fór út sá ég að hann var búinn að hengja upp ljós fyrir ofan plönturnar hér fyrir ofan svona til að lýsa þær upp, sem er svo sem ekkert verra. Nema að þessar ágætu plöntur eru í eingu glæsilega ástandi... nær dauða en lífi... svo það er ekki mikið til að lýsa upp...

My life(ritgerða) story

2007-05-24T13:10:00.000+02:00

Í dag 24. maí kl 16:00, GMT +2, á ég að skila inn lokaverkefninu í heyrnarfræði og ef allt gengur að óskum mun ég taka við titlinum Heyrnarfræðingur laugardaginn 9. júní 2007. Þegar ég byrjaði að læra hér í Gautaborg bjóst ég aldrei við að klára þetta, já svona eins og þegar ég bjóst ekki við að klára Mýró, Való og MH, eða svona hugsunin sá tími mun aldrei koma. En viti menn hann kom og núna er ég að klára BS-nám í útlöndum, eitthvað ég hafði ekki pælt í fyrir ekki svo mörgum árum síðan.

Ég get ekki sagt að þessi ritgerðaskrif mín hafi gengið áfallalaust. Samband mitt við leiðbeinandann hefur verið frekar brösótt þar sem að ég náði ekki alltaf í hann. Og hvað gerir maður þega maður ekki nær í þann sem á að hjálpa manni, jú maður gerir þetta bara einn. Svo þegar fór að nálgast lokin þá fór maður svona að reyna að hafa meira samband. Svo einn daginn(þriðjudagur fyrir rúmri viku) þegar ég var að fara að skila inn einu uppkasti þá hefur leiðbeinandinn samband við kennarann og er að hafa áhyggjur að ég hafi ekki sent honum neitt... HALLÓ...tala við mig!! ekki kennarann. Ég sendi honum svo uppkastið og bíð eftir svari sem kom á mánudaginn... HALLÓ!! Fyrst kvartar hann yfir því að ég hafi ekki samband og svo er hann bara eitthvað að dúlla sér í tæpa viku að lesa 4 bls... fyrir utan að svara ekki þeim spurningum sem ég spyr hann :S Svo tala ég við hann á mánudaginn í símann og þá segir hann mér að ég sé sein... hvað er málið hvar er hann búinn að vera sl mánuði... arrgh... svo frétti ég frá kennaranum, sem á þessum tíma punkti er farinn að hjálpa mikið, að leiðbeinandinn sé að fara til USA á miðvikudagskvöld... ok... takk fyrir að segja mér þetta fyrr(ég fékk líka að vita að hann hefði verið í fríi um daginn, fínt að vita það svona eftir á) Svo kemur miðvikudagsmorgun og ég fæ e-mail um að hann sé að fara í flug þann morguninn... jahá... miðvikudagskvöld varð allt í einu að miðkikudagsmorgni... ok... what do to? Hann ætlar að lesa ritgerðina á leiðinni til USA og mun svo hafa samband, en hann er ekki farsímafær fyrr en í fyrramálið(fimmtudag) og svo kom husgun eftir samtalið "að mínum tíma eða hans tíma" því það skipti mjög miklu máli sérstaklega þar sem að ég veit ekki hvort að hann sé á austur ströndinni eða vestur eða þar á milli sem þýðir 6-9 tíma mismun.

Og núna er ég sem sagt að býða eftir að hann sendi mér eitthvað... spurning hvort að það verði fyrir kl 16 að mínum tíma eða ekki.

Þannig að ég hef ekki mikið annað að gera núna en að bíða...til kl 16:00 til að senda þetta inn.

þreytt...

2007-05-18T18:50:00.000+02:00

Jæja þetta er alveg að verða búið... eða þannig lítur það út. Ég á að skila ritgerðinni inn á fimmtudaginn í næstu viku og svo viku seinna mun ég verja ritgerðina, eftir það hef ég viku til að laga það sem er að. Og það er ótrúlegt hvað vikurnar fljúga áfram núna, ég held að hver sekúnda styttist með tímanu...
Ég var rosalega dugleg að koma mér upp á bókasafnið í skólanum á mánudag, þriðjudag og miðvikudag. Svo á miðvikudagseftirmiðdag kom eitt heyrnatækjafyrirtæki og var með kynningu fyrir okkur og bauð okkur svo út að borða á frekar fínan veitingastað, sem er með frægustu rækjusamlokurnar í bænum. Það var skálað í hvítvín og ekkert sparað :Þ Eftir þetta fórum við í Liseberg og kepptum í svokölluðu 5-kamp en þar keppir maður í alls konar þrautum. Mitt lið vann... jíbbý!! Marie fékkk fyrst hugmynd til að kalla liðið okkar surprice... og ég bætti -land aftan við í smá gríni sem var samþykkt. En síðan var ákveðið að við myndum kalla okkur MACKT en það var samsettning af upphafstöfunum (makt þýðir máttur). Eftir Liseberg fórum við 5 saman upp í Skybar sem er á 23 hæð í háhýsi hér í borg. Í gær var frídagur hér eins og annarsstaðar sem þýðir að bókasöfn eru ekki opin. Ég var heima að læra *hóst*... ég næ því ekki alveg hvað ég var þreytt... það mætti halda að ég hefði verið á djamminu til 4. En ég lærði nú samt alveg eitthvað... ég meina þegar maður situr á sófanum með tölvuna á hnjánum allan daginn þá hlýtur eitthvaða að gerast :þ
Ég hélt að ég ætlaði ekki að geta komið mér á fætur í morgun en að lokum tókst það og ég var komin á bókasafnið kl 9:45 og sat fyrir framan tölvuna til 15:30... með smá matarpásu... við tölvuna. Þegar ég hætti var ég gjörsamlega búin... og er það enn. Svo það verður enginn lærdómur í kvöld... bara afslöppun... ætla að reyna að læra á morgun.
Ég ætti kannski að setj inn nýjustu myndirnar...

Stokkhólmur

2007-05-13T19:40:00.000+02:00

Ég fór til Stokkhólms á seinni part mánudags og kom aftur til Gautaborgar á miðvikudagskvöld. Ég var að skoða barnadeildina á heyrnarmiðstöðinni á spítalanum á Huddinge. Ég vissi nokkurn vegin ekki neitt hvað ég var að fara að gera þarna en það rættist mjög úr heimsókninni, ég var þarna í 2 daga og fékk að ég held heilmikið út úr þessu. Á þriðjudaginn þegar ég var búinn rölti ég um miðbæinn í Stokkhólm og gerði góða tilraun til að týnast þar sem að ég var ekki með neitt kort og vissi ekkert hvert ég var að labba, ég fann götuna sem ég var að leita að(verslunargötuna) og rölti þar um og hélt svo eitthvað áfram og beygði hér og þar og svo allt í einu þegar ég leit í kringum mig tók ég eftir að ég var komin á götuna sem að ég bjó við, þvílík tilviljun. Eina málið var að ég var þar sem gatan byrjar en ég bjó á hinum endanum og þetta er frekar löng gata, ég rölti örugglega í hálftíma og allt í allt rölti ég um bæinn í 2,5 tíma.
Ég er svo búinn að vera að vinna í ritgerðinni og er búinn að fá að vita að ég á að verja ritgerðina 31. maí sem þýðir að ég þarf að vera búin að skrifa hana 24. maí... ég vona bara að það takist. 31. maí er fyrsti dagurinn sem við verjum ritgerðirnar og það þýðir að ég verð ein af þeim fyrstu... svo sem ágætt að vera búin að þessu. Ég hef þá líka lengri tíma til að laga það sem þarf mögulega að laga.
Ég var svo í grillpartýi í gær einhvers staðar sem maður getur kallað úti á landi, já þegar maður þarf að taka strætó í 30 og hluti af leiðinni er að maður sér bara tún og hesta, þá er maður komin upp í sveit hér... Ég get nú ekki sagt að ég hafi horft á mikið að Eurovision enda ekki alveg spennandi keppni. En við skemmtum okkur ágætlega í pratýinu og þetta hefði verið enn betra ef vissir hlutir hefðu ekki gerst en það er víst ekki hægt að "undo" vissa hluti.
Ég held að ég sé bara farin að hlakka til að fara heim í sumar og komast í burtu í smá stund.

það sem ekki kom fram

2007-05-06T13:26:00.000+02:00

ég átti alveg eftir að bæta við hvernig þetta fór í gær...
Ég sem sagt beið heima hjá grannanum til kl 13, það er gott að hafa íslenska granna, svo fór ég niður í kjallara kl 13 til að bíða eftir næsta sem ætlaði að nota þvottahúsið. Svo kem ég niður og lít á hurðina og þá virðist hún ekki alveg lokið og svo sé ég bandið sem hangir á lyklakippunni fast á milli stafs og hurðar. Sem gerir það að verkum að það var ALDREI læst... hurðin náði ekki að skellast í lás eins og ég var alveg 110% viss um þar sem að hún er frekar þung, svo ég reyndi aldrei að opna...
Ég hló mikið af sjálfri mér í gær... þvílík vitleysa.
Svo núna er ég að þvo restina frá því í gær en í þetta skipti eru vasar á buxunum svo lyklarnir eru geymdir þar.

klaufi dauðans...

2007-05-05T12:24:00.001+02:00

þetta er ekki alveg minn dagur í dag...
Ég var að þvo og það gerir maður niðri í kjallara hér í húsinu og auðvitað læsir maður íbúðinni sinni þegar maður fer niður í kjallara. Nema hvað, ég var að vesenast með þvottinn minn og ætla svo upp í íbúð aftur en nei... ég læsi lyklana inni í þvottaherberginu og það ganga ekki lyklar að hurðinni bara svona rafmagnslykill og ég vissi ekki alveg hvað ég ætti að gera... klukkan rétt fyrir 12 og ég hef tímann til kl 13. Sem betur fer var íslenska nágrannakona mín heima en hún hafði misst af strætó svo hún var ekki farin út. Núna sit ég ein í íbúðinni hennar og bíð eftir að tíminn minn renni út og næsti aðili opni þvottaherbergið... kræst... ég er ekki einu sinni með símann á mér... ég hef stundum pælt í því hvað maður myndi gera ef maður læstist úti... og þar sem það er helgi núna þá er ekki hægt að hringja í stúdentagarðana og fá hjálp... eins gott að ég var ekki með neitt planað núna í dag... Einu sinni er allt fyrst.

myndir

2007-04-24T23:13:00.001+02:00

ég gleymdi bara að nefna það að ég hafði sett inn myndir... ;)

Helgin og framhaldið..

2007-04-23T21:45:00.001+02:00

Já ég fór sem sagt í áfmæli til Lottie á föstudaginn... sem var bara mjög fínt. Hitti fólk sem ég hef ekki hitt frekar lengi(mislengi). Hún var með mat og læti. Þegar ég kom þá sagði vinur hennar, ein gaurinn sem var mættur, já ert þú þessi frá Íslandi. Svo var annar seinna sem var að spá í hvaðan ég kæmi og ég fór í smá leik við hann og hann átti að giska... gekk ekki vel, nemdi örugglega flestu stóru/þekktu staðina í Svíþjóð. Það var ekki fyrr en ég gaf honum hint um að það tæki ca 3 tíma að fljúga þanngað og það væri ekki hægt að komast þanngað á bíl og einhver sagði að það væri ískalt. Þá datt honum í hug ísland og svo allt í einu sagði hann eitthvað á íslensku svo ég svaraði honum á íslenksu "afhverju kanntu íslensku" og þá kom í ljós að gaurinn hefði átt íslenska kærustu hér áður fyrr... Svo þegar líða fór á kvöldið fórum við niður í bæ og skemmtum okkur bara konunglega. Slúður frá kvöldinu fer ekki hér inn :þ
Svo var annað partý á laugardaginn með nánast sama fólkinu, en það kvöld var ekki alveg jafn heppnað þar sem að Lottie fékk þá hugmynd að staupa 50% vodka áður en við lögðum af stað og endirinn var ekki góður... Ég sem sagt fór með hana heim til mín áður enn við komumst inn á staðinn sem við ætluðum á og svo skilaði hún áfenginu þegar heim var komið.
Ég ætlaði að vera rosalega duglega að læra um helgina en það varð ekkert úr því þar sem að ég var ekkert of mikið ein heima til að geta sest niður og farið að hugsa. Ég geri það á morgun, aðeins of þreytt núna, er byrjuð í praktík á barna-heyrnadeildinni og þar er eitthvað sem ég kvarta ekki yfir :D

En ég er semsagt búin að fá að vita að ég fái 100% að taka barnaheyrnarfræði kúrsinn i Lundi í haust, svo þar er ágætt að vita að ég hef alla vegana eitthvað að gera þar til í lok Okt svo er bara að vona og sjá hvort ég komist í hina kúrsana sem ég sótti um en það fæ ég ekki að vita fyrr en í sumar :S En það er alla vegana komið á hreint hvenær ég kem heim í sumar, 17 júní og á svo aftur flug út 19. ágúst, man ekki hvort ég var búin að nefna það hér en þá nefni ég það bara aftur.

Gleðilegt sumar

2007-04-20T00:02:00.000+02:00

Jæja það er kannski kominn tími til að skrifa eitthvað ég. Ég var heima í 3 vikur eins og glöggir lesendur hafa tekið eftir en ég kom til baka fyrir tæpri viku síðan. Ég fór norður allar helgarnar á meðan ég var heima og svo var ég á HTÍ alla daga, ekki alveg planið en svona er þetta mikið að gera fyrir lokaverkefnið. Svo ég hafði ekki samband við voða marga, svo ykkur sem ég hafði ekki sambandi við... ekkert persónulegt.
Jón og Lilja komu svo með mér út á föstudaginn og voru hér fram yfir helgi. Þetta var bara hin fínasta heimsókn, það var svo gott veður að við vorum úti allan daginn alla daga... eða svona næstum. Ég fékk alla vegana lit :þ Ég held að við höfum rölt alla miðbæinn þveran og endilangan nokkrum sinnum til að skoða allt.
Svo þegar þau voru farin tók alvaran við... RITGERÐ... ég get nú ekki sagt að skrifa ritgerð sé akkurat "my thing"
Lottie á afmæli á morgun svo það er partý hjá henni og það er auðvitað búist við miklu fjöri.
Æ ég nenni ekki að skrifa meira...

Komin heim

2007-03-26T21:04:00.000+02:00

Ég kom heim á föstudag eins og glöggir lesendur hafa tekið eftir... og svar við spurningunni eða hvað maður á að kalla þetta frá fyrri færstu er að ég fékk Gordon Blu í vélinni, Icelandair gat auðvitað ekki brugðið út af vananum.

Ég fór upp í sumarbústað á laugardaginn með foreldrunum... það var svo sem ágætt að komast beint í sveitasæluna :) Við komum svo bara aftur í gær.
Svo fór ég í praktík(verknám) hjá HTÍ í dag og það gekk bara vel, þetta er nú svolítið öðru vísi en í Svíþjóð en það er bara jákvætt, Svíar geta stundum verið of harðir á reglurnar sínar, þeir elska nú einu sinni reglur... :þ En ég verð út vikuna á HTÍ svo ég ætti að verða orðin nokkuð góð í lok vinkunnar.

Jæja ég hef þetta ekki lengra í bili... maður hefur svo lítið að segja þegar maður kemur heim í gamla hversdagsleikann...

Heimferð

2007-03-23T12:49:00.001+01:00

Ég er á leiðinni heim í dag... akkúrat núna er held ég allt tilbúið og það er bara að bíða. Ég á að taka lestina kl 14:40 og svo fer flugið ca 20:10.

Ég er búin í öllum tímum í skólanum svo núna er það bara verknám og ritgerðarskrif. Síðasti tíminn var í gær og við bjuggumst við þvílíkum yfirheyrslum en þetta varð ekki jafn slæmt og við bjuggumst við, en samt var fólk alveg tekið fyrir :þ Ég og Lottie tókum bara kæruleysið á þetta og fórum á djammið á miðvikudagskvöldið (miðvikudagar kallast litli laugardagur), við áttum ekki að mæta í skólann fyrr en kl 13 svo þetta var í góðu lagi.

Ég veit ekki alveg hve mikið ég mun blogga á meðan ég er heima en það verður bara að koma í ljós. Ég fer aftur 13. apríl og þá koma Jón og Lilja með mér og verða hér í heimsókn í nokkra daga, sem er auðvitað ekkert annað en snilld... alltaf gaman að hafa gesti :D En Jón er að koma í fyrsta skipti í heimsókn til uppáhalds systur sinnar svo það ætti ekki að vera leiðinlegt :þ

Ég er svo óvön að ferðast á þessum tíma dags svo ég veit varla hvað ég á að gera af mér... Ég er svo vön að fara í lestina eldsnemma til að fara í hádegisflug en það er ágætt að breyta til stundum. Hvaða matur ætli verði í boði í vélinni... hingað til hef ég alltaf fengið gordon blu þegar ég er að koma frá Köben með vél sem leggur af stað í hádeginu... hmmm þetta verður spennandi...

Heyrumst á klakanum... !!! :o)

Djamm... :o)

2007-03-18T23:25:00.000+01:00

Gott djamm svíkur aldrei...
Við vorum ss með smá partý heima hjá Cibbe gaurnum hennar Lottie og það kom alveg ágætlega mikið af fólki. Ég og fleiri tókum alla vegana slatta af myndum og hluti af þeim eru komnar á myndasíðuna. Svo fórum við á einn skemmtistað þarna rétt hjá og skemmtum okkur bara vel, en vá hvað ég finn fyrir því að vera búin að vera veik... vantaði mikla orku til að geta dansað eins og ég vildi. Ég tók mér smá pásu inni á milli og í eitt skiptið rölti ég aðeins um staðinn og það var engin smá athygli sem ég fékk bara vegna þess að ég var ein á röltinu.

Svo í dag hringdi Peter í mig, en við höfum ekki hisst lengi, og við fórum á kaffihús og spjölluðum. Lottie hringdi þegar hún var á leiðinni heim og ákvað að koma til okkar. Svo fórum við öll 3 og hittum einhverja vini hans Peter og horfðum á hokkí... ekki slæmt... liðið sem við héldum með vann :) Svo kom Lottie með mér heim en við þurftum að ræða málin aðeins frá því í gær... nauðsinlegt ... you know.. :þ

Annars býst ég við að þetta verði frekar busy vika og næsti vetur verður ákveðinn eitthvað út frá því hvað gerist í vikunni...

...sjálfsvorkun á háu stigi...

2007-03-17T17:38:00.000+01:00

"Positiva"klubben antecknar:
Þetta var engin stutt flensa sem ruddi sér rúms hér um síðustu helgi. Ég er orðin ágætlega hress svona fyrir utan að ég hósta við og við og nefið vill ekki alveg sleppa takinu.
Maður á ekki að búa einn þegar maður er veikur það er eitthvað sem ég er búin að komast að, hrikalega er þetta búin að vera leiðinlega vika. Ég er nú samt búin að geta eitt tímanum í að læra, fyrst að klára eitt verkefnið sem átti að vera inn á miðvikudaginn og svo byrja á og klára hitt sem átti að vera komið inn á hádegi á föstudaginn(í gær) svo ég er ekki búin að sitja aðgerðarlaus. Sem betur fer var enginn skóli alla vikuna þannig að ég missti ekki af neinu. En þar sem að ég er búin að vera veik hef ég ekki mikið farið út nema rétt út í búð, sem gerir það að verkum að ég er ekki búin að hitta vinkonur/vini mína alla vikuna og hef verið mikið með sjálfri mér.
Ég veit ekki hvort það hafi eitthvað að gera með að ég er fara að koma heim eftir viku en mér leiðist hér núna. Ég hef fundið fyrir því að rétt áður en ég kem heim þá langar mig bara að lossna héðan en við þá hugsun bætist bara eitthvað við sem er enn dapurlegra... hvað hef ég heima?? Þegar að maður býr svona í útlöndum virðist það vera mjög algengt að fjarlægast allt og alla heima. Þannig að þegar ég flyt heim þarf ég að fara að byggja allt upp aftur, maður kannski passar engan veginn inn í gamla félagskapinn... ef hann er þá ennþá til. Maður á einhvern veginn hvergi heima... Við sjáum til hvernig þetta verður núna á meðan ég verð heima í 3 vikur.

Hvernig verður þetta svo næsta vetur... allur bekkurinn fluttur hingað og þanngað... Marie mun kannski flytja til Stokkhólms... Lottie fær líklega ekki vinnu í Gautaborg...

Vá hvað það er óhollt að vera ein heima í viku... sálfræðilega þeas. Það hjálpar ekki að ég týndi uppáhaldshúfunni minni í dag eða er nokkuð viss að henni hafi verið stolið *grenj*

En ég er að fara út í kvöld svo þetta ætti að skána... kannski að maður hitti einhver... :Þ ... je ræt...

Helgin... úfff

2007-03-12T18:46:00.000+01:00

Það var nú eins gott að ekkert hafi verið planað þessa helgina... lá í veikindum alla helgina en er að ná mér núna en samt ekki orðin 100%. Lottie var líka veik en ég var með einkennin á undan henni þó að hún hafi orðið veik fyrr. Ég fór til hennar á föstudaginn, leigði dvd og eldaði mat handa henni enda var hún frekar slöpp. Ég fann fyrir einhverju smá en ekkert til að vera eitthvað að kvara yfir... bara smá hósti. En svo á laugardag var ég ekki alveg jafn hress en þá var Lottie eitthvað að hressast. Ég hringdi svo í Marie til að ákveða hvort að við myndum hittast allar hér eins og planað var en þegar hún heyrði hvernig við vorum þá ákvað hún að halda sig í burtu enda var hún sjálf byrjuð að fá eitthvað í hálsinn. Þannig að Lottie kom bara til mín og við horfðum á Sænsku söngvakeppnina eins og planið var. Svo var sunnudagurinn tekinn í að gera ekki neitt, bara að reyna að komast yfir veikluna sem gerist ekki hratt þegar maður er vannærður og að þorna upp, en hver hugsar skýrt þegar hann er veikur.
Sem betur fer er enginn skóli í dag(né alla vikuna) þannig að ég hef tíma til að slappa af og ná þessu rugli úr mér, annars skánaði ég heil mikið eftir ferðalagið mitt úr í apótek og matarbúðina. Svo ég býst við að vera orðin nokkuð góð á morgun ef nefið leyfir mér að byrja að nota það aftur.

Fínasta helgi

2007-03-05T23:04:00.000+01:00

Þá er enn ein helgin afstaðinn...
Ég fór með Öllu í partý á föstudaginn til 2ja íslenskra stelpna sem búa hérna, þeirra Siggu og Jóhönnu. Mjög hressar stelpur, búnar að búa hér síðan í haust, aldrei að vita nema að maður hitti þær aftur.

Svo á laugardaginn var Marie með tapas-partý. Við vorum 10 saman og allir komu með sína smárétti og svo var auðvitað horft á söngvakeppnina(þetta var reyndar ekki úrslitaþátturinn). Ég og Lottie vorum þær einu úr bekknum en restin voru vinkonur Marie og vinir þeirra, sem var allt fólk mikið eldri en við svo manni fannst maður vera einhver smákrakki. Karlmennirnir litu út fyrir að vera 35+. En það skipti engu því að ég og Lottie vorum búnar að ákveða að fara í bæinn(Marie ætlaði að koma með okkur en hætti við vegna peningaleysis). Á leiðinni í bæinn komum við við hjá gaurnum hennar(eða deitinu) og vorum aðeins að spjalla við hann og vin hans. Ég var mjög stolt af sjálfri mér þegar við fórum þaðan út en ég mun ekki ræða það neitt sérstaklega hér, ég læt bara fólk ekki komast upp með hvaða vitleysu sem er :þ
Svo fórum við á einn skemmtistað og skemmtum okkur mjög vel, Lottie hitti gaur sem hún kannast eitthvað við og svo hitti ég Ragnar. Ég bjóst nú aldrei við að hitta einhvern sem ég þekki á djamminu hér... en aldrei að segja aldrei... Ragnar og vinir hans dönsuðu eitthvað með okkur en svo fóru vinir hans heim svo hann varð einn eftir með stelpunum
Líðan var mun betri í gær þegar ég vaknaði eftir djammið heldur en hún var um síðustu helgi, bara hress og fín. Ég setti inn myndir frá laugardagskvöldinu, Lottie var óð á myndavélina :þ

Það eru allir mannlegir...

2007-02-27T20:57:00.000+01:00

Ég sem sagt svaf yfir mig í morgun. Ætlaði að vakna kl 8:00 til að taka lífinu með ró kannski liggja í rúminu í smá stund áður en ég færi á færtur til að ná strætó kl 8:55 og vera mætt í tíma kl 9:20. En ég setti símann á 0:00 í staðinn(stillti símann eftir miðnætti) og vaknaði 9:25. Hoppaði upp úr rúminu fór í fötm, setti á mig smá maskara og kl var orðin 9:30, næsti strætó fer 9:35 í óvissu um að ég næði fékk ég mér morgunmat og fór svo út og náði örðum strætó kl 9:40 sem fer aðra leið. Var kom í skólann kl 9:55. Ég var hissa að ég hafði ekki fengið sms frá Marie kl 9:20 en komst svo að því að hún hafði sjálf verið sein og kom ca kl 9:35 en þá fékk ég sms. Það getur verið kostur að mætla alltaf á réttum tíma og á alla fyrirlestra því þá vita aðrir í bekknum að það er eitthvað að ef ég er ekki mætt þegar fyrirlesturinn byrjar.
En já ég held að þetta hafi verið í fyrsta sinn síðan ég byrjaði í þessu námi sem ég hef sofið yfir mig(þannig að ekki væri hægt að redda neinu) og mætt seint.

Ég geri mér grein fyrir að sumir skemmta sér ágætlega við þessum fréttum, þess vegna ákvað ég nú að láta umheiminn vita af þessu :Þ Þetta er nú í fyrsta skipti á ævinni þar sem að ég sef yfir mig og mæti þar af leiðandi seint í skólann...

Innipúki helgarinnar

2007-02-26T23:58:00.000+01:00

Jæja kominn mánudagur og farinn
Ég og Lottie fórum á djammið á föstudaginn en það endaði ekki alveg skv planinu... Fyrst vorum við hjá henni í smá stund þar sem ég þurfti að hjálpa henni með klæðnaðinn og svo fórum við til mín og héldum áfram að koma okkur í stuð og svo fórum við í heimsókn til stráksins sem hún deitar og vin hans, en þeir voru bara edrú og ekkert á leiðinni út. Svo fórum við þaðan rúmlega hálf eitt á einn skemmtistað en þegar við vorum búnar að vera þar í röðinni í smá stund segir Lottie við mig "eigum við kannski bara að fara heim?" og ég endaði með að samþykkja það bara, en við vorum búnar að ákveða að hún myndi gista á sofanum hjá mér. Það var bara í raun fyrir bestu að við fórum heim. Ég endaði með að skila hluta af áfenginu og kvöldmatnum áður en ég fór að sofa. Ég hef aldrei þjáðst að þynnku eftir djamm hingað til en núna veit ég hvað það er. Þegar ég vaknaði um morguninn snérist allt í hringi og maginn í vonu skapi. Ég tók því nú bara rólega allan laugardaginn... ca um 15 leitið gat ég farið að horfa á tölvuskjáinn án þess að líða illa og þá var ég orðin góð í hausnum en maginn með mótþróa. Ég var heima allan daginn fyrir utan þegar ég fór og keypti mér kebab sem tók 15 mín. Ég fékk reyndar næturgest en Ragnar var á djamminu og vildi ekki labba heim enda frekar langt heim til hans úr bænum svo hann fékk að gista.
Á sunnudaginn var ég mest heima allan daginn nema að ég fór út i búð og það tók klukkutíma svo var ég bara heima og gera mest lítið... jú ég lærði smá... ég varð að gera eitthvað gáfulegt. Svo var ekki skóli í dag þannig að ég var bara heima :þ Var reynar að vinna í lokaverkefninu mínu, gera ýmsar æfingar í excel :) Ég skrapp svo í heimsókn til Lottie, gott að komast út.
Ég er mest hissa á að hvað helgin var fljót að líða og mér leiddist ekki neitt, þó að flestir hafi ekki verið heima eða uppteknir um helgina. Það getur stundum bara verið gott að taka því rólega og gera EKKERT.

Bullu-Sprengi-Öskudagur... búið

2007-02-22T17:32:00.000+01:00

Ég er alla vegana ekki búin að fá flensuna ennþá sem er auðvitað bara gott mál og vona að ég sleppi við hana.

Ég bakaði bollur um síðustu helgi, já maður verður að fá bollur í útlandinu, þær sænsku eru ekki alveg nógu góðar. Svo var ég með bollukaffi hér fyrir nokkra íslendinga, eða íslendingana mína eins og ég hef nefnt hópinn að undanförnu :þ, þe Alla, Ragnar, Gauti, Bjössi og Rakel. Rakel var nú bara í heimsókn hjá Bjössa sínum en fékk auðvitað að fljóta með. Svo bauð ég Marie og Lottie líka upp á bollur en ekki á sama tíma og íslendingunum. Marie hafði smakkað þær hjá mér áður og fannst þær mjög góðar... Lottie vara að smakka þær í fyrsta skipti og varð ekki fyrir vonbrigðum.

Það snjóaði bara hér í gær, flestum (alla vegana mér) að óvörum. Þetta var nú ekki svo mikil snjókoma þannig séð... varði bara í langan tíma. En alla vegna þá fór allt almenningssamgögnukerfið hér í rúst allt að 40 mín seinkun á sporvögnum og stundum komu 2-3 í röð. Þegar það snjóar hér að einhverju smá viti þá er eins og íbúarnir hér hafi aldrei séð snjó og vita ekki alveg hvað á að gera með þetta hvíta.

Svo er það bara djamm á föstudaginn... Lottie er rosalega mikið fyrir að djamma núna undanfarið og ekki kvarta ég... Við eigum bara eftir að redda okkur fyrirpartýi :þ

flensa eða ekki

2007-02-17T11:08:00.000+01:00

Góðan og blessaðan daginn...
Ég er sem sagt búin að vera með illt í hálsinum síðan á miðvikudagskvöld og einkennin eru þau að það er vont að kyngja og ekkert annað, jú var smá slöpp á fimmtudag en það var kannski bara vegna þess að ég mátti það, frí í skólanum og svona. En ég er orðin frekar þreytt á þessu... von bara að þetta verði ekkert meira. Það er fullt af fólki í kringum mig veikt eða búið að vera veikt... nenni því ekki núna.

Annars vorum við í skólanum í gær á fyrirlestri þar sem dani var að fyrirlesa fyrir okkur. Í byrjun spurði hann hvort hann ætti að tala dönsku eða ensku, þeir sem sögðu eitthvað upphátt sögðu honum að tala bara dönsku og við myndum svo spyrja ef við skyldum hann ekki. Ég gat auvitað ekki beðið um ensku "HALLÓ!!! ég lærði dönsku í 7 ár!!" þannig að ég sá þetta bara sem ögrun að reyna að skilja... ég var reyndar sú eina í bekknum sem hafði séð þetta sem hann var að tala um. En svo allt í einu heyrðist hljóð frá hinum sem ekki hafa sænsku sem móðurmál... þær treystu sér engan vegin að reyna að skilja dönskuna og vildu frekar ensku. Þær hafa nú haldið því fram áður að skilja ekki ensku, svona þegar við vorum að byrja í náminu og ég talaði bara ensku. En vá hvað ég var stollt af sjálfri mér að vera ekki sú sem var með tungumálavandamál núna... hihihihi!!!
Svo þegar maðurinn byrjaði að tala þá var ég nú nokkuð viss um að ég hefði skilið dönskuna hans betur... vá hvað maður inn var með mikinn danskan hreim... það tók smá stund að stilla sinn til að geta skilið manninn.

Annars er planið að baka bollur í dag þar sem bolludagurinn er jú á mánudaginn, maður verður að sjá til þess að hinir íslendingarnir á svæðinu fái bollur :þ Annar bað Marie líka um bollur svo ég er að koma svíunum upp á þetta líka... Þeir hafa svo sem sínar eigin bollur en þær eru ekki næstum því eins góðar, rúnstykki með rjóma möndlumassa og flórsykri ofaná. Jæja best að koma sér út í búð og kaupa hráefnin.

Já já

2007-02-14T17:04:00.000+01:00

Jæja það er besta að skrifa eitthvað hérna.
Ég kom til baka til Svíþjóðar á sunnudaginn en ég var heima í viku. Það gekk bara vel að safna þeim upplýsingum sem ég þurfti fyrir utan að ég hafði ekki lista með öllum börnunum. Þannig að ég notaði tíman og fór á leikskólan Sólborg, en þetta var vinnustaðaheimsókn í sambandi við kúrs sem ég var í fyrir jólin. Það var ekkert smá gaman að kíkja á leikskólan... var þar í 4 tíma og var alveg búin eftir á. Væri alveg til í að kíkja aftur í heimsókn en við sjáum til, þá væri það meira á mínum eigin forsendum. En þarna var notað bæði táknmál og talað mál svo allir starfsmennirnir á deildinni kunnu táknmál. Ég fór svo með 4 krökkum í táknmálssögustund þar sem heyrnarlaus kona sagði sögu, og þá voru þau ekki með tækin á sér á meðan. Svo var einn strákur að reyna að ná sambandi við annan með því að kalla á hann en það gekk auðvitað engan veginn. Svo þegar við fórum aftur til hinna þá réttu 2 strákar með heyrnartækin sín eins og ekkert væri sjálfsagðara en að ég gæti hjálpað þeim með að setja tækin á/í eyrun. Það var svo sem ekkert vandamál fyrir mig en þeir vissu það ekkert... þeir skildu ekkert afhverju ég var þarna í raun.

Svo er nýr kúrs byrjaður núna sem inniheldur svona sitt lítið af hverju... og 2 frekar stór verkefni sem hef ekki alveg fattað enn út á hvað ganga enda þjáðist ég af athyglisbresti á háu stigi á mánudaginn í skólanum, sem gerði það að verkum að fattðai engan veginn hvað var í gangi á meðan fyrirlestrinum stóð. Ég vona bara að ég finni mér eitthvað skemmtilegt að gera um helgina :þ

Heima á Íslandi

2007-02-06T18:04:00.000+01:00

Já ég er sem sagt ekki búin að skrifa neitt hér frekar lengi... svo ég ætla að skrifa eitthvað núna...

Á föstudaginn fór ég og Lottie í partý til gaura sem komu í partýið til mín um daginn í smá stund áður en við fórum í bæinn. Lottie tókst að hösla einn gaurinn og fór á deit með honum á fimmtudag svo okkur tókst að næla okkur í partý hjá þeim. Þetta var bara fínasta partý og svo fórum við á djammið. Á laugardagskvöldið vorum við Lottie og Marie svo með smá tapas-kvöld og horfðum saman á 1 hluta af sænsku söngvakeppninni. Þær fóru svo í bæinn en ég ákvað að sleppa því þar sem ég átti að taka rútu kl 7:30 til Osló. Þetta er í fyrsta skipti sem mér tekst að gleyma hinum ýmsu hlutum... t.d. snyrtidótinu mínu, hleðslutæki fyrir mp3 spilarann og fl.

Annars kom ég á klakann á sunnudaginn eftir ferðalagið í gegnum Noreg, það er svo fyndið að hlusta á norsku... sérstaklega þegar að maður er vanur sænsku.
Svo núna þessa vikuna er ég uppi á HTÍ að skoða sjúkraskírslur barna sem geind eru með heyrnarskerðingu 2002 til 2006. Það er alveg ótrúlegt hvað þetta tekur langan tíma. Á 2 dögum er ég búin að fara í gegnum 25 stk. Tíminn líður hratt en vinnan gengur hægt :S

praktík og komment

2007-01-31T17:00:00.001+01:00

Það má segja að það er búið að vera ágætlega mikið að gera hjá mér sl. daga. Á sunnudaginn fór ég í keilu með nokkrum kunningjum(Lottie, Peter, Dansken, Henrik og Söru) er búin að setja myndir inn á netið.
Svo er ég í praktík á Sahlgrenska sjúkrahúsinu þessa vikuna og það gengur bara vel, er reyndar frekar þreytt því þetta er ekkert auðvelt. Svo í gær eftir praktíkina fór ég í bæinn með Lottie, hún þurfti að finna föt til að vera í á deiti sem hún er að fara á á morgun og svo fyrir djamm á föstudaginn... Við vorum í Vera Moda í ca 1,5 tíma og fengum þessa þvílíku hjálp frá afgreiðslukonunni, fundum 2 outfit fyrir Lottie, góður árangur :)
Svo er djamm á föstudaginn og svo hin sænska Melodifestivalen á laugardaginn... svo er bara ferðalag heim á klakann á sunnudag :)

Samtal í hádeginu í gær:
Inngagnur: ég var í "vinnustaðaheimsókn" á sahlgrenska, og fylgdi einni sem er að vinna þar í 2 daga, í einni af fyrstu vikunum mínum hér í Svíþjóð og kunni þá enga eða svolítið sem enga sænsku.
Aðalatriði:
Ég ákvað að spyrja þá sem ég hafði fylgt hvort húnm myndi eitthvað eftir mér því að hún leit út fyrir að muna EKKERT hver ég var.
Ég: ég veit ekki hvort þú manst það en ég var hér í vinnustaðaheimsókn í 2 daga á minni fyrstu önn...
Hún: Nei ég man það nú ekki, maður hittir svo mikið af nemum hérna svo ég geti ekki sagt að ég muni það en ég kannast við andlitið...
En það var önnur íslensk stelpa hérna fyrir nokkrum árum en hún kunni enga sænsku, hún hætti.
Ég: uuu... nei það er ég!!
Hún: nú!!!
Svo skammaðist hún sín frekar mikið fyrir þetta... hihihi

Og svo svona í lokin þá vil ég bara óska Huldu og Gumma til hamingju með litla drenginn!! af myndunum af dæma er hann rosalega sætur og ég býst ekki við að myndirnar ljúgi :) Ég mun setja heimasíðuna hans á link hérna hjá hinum fljótlega.

Partý

2007-01-27T14:35:00.001+01:00

Fyrsta partýið mitt afstaðið og það heppnaðist bara vel, rúmlega helmingur íslendingar og þá tæplega helmingur svíar. Það er þegar búið að biðja mig um að halda annað partý og það er ekkert mál :)
Ég er nú bara frekar löt eftir gærkvöldið. Við fórum á einn skemmtistað og ég fór heim ca hálf 4, skemmti mér bara mjög vel. Svo þegar ég var rétt að koma heim þá fattaði ég að ég hafði bara tekið lykilinn af íbúðinni, en málið er að hann gengur ekki að útidyrahurðinni þar er notaður raflykill(og ég veit það) svo ég endaði með að hringja bjöllunni í einni íbúð þar sem ég sá að var kveikt og sá fólk á ferli.

Ég er búin að setja inn myndir á netið og líka myndir frá jólum og partýinu sem ég var í hjá Perter um daginn...hér

Stolt en...

2007-01-19T15:26:00.000+01:00

Ég var að fá út úr tölfræðiprófinu áðan og ég var með 17 rétt af 18 og er því mjög stolt af sjálfri mér. Ég veit ekki enn um neina aðra í bekknum sem var með jafn hátt eða hærra. En þetta var svo leiðinleg villa!!!... innsláttar villa í reiknivélina ...aaarrgh
Ég fékk 3,6*0,25=3,85 og hefði ég hugsað aðeins þá hefði ég vitað að þetta var ekki rétt. Ég held að ég hafi aldrei tekið stærðfræðipróf þar sem mér tekst ekki að gera einhverja svona klaufavillu. Það sem er mest böggandi að ef ég hefði slegið þetta rétt inn þá hefði ég fengið ALLT rétt á prófinu!!!

Ég held að ég sé með þessi álög á mér að gera heimskar villur á stærðfræðiprófi.

Svo er íslendingapartý í kvöld kannski einhverjir svíar líka.

Projektplan

2007-01-18T16:52:00.001+01:00

ritgerðaráætlun... er það góð íslenskþýðing, beinagrind finnst mér ekki alveg hljóma rétt... úff ég er að verða allt of útlensk.

Ég sem sagt var að verja ritgerðaráætlunina mín í gær... svona svipað og þegar maður ver lokaverkefni, bara aðeins óformlegra en þetta er gert til að æfa okkur fyrir þegar við þurfum að verja ritgerðina okkar í vor og gagnrýna einhverja aðra.
Mér gekk alla vegana mjög vel og er ég mjög ánægð með það. Ég þurfti mjög lítið að laga, sérstaklega miðað við aðra í bekknum. Einhverjar sem fengju verkefni frá heyrnardeildinni á spítalanum vissu ekki alveg hvað þær voru í raun að fara að skrifa um og þurftu oft að svara spurninum við "veit það ekki" sem er auðvitað engan vegin nógu gott. Hjá einum hóp komst upp um ritstuld en þær vildu ekki viðurkenna það, þetta er auðvitað alvarlegt mál en það er ekki gert svo mikið í því núna þar sem þetta er áætlun fyrir verkefnið. En ef þetta kemst upp aftur í vor eru þær í djúpum sk...

Ég fór í partý og svo út á djammið um síðustu helgi. Peter var með partý þar sem vinur hans, dansken(sem er að mínu mati aðeins og langsótt gælunafn) og bauð mér að koma, maður neitar auðvitað ekki partýi. Ég þekkti svo sem ekki marga þarna en skemmti mér bara vel.
Við fórum svo í bæinn á skikkanlegum tíma. Svo á leiðinni nefndi ég í smá gríni að það væri eftirpartý heima hjá mér... maður býr nú einu sinni í bænum :þ
Svo ég var tekin á orðinu eftir djammið og Peter og "dansken" komu til mín eftir djammið. Ég held að það hafi verið aðalega vegna þess að það var rigning og þeir nenntu ekki að bíða eftir strætó. Þetta var ekki beint partý en ég fékk 2 næturgesti. Vá hvað gaurar geta verið viðkvæmir fyrir hárum á sjálfum sér og öðrum karlmönnum. Málið er að báðir voru í blautum buxum svo þeir fóru úr þeim og sátu saman í sófanum undir teppi og voru svo að röfla um hvað þeim fyndist hárin á löppunum ógeðsleg.

Svo fékk ég símhringinu í gær og það var Peter að spurja hvort ég vildi koma í biljard með sér, bróður sínum og "dansken". Svo ég ákvað að skella mér. Við vorum 2 og 2 í liði. Ég með bróðurnum, og við unnum alla leikina, en ég get alveg viður kennt það að það var ekki mér að þakka.

Það er svo sem ekkert plan komið fyrir þessa helgi en við sjáum bara til hvað verður úr henni. Svo er ég bara að fara að byrja á BS-ritgerðinni eftir helgi... vá hvað tíminn líður hratt.

Próf

2007-01-13T12:18:00.000+01:00

Vá ég held að ég geti sagt núna að ég hafi verið í mínu síðasta prófi fyrir BS-gráðuna í heyrnarfræði... vá!!
Önnin klárast í næstu viku en þá erum við að fara að "verja" beinagrindina/planið fyrir lokaverkefnið okkar. Hver og einn hópur(sumir hópar telja bara einn einstakling, eins og minn t.d.) er búinn að gera beinagrind(eða projektplan) fyrir verkefnið þar sem við skrifum inngang(bakgrunn) og tilgang með verkefninu, spurningalista sem mun verða svaraður í verkefninu ofl. Og á þriðjudag og miðvikudag mun einn hópur gagnrýna verkefni annans hóps, og svo þarf sá hópur sem er gagnrýndur kannski að laga eitthvað hjá sér og skila því inn, sama verður gert í vor þegar við erum búinar að skrifa BS-ritgerðina. Um helgina þar ég ss að lesa það plan sem ég mun gagnrýna á þriðjudag.
Svo eftir næstu viku byrjar ný önn og þá er bara að gjöra svo vel og byrja að safna meiri upplýsingum fyrir rigerðina og plana hana eitthvað. Svo vikuna þar á eftir fer ég í praktík og þar á eftir kem ég heim og verð í viku, ég ss kem 4. feb og fer aftur að morgni 11.feb. Það er svo böggandi að vera ekki heima heila helgi til að komast norður, en ég mun líklegast fara norður þegar ég kem heim í vor eða kringum páskana en þá verð ég líklegast í 3 vikur á klakanum :)
Það var svolítið skrítið að vera bara búin að vera hér í 3 sólahringa þegar ég var búin að kaupa mér ferð afur heim... :)

Hæhæ

2007-01-10T09:46:00.000+01:00

Vá hér hef ég ekkert skrifað mjööög lengi...
Ég var sem sagt í Växjö um jólin og það var bara mjög fínt og notalegt. Ekki alveg jafn formlegt eins og ég er vön en samt þæginlegt og heimilislegt. Jólasveinninn kom meira að segja... :þ
Svo fór ég heim Annan í Jólum... alltaf voðalega gott að koma heim. Svo kom Marie til mín 29. des og var til 3.jan... Hún viðikenndi fyrir mér að ég hefði haft rétt fyrir mér þegar ég sagði að það væri svolítið erfitt að útskýra fjölda flugelda á gamlárskvöld. En hún var mjög ánægð með áramótin sín.
Svo fór ég aftur til Gautaborgar þann 7.jan og þá hófst lærdómurinn... Við áttum að byrja á planinu fyrir lokaverkefnið okkar, en mér tókst ekki að gera mikið heima þar sem ég var einhvern vegin föst. Svo fór ég á smá fund með kennaranum mínum sem leysti alla þá hnúta sem festu mig. Þannig að í gær sat ég við tölvuna allan daginn og gerði þetta verkefni sem ég hafði átt að gera dagana 2.-5.jan það tókst. Við eigum að skila þessu inn í dag fyrir kl 16. Leiðbeinandi minn fyrir lokaverkefnið mun vonandi fara yfrir þetta í dag svo ég hafi möguleika á að skila þessu inn í ágætu lagi.
Núna er bara að læra fyrir tölfræðipróf á föstudaginn.

Annars vil ég bara óska ykkur gleðilegs árs og takk fyrir það gamla :)