verklegt OAE og fundur

Ég hafði svolítið gaman af kennaranum mínum í morgun. Við vorum í LAB(verklegu) að æfa okkur á OAE en það er mæling á hljóðum sem kuðungurinn gefur frá sér þegar hann tekur við hljóðum, td ef þú sendir inn hljóð sem er 65 dB þá sendir kuðungurinn út hljóð til baka sem er 20 dB. En alla vegana þá gerist þetta bara á þeim sem eru með kuðunginn í lagi. Þegar við mælum fáum við að vita við hvaða tónhæð hljóðið sem kemur út er, og það finnst visst bil þar sem er eðlilegt að vera á, ef maður er undir heyrir maður ekki nógu vel. En mín svör voru öll yfir þessu eðlilega bili, svo ég sagði til kennarast áður en ég sýndi henni niðurstöðurnar að ég væri ekki alveg með eðlileg svör og þegar hún sá svörin þá sagði hún "ohh... þið Íslendingar... Sko þetta hérna bil(og benti á bilið fyrir eðlileg svör) er gert út frá fólki út um allan heim... en þið Íslendingar eruð einhver staðar hér fyrir ofan" En þetta er auðvitað bara gott og þýðir að kuðungurinn minn virkar mjög vel ;o)
Svo æfðum við okkur líka á öðru tæki sem virkar aðeins öðru vísi og þar voru öll mín svör mjög örugg eða 99%(en þau gátu ekki orðið 100%, var ekki pláss fyrir 3 tölur) og tónninn var líka hærri en hjá flestum, td þá var hæsti tónninn hjá Marie sá sami og lægsti minn :oÞ Vá!! hvað ég er ánægð með kuðunginn minn í hægra eyranu :P

Ég fór svo á nemendafélagsfund þar sem við erum að koma okkar deild inn í nemendafélagið, þannig að það er gott að vita hvernig þetta virkar. Ég held að ég hafi bara fengið slatta af góðum upplýsingum. Var ekki komin heim fyrr en kl 21 :/ en ég er að fara að mæla sjúklinga á morgun og á að vera mætt upp á spítala kl 8:00 til að skipta um föt... já við eigum að vera í sjúkrahúsfötum... ekki alveg mín deil. Fyrst áttum við að mæta kl 7:30 en svo hringdi fyrsti sjúklingurinn og sagðist ekki geta komið fyrr en kl 8:30 en ekki kl 8. En þar sem við höfum 2 tíma fyrir hvern sjúkling þá hef ég engar áhyggjur af þessu að sá fyrsti hafi bara 1,5 tíma, í raun á þetta ekki að taka nema 30 mín í mestalagi fyrir þá sem eru vanir og það er ekkert vesen. En Inger(kennari) var mjög ánægð að geta sagt mér að ég þyrfti ekki að mæta fyrr en kl 8 því ég hafði verið að röfla um hvað það væri snemmt að mæta kl 7:30 ... :Þ

En núna ætla ég að fara að undirbúa mig fyrir morgundaginn... heyrumst seinna :D

Langur dagur...

Þar sem að ég svaf greinilega aðeins of lengi á sunnudagsmorgun þá átti ég frekar erfitt með að sofna á sunnudagskvöldið... sem var ekki alveg sniðugt.
Ég þurfti svo að vakna snemma til að fara í skólann, því hann er enn í gangi. Ég var mætt í skólann kl 8:3o eins og venjulegt er. Svo var skólinn til 16, sem er mjög langur dagur. Það var svo búið að planan partý fyrir útskriftarnema, en ég var ein af þeim sem var í að plana eða þeas hjálpa til. Svo eftir tíman fórum við beint inn í matsal að gera allt tilbúið og það tók allan þann tíma sem var þannað til að partýið átti að byrja eða kl 17. Svo fór fólkið að tínast inn og þegar átti að fara að setjast niður og byrja að borða þá var ákveðið að gera miða, þar sem tveir og tveir miðar voru eins (með sama orðinu sem öll auðvitað tengjast heyrnarfræðinni :þ). Ég lenti með stelpu af fyrsta ári sem er uppalin í Noregi en foreldrar hennar eru frá Pakistan, ég sem hélt að hún væri ættleitt þar sem hún talaði ekki með neinum hreim.
Svo var borðað og farið í leiki til að hrista mannskapinn aðeins saman, ég get alla vegana sagt að ég kannast aðeins betur við þær af 1. ári núna sem er auðvita bara fínt að geta heilsað þeim á göngunum.
Klukkan hálf níu fór fólk eitthvað að tígja sig heim en við vorum nokkur eftir til að ganga frá, svo þegar það var búið fórum við auðvitað að spjalla og héldum svo út og stoppuðum svo rétt hjá strætóstoppistöðinni til að halda áfram að spjalla og þegar ein var farin í strætó röltum við á sporvagnastoppi stöðina og spjölluðum við eina þar til sporvagninn kom, svo fórum við með innkaupakerruna sem hafði verið notuð til að bera matinn í og röltum svo á næstu stoppistöð þar sem ég fór í sporvagn og rölti svo heim... á leiðinni heim var ég viss um að klukkan væri rétt að verða 22 en þegar ég kom heim komst ég að því að kl var 23 og ég hafði ætlað að kíkja á verkefni sem við ætluðum að gera í skólanum í dag. En það varð lítið úr því... sofnaði við miðnætti... vaknaði kl 8. og var þokkalega rugluð í morgun... heilinn fór ekki í gang fyrr en um 11 leitið.
En við hittumst í skólanum kl 10 og ég tók seinni strætóinn í staðinn fyrir þann fyrri eins og ég var búin að ákveða, því að ég var svolítið meigluð og ruglaði þessum ágætu tímum saman; vera mætt 5 mín í eða leggja af stað 5 mín í... Svo var auðviða strætó seinn :S
En verkefnið gekk vel, svo ég var komin heim fyrr en ég bjóst við, sem var auðvitað bara gott mál... En ég er þreytt núna og ætla að reyna að fara snemma að sofa því það er LAB(verklegt) á morgun kl 8:30 og svo á ég að mæla "sjúkling" á fimmtudaginn og á að vera mætt 7:30 :S

En þetta er nóg í bili...

Að beiðni Huldu...

já.. sem sagt Huldu leiðist í vinnunni og vill að ég bloggi... ég hef svo sem lítið að segja núna en ég skal reyna... :)
Ég man ekki hvort ég var búin að láta vita hér hvenær ég kem heim en ég geri það bara hér með ... sem sagt þann 11. júní kl 14:20 og í dag eru ss 18 dagar þanngað til, vá hvað ég verð fegin að komast heim.
Skólinn klárar hjá mér 5. júní með heimaprófi, þeas við fáum það um morguninn á netið og svo höfum við tíma til kl. 16 að skila því inn... hefið frekar vilja fá það á föstudeginum en kennarinn ætlar víst að semja prófið þarna um helgina :/
Svo kemur J Hildur í heimsókn til mín 7. júní og verður hér þanngað til við förum saman heim og það beint frá Gautaborg jíbbíkóla... loksins beint flug... engin 4 tíma lest til Köben kl 7:50 að morgni. Ég er nú ekki alveg ákveðin hvenær ég fer út aftur en það verður eitthvað í kringum miðjan ágúst eða rétt eftir miðjan.

Það er búið að vera rigning og rok hérna í ca 2 vikur og ég er orðin þokkalega þreytt á því... kannski hjálpar þegar maður á að vera að læra... en það má nú aðeins breyta til...
Það lítur út fyrir að það eigi að batna um helgina... ég bara rétt vona það.

Fyrir Eurovision voru við með partý hjá Ragnari á fimmtudeginum, þe frjálsíþróttaliðið(Ragnar, Gauti, Alla, Bjössi og Rakel) og svo ég og Vilmar. Svo á laugardeginum vorum við 4 heima hjá Marie en þá voru hlutföllin jöfn... örugglega í fyrsta skipti, 2 sænskar og 2 íslenskar. Alla kom nefnilega með mér. Við vorum með 3ja rétta máltíð og svo nammi.... Við skemmtum okkur bara vel... alla vegana ég :) og urðum bara sáttar við úrslitin. Ég held að Eurovision sé aðeins að breytast... ekki lengur þessi staðlaða uppskrift af lögum, þe eins og sænskalagið sem var ekta eurovisionlag.

Ég var rosalega dugleg (að mínu mati) og fór í sund í morgun. Ég er að spá í að gera þetta einu sinni í viku þanngað til ég fer heim og svo er spuring hvort maður heldur þessu ekki bara áfram í sumar, sérstaklega þegar það er gott veður. Gott að taka smá sundsprett eftir vinnu.

Það er mikið af íslendingum að fara heim núna. Bjössi og Rakel fluttu heim í dag, Gauti fer heim snemma í næstu viku(þriðjudag ef ég man rétt), Sandra á sunnudaginn... og ég ekki einu sinni búin með önnina... en þetta er að fara að klárast...

Jæja þetta verður að vera nóg fyrir Huldu í bili... hún getur þá skoðað þetta næst þegar henni leiðist í vinnunni, þar sem að ég veit að hún er farin úr vinnunni núna að skemmta sér :)

Ein orið þreytt á útlanda verunni í bili

það er alveg 10 dagar síðan ég skrifaði síðast svo það er eins gott að maður fari að koma sér að verki...

Það sem mun fylgja hér á eftir er líklega aðalega vegna skólaleiða eftir veturinn, svo það ber ekki að taka of alvarlega, en við komumst að því frekar eftir 3 mánuði hvort þetta var bara skólaleiði, þegar tíminn er kominn til að kveðja Ísland eftir sumarið.

Og áður en þið haldið lengra vil ég benda á að þetta er ekki fyrir viðkvæmar sálir (þe þá sem þykir vænt um sænskt þjóðfélag eins og það leggur sig)

Eins og kannski margir vita er orðið "problem" eitt mestnotaða orðið í sænsku enda gengur þjóðfélagið út á eitt stórt sálfræðilegt problem. Þeir sem eru að vinna og eru kannski orðnir þreyttir á vinnunni, bæði andlega og líkamlega, fara til læknis og fá sjúkraleyfi í staðinn fyrir að leita sér að annari vinnu eða öðrum vinnustað bara svona til að breyta til.
Og svo þeir sem eru í skólanum gera verið endalaust þreyttir og eiga erfitt með að koma þegar búið er að skipuleggja hópvinnu. Og aðrir svíar vorkenna þeim þreyttu bara og segjast skilja svo vel, sem hjálpar auðvitað ekki, þreytta manneskjan fær bara minna samviskubit yfir því að vera 4 tímum of seint. Hin manneskjan sem vær vorkun fær lítið samviskubit fyrir að svara ekki hringum né sms-um um ákvörðun um að hittast daginn eftir og svo ekki láta sjá sig, hafði reyndar samband þegar fyrirfram ákveðni tíminn var búinn.

Það er ekki eins og þetta sálarlega þreytta lið geti ekki slappað af eins og það vill eftir 2-3 vikur og það í tæpa 3 mánuði, því fæstir vinna á sumrin og þeir sem gera það vinna eiginlega ekki neitt. Og svo er auðvitað kvartað yfir hvað þau fá lítinn pening í styrk(frá ríkinu) og í lán.... HALLÓ þið fáið þó ókeypis pening sem þið þurfið ekki að borga til baka... og sumarvinna gæti kannski aukið inneignina í bankanum.

Stundum held ég að ég sé að smitast af þessum problem-sjúkdómi... þar sem ég er nú einu sinni að kvarta yfir því að aðrir séu að kvarta. En ég held að rúmir 2 mánuðir í burtu hjálpi mikið, en tæpir 10 mánuðir (þó með pásum) er ofmikið. Vona að pásurnar verði fleiri (eða lengri) á næsta ári.

Heima er best...

Og enn skín blessuð sólin..

Ég er ekki alveg vön því að hafa sama veðrið í marga daga í röð, núna er búið að vera sól, heiðskírt og 20-25°C í 4 daga og verður það líklegast á morgun líka. Auðvitað á maður ekki að vera að kvarta yfir veðrinu, en það má alveg koma svona einn og einn skýdagur inn á milli með 15°C bara svona til þess að breyta til.
Þetta veður er sérstaklega erfitt þegar maður ætti að vera duglegur og sitja inni og læra, lesa greinar og skrifa 2 verkefni þar sem það er því miður ennþá mánuður eftir af skólanum. Ég var að tala um þetta veðurbreytingarleysi við Marie í dag og hún sagði að ég þyrfti bara að læra að það sé hægt að sitja inni og læra þó að það sé gott veður úti, ég held að ég velji breytileikan frekar :þ

Annars þá vorum við(hálfur bekkurinn) í heimsókn í Kannebäcksskolan í dag, en það er grunnskóli fyrir heyrnarlausa og heyrnarskerta nemendur. Þetta var alveg mjög skemmtilegt. Þar er heyrnarlausum og heyrnarskertum skipt í tvennt, þeas þeir sem nota táknmál eru í sér bekk og þeir sem nota talmál eru sér, allir bekkirnir eru ca 5-10 nemendur og 2 kennarar. Tæknin er alveg þvílík í skólanum en fyrir þá nemendur sem nota talmál er kennarinn með hljóðnema sem sendir í gegnum FM-kerfi eða T-spóli-kerfi(fyrir þá sem þekkja), og svo er annar sem nemendurnir nota, þannig að vinnu umhverfið er mjög gott.
Síðan fengum við að fara inn í tónlistarherbergi, þar sem gólfið er á púðum og undir gólfinu eru 96 hátalarar. Svo þegar kveikt er á tónlist eða bara einhverju örður þá titrar gólfið eins og það sé mjög sterkur bassi, þó að tónlistinn sjálf hafi ekki mikinn bassa. En þetta herbergi er notað til að læra að þekkja takt ofl. Við settumst nokkrar í gólfið og það var eiginlega svolítið óþæginleg tilfinning.
Núna langar mig bara að vita hvernig þetta er heima til að geta borið saman og kannski komið með einhverjar tillögur :þ Ég get varla beðið eftir að klára þetta nám og fara að vinna... en þar sem ég er eiginlega búin að ákveða að taka eitt aukaár þá verð ég að bíða aðeins lengur. En ég fæ nú aðeins að fikta í þessu í sumar :D

Sól, sól skín á mig...

Vá það er búið að vera æðislegt veður hérna sl daga 20-30°C og heiðskírt(alla vegana í gær og í dag)... æðislegt!! Við vorum í 3 tímapásu í skólanum í gær, þe helmingurinn af bekknum, svo við fórum út og sátum þar í 2 tíma... enda fékk mín smá lit. Svo eftir skóla fórum við Marie og Sofia og keyptum okkur ís í ísbúð sem er í verksmiðjunni fyrir Triump ísinn en þá fær maður risakúlur í staðinn fyrir þessar litlu sem maður fær í bænum og svo settumst við niður og höfðum það gott.

Ég er búin með dansinn fyrir þessa önnina, ég tók upp tíma núna í vikunni og sl viku, því ég missti svo mikið úr þegar ég var á þessum ferðalögum mínum. Þannig að í þessari viku dansaði ég 4 daga í röð. Vá ég skil ekki hvernig fólk getur gert þetta dagsdaglega, ég var alveg búin í líkamanum. En það er líka gott að púla smá. Svo ætla ég að reyna að vera dugleg á línuskautunum í sumar sérstaklega þar sem að ég er bara í 8-16 vinnum

Sem minnir mig á það; ég kem heim þann 11. júní ef einhver skildi vera að pæla í því. Og verð til 16. eða 20. ágúst... það er ekki alveg ákveðið.

Svo í sambandi við commenta-kerfið... Karól virtist ekki alveg nógu hrifin... :þ Undir "choose an identity" veljið þið bara "Other" og fyllið í það sem þið viljið eða veljið "Anonymous" en skrifið þá nafnið í "commentið" :D
Ég nenni ekki að vera að fara inn á síðuna til að athuga hvort einhver hafi skrifað, núna fæ ég e-mail.... Og Egill það þýðir ekkert að kvarta í þetta skiptið, þetta er ekki svo fljókið :Þ

Breyting

Ég er sem sagt búin að breyta síðunni aðeins... ekki alveg eins og ég hafði ætlað en smá breyting alla vegana. Það er á planinu að breyta henni aftur yfir í eitthvað sem er sérhannað fyrir mig(af mér), ekki bara eitthvað tilbúið.

Því miður hurfu öll commentin þar sem ég tók aftur upp "blogger"-commentin til þess að fá upplýsingar um að einhver hafi skrifað eitthvað.

Ef einhver veit hvernig maður á að fjarlægja þennan Blogger-NavBar þarna efst uppi þá má hinn sami láta mig vita ;)
Eða hvernig maður á að setja mynd eftst á síðuna undir/bakvið titilinn?

Og ef einhver er tilbúinn til að hjálpa mér að hanna nýtt útlit þá má alveg hafa samband.

Með engil og djöful á sitthvorri öxlinni

Vá hvað það getur verið erfitt þegar manni langar að dansa en nennir því samt engan veginn. Ég er búin að dansa mikið þessa vikuna til að taka upp tíma sem að ég missti úr þegar ég var heima og í Berlín. Á miðvikudaginn var ég búin að ákveða að fara í dans en ég nennti því eiginlega ekki ég ákvað að koma mér af stað en var alltaf nærri búin að snúa við... Svo þegar ég átti 2m eftir í hurðina þá hugsaði ég "kannski er dansinn ekki á sama tíma og ég er vön á mánudögum!!!" og viti menn ég hafði rétt fyrir mér ég var 10-15 mín of sein og of mikið búið af upphituninni svo ég ákvað að fara bara heim. Djöfullinn vann í þetta skiptið en engillinn stóð sig samt mjög vel að sannfæra mig. Ég hef bara aldrei séð neinn mæta of seint í tíma, svo ég gat ekki hugsað mér að troða mér þarna inn.

Annar þá voru mamma og pabbi hér um dagin... svolítið langt síðan ég hef skrifað... Það var mjög gott að fá þau í heimsókn, mér tókst reyndar aldrei að fá þau að ferðast um í sporvagni en það verður bara að láta reyna á það næst :þ
Það er mjög gott að fá foreldra sína í heimsókn af og til, þá eignast maður kannski hluti sem maður hefur verið að spá í að kaupa en talið sig getað verið án í smá tíma í viðbót ;) Við fórum til Marstrand sem er lítil eyja hér rétt fyrir norðan Gautaborg en á henni eru engir bílar en eitt stórt virki sem létt er að týnast í ef maður skilur ekki kortið eða einfaldlega hefur það ekki. Svo var auðvitað farin ein ferð í IKEA og keypt skápahurð og stóll. Kíktum á Volvo-safnið sem ekki var auðvelt að finna enda voru göturnar, skiltin og kortið ekki alveg sammála. Svo fórum við út að borða á Heaven 23 sem er fínn veitingastaður sem minnir mig á Perluna nema hann snýst ekki... en með gott útsýni af 23ju hæð. Mjög góður matur.

Ég fór á IceAge 2 með Öllu á miðvikudaginn, þetta er mjög góð mynd :) Ég ætlaði að vera búin að horfa á hina aftur áður en ég færi en hef ekki haft tíma.

Ég er núna í barna-heyrnarfræði sem er mjög áhugaverð að mínu mati... fullt að lesa. Við vorum að heyrnarmæla(screena) börn á leikskóla í gær, bara svo við fengjum að æfa okkur. 2 saman í hóp og hvor mældi 2 börn. Ég og Marie vorum saman, ég tók fyrsta strákinn og það var ekkert vandamál enda skildi hann vel fyrir mælin, taka kubb úr pokanum og leggja hann niður í tilteknar holur þegar hljóð heyrðist í hátalaranum. Svo kom næsti stákur sem Marie mældi, með þessar líka geðveiku lamba krullur í hárinu... hann var svo sætur.. tók smá tíma að fatta hvað hann ætti að gera en svo kom það og þá sagði hann í hvert skipti sem tónn heyrðist "jag hörde det!"(ég heyrði þetta)... þvílík dúlla. Svo átti ég að taka næsta en við ákváðum að það væri betra að láta Marie mæla hann því hann var ekki með sænsku sem móður mál og ekki var víst hve mikið hann skildi. Hann skildi örugglega ekki hvað hann ætti að gera svo það endaði með því að hann beinti á heyrað þegar hljóð heyrðist. Svo síðasta barnið var stelpa sem var mjög feimin, fóstran þurfi að koma með inn í herbergið. En mér tókst vel að ná til hennar og allt gekk vel. Marie vill meina að börnum líði vel í kringum mig og þess vegna sér hún mig vel fyrir sé sem barnaheyrnarfræðing, sem er auðvitað bara gott mál :)
Jæja þetta er nóg í bili... reyni að skrifa aftur fljótlega og setja inn myndir ;)

Komin frá Berlín og m&p á leiðinni

Það var mjög gaman í Berlín. Ég og Alla lögðum af stað þanngað á miðvikudaginn eftir hádegi. Fyrst fórum við með lest til Köben og flugum svo þaðan. Flugvöllurinn í Berlín(1 af 3) var þannig að við þurftum að fara út í rútu sem flutti okkur upp að flugstöðvarbyggingunni. Okkur tókst svo að finna underground-ið og kaupa viku miða í almenningssamgögnu kerfið og koma okkur á réttan stað. Ég nenni ekki alveg að skrifa alla ferða söguna hér en ég get svona sagt þetta í grófum dráttum.
Við sáum Berlínarmúrinn eða það sem er eftir af honum, ég held að áhugi minn á að sjá múrinn hafi verið aðeins misskildur í byrjun. Ég vildi bara sjá hann en ég hafði engan áhuga á mynjagripum um múrinn. Svo sá ég líka Brandenburgar hliðið, þinghúsið (fór inn), Postamer plats, Under den Linden, Dýragarðinn, kastalana í Postam, kyrkju sem eyðilagðist í stríðinu og... ég er örugglega að gleyma einhverju.

En mamma og pabbi eru að koma á eftir og þau verða hér til mánudags. Ég býst ekki við að skrifa mikið hér á meðan þau eru hér. En ég mun setja inn myndir frá Berlín fljótlega.

Skrifa meira seinna

Komin til baka og á leið til Berlin

Þá er ég komin frá Íslandi, en það var alveg nauðsinlegt að komast aðeins heim... hefði meiglað hér. Ég gerði kannski ekki mikið heima en ég hitti þessar helstu vinkonur mínar... reyndar ekki allar. Hitti líka Daða en hann hef ég ekki hitt í ár eða meira. Þó að ég hefði svo sem ekki gert mikið þá var þetta ekki hangs. Ég fékk loks að sjá íbúðina hennar Hildar B, en síðan hún flutti inn hefur allaf staðið illa á þegar ég hef verið heima... enginn tími eða hún ekki á landinu.

Og núna er ég búin að prufa að fara í gegnum Osló og það gekk bara vel. Og núna kemst Osló á listan yfir borgir sem ég hef komið til... meira að segja hef ég labbað í miðborginni... frá rútustöðinni yfir á lestastöðina og til baka aftur :)

En svo er Berlin á morgun... já það er mikið að gera hjá mér... fyrst skóli um morguninni milli 8:30 og 12 og svo er lest um kl 13:30 til Köben og þaðan flug til Berlin. Kem svo aftur aðfaranótt þriðjudags ca kl 2 og á að mæta í skólann 8:30... vá hvað ég verð mygluð í skólanum... En það verður þess virði :o)

Nettur pirringur og tilhlökkun

Við byrjum fyrst á pirringnum. Ég komst að því í dag að Öldrunarfræði kúrsinn var í raun bara kúrs í sænsku(málfræði). Málið er það að ég fór upp í skóla í dag að sækja verkefnið sem við vorum að fá til baka loksins. Hjá mér stóð: Rättar inte grammatiska fel: Be svensktalandi gruppkamarat att läsa igenom. Det finns ett antal ? som behöver rätas ut! Vill Du skriva på engelska.(í ísl. þýð. Leiðréttir ekki málfræði villur: Biddu sænsktalandi hópmeðlim að lesa i gegnum þetta. Það eru nokkur ? sem þarf að leiðrétta.
Ok. ? voru 5. Meðlimir hópsins lásu í gegnum þetta áður en við sendum þetta inn en fannst ekkert að þessu. Ég er mjög móðguð...
Ég var ekki sú eina sem var með málfarsvillur enda held ég að allir hóparnir hafi þurft að leiðrétta málfarið hjá sér... eða nota þau orð sem kennarinn vildi að væru notuð því hún í raun leiðrétti þetta sjálf við þurftum bara að breyta og skila inn aftur. Ég talaði við einn kennara(Inger) sem sagði mér svo að þessi(AK) hefði spurt sig út í þetta með málfræðina mín og Inger sagði henni að vera ekkert að spá í málfræðina mín, sænska væri ekki mitt móðurmál og ég ætlaði ekki að vinna í Svíþjóð. En hvað gerir tussan(AK) röflar um að ég skrifi vitlaust... kræst..

Það er eins gott að ég sé á leiðinni heim og þokkaleg tilhlökkun þar á ferð. Verð mætt á klakann á morgun þriðjudag kl 15:25

á heimleið ... aftur... :o)

Ég ætti kannski að fara að koma mér í að skrifa það sem ég ætlaði að skrifa á föstudaginn.
Málið er nefnilega það að ég er að koma heim í tæpa viku... 4. - 10. apríl :) Mömmu fannst ekki nógu gott að ég væri bara að hanga hér og gera ekki neitt í tæpar 2 vikur svo hún vildi fá mig heim í staðinn. Og þar sem að ég er engan vegin fyrir stórar ákvarðanir sem eru teknar á stuttum tíma þá var þetta frekar erfitt og stressandi. En eftir smá hugsum þá var þetta ákveðið... ég mun flúga í gegnum Osló... alltaf gaman að prufa eitthvað nýtt ;) Og svo er ég búin að panta mér klippingu sem var ágætt... ég treyti ekki fólkinu hér :/ og ef ég færi ekki fyrr en í júní þá færi hárið orðið þokkalega vel úr sér vaxið og vitlaust.

Í gærkvöldi var mér og Gauta boðið í mat til Öllu... allir hinir voru uppteknir, þe Ragnar í afmæli og Bjössi og Rakel á Íslandi. Það var bara mjög góður matur hjá henni.

Svo núna er planið að taka til og þrýfa. Marie ætlaði að koma í mat í kvöld en hún komast síðan ekki. Svo á morgun á að klára að setja saman verkefnin og skila inn.
Og þessa stundina er alveg grenjandi rigning.

Farið að hlýna

Það er farið að hlýna hér... búið að vera 5-7°C sl 2 daga og á að vera á morgun líka ;) Enda kominn sumartími og 2ja tíma munur milli Íslands og Svíþjóðar.

Partýið sem ég fór í á laugardaginn var bara fínt... fyrst vorum við í íbúðinni hjá strák sem heitir Tryggvi og svo þegar allir vorum komnir sem ætluðu að koma fórum við niður í kjallara í sal með sófum. Svo fórum við á Vårkalaset í Chalmers, sem er vorhátíð. Ég keypti miða að einhverjum sem var að fara í sporvagninn því það var orðið uppselt. Við komumst ekki öll úr partýinu því það voru ekki allir búnir að kaupa miða ... svo ég var eina stelpan með 4 strákum... og það var ca hvernig kynjahlutfallið var þarna inni þar sem stór hluti Chalmerista eru karlkyns.

Það var ótrúlega þæginlegt í skólanum í dag þegar ég sofnaði í hádeginu í sófanum í kaffiteríunni með úlpuna yfir hausnum... hrikalega var það gott... þar til síminn hringdi. Ég tók upp símann og sá ég að Marie var að hringja og var viss um að hún væri að fíflast í mér, því jú hún sat auðvitað þarna við borðið... en neinei hún var komin niður á bókasafn... ég var greinilega alveg út úr heiminum... Enda var ég miklu hressari en Marie og Sofia þegar við fórum á kaffihús eftir skóla... þær voru þvílikt meiglaðar.

En frá og með morgundeginum og til 12. apríl er fólk velkomið í heimsókn. Það er enginn skóli en við eigum að vera að gera 2 verkefni... erum að verða búnar með það fyrsta og hitt verður líklega fljótgert... vá ég er ekki alveg klár á hvað ég á að gera nema að dansa á mánudögum og fimmtudögum. Kannski að ég fari að lesa fyri næsta kúrs... barna-heyrnarfræði... sem ég hlakka mest til ;)

Hvað er málið með þennan snjó... á fimmtudaginn fór allt í einu að snjóa aftur og það ekkert smá...ca 5cm... þannig að í gær þurfti sólin fyrst að bræða nýja snjóinn til að geta haldið áfram með þennan gamla. ussss....

Ég fór á íslendingapub á fimmtudagskvöldið, var að láta sjá mig eftir að hafa eiginlega lofað því í partýi hjá Söndru um daginn. Þegar ég kom voru þar 4 strákar(einn var í heimskókn frá Íslandi) og svo bætist einn við. Svo var ákveðið að vera með partý um helgina og ég er sem sagt að fara í það á eftir, gaman að vita hve margir mæta.

hehe... ég fór upp í eldhús áðan að ná mér í kvöldmat, ég var búin að taka mig að mestu leiti til fyrir partýið (eins og vanalega tímanlega með að gera mig tilbúna fyrir partý). Þegar ég kom inn var sú kínverka og sá gamli... og sú kínverska sagði: "You look beautiful today!!" ég þakkaði bara fyrir mig. Ég meina hvað er málið með kommentin hjá henni... mér fannst alla vegana þetta hljóma undarlega.

Vonandi verður stuð í kvöld :) ég ætla að taka myndavélina og vonandi man ég eftir að taka myndir....

...já ég man allt í einu eftir núna að klukkan breytist í nótt, sem gerir 2 tíma mun á milli Svíþjóðar og Íslands ...aaaa... böggandi

Matur í boði Gautaborgar Háskóla

Ég sem sagt fór áðan út að borða í boði Háskólans í Gautaborg... hljómar ekki illa, enda var það alls ekki slæmt. Málið er ss að framkvæmdastýra Heyrnar- og Talmeinastöðvarinnar(HTÍ) er hér í heimsókn að skoða hvernig Svíar setja upp Heyrnarstöðvarnar sínar, sem er auðvitað bara gott mál. Og þar sem ég er að fara að vinna hjá HTÍ í sumar... byrja 15. júni... þá fannst Claes Möller(kennari) að það væri tilvalið að ég kæmi með fólkinu út að borða, þe nokkrum kennurum og fleirum sem vinna á heyrnarstöðinni... og ég auðvitað þáði það... fannst þetta frekar skrítið fyrst en svo var þetta bara mjög fínt.

Annars þá er ég að fá upp í kok af hópverkefnum en ég sé ekki alveg fram á endan á þeim fyrr en í lok annar :S

Svíar voru með loka keppni söngvakeppninnar um helgina og útkomar bara fín... alla vegana ekki sami skandall og í fyrra. Lagið sem fékk flest stig frá almenningi vann með hjálp af dómnefndinni. Svo sjáum við til hvort lagið fær fleiri stig í forkeppninni Silvía Nótt eða Carola :þ

hlýnun á frumstigi

Vá fysta skipti í 3 vikur fór hitamælirinn uppfyrir 0 gráðuna, það var reyndar bara 1°C þegar ég kíkti á weather.com og reyndar "feels like" -4 en þessi plúsgráða var auðvitað bara yfir hábjartandaginn og svo er auðvitað komið aftur -4 núna... þetta kemur allt í hægum skrefum en skrefin eru í rétta átt. Mamma sagði mér að það hefði verið 11°C á klakanum sem þýðir 10° mun á Gautaborg og Reykjavík... og fólk er að röfla yfir því að mér eigi ekki að vera kalt þar sem ég kem nú einu sinni frá ÍS-landi...

En ég skil ekki alveg hvað er málið með næstu helgi... þe ekki helgin sem er að koma núna heldur helgina 24-26. mars... það virðist enginn ætla að vera heima. Marie er að fara til Växjö, Alla er á Íslandi og kemur 26. og svo var ég að komast að því að Sandra er að fara til Íslands líka... og það eru líka fleiri sem verða ekki heima. Ég er að sjá fram á frekar leiðinlega helgi... :/

Annar er allt í gúddí fyrir utan mjög stíflað nef... búin að bíða eftir hnerra í allan dag en hann vill bara ekki koma, búin að gera allar kúnstir. Ég er svona að gera mér vonir um að fá ekki hósta en miðað við fyrri reynslu þá er líkurnar ekki miklar að ég sleppi.

Sænskan er skrítin

Stundum er sænskan mjög einkennileg og ekki alveg samkvæm sjálfri sér... Í fyrra var ég allaf að segja "jag går till Island" (ég fer til Íslands) en það var allaf verið að segja mér að maður ætti að segja "jag åker till Island" þar sem "går" þýðist sem ganga og auðvitað gengur maður ekki til Íslands. Það var of sem ég notaði "gå" í staðinn fyrir "fara"(ísl) en átti að nota "åka" því það er ekki til neitt almennt orð yfir að koma sér frá A til B eins og í íslensku og ensku... fara og go.
Svo í dag var ég og Marie að rölta úr skólanum í átt að stoppistöðinni... þegar hún segir "där går min buss" og þá hófst smá umræða... strætó gengið burt... flugvél getur víst gengið líka (När går flygplanet... hvenær fer flugvélin) en ég má ekki "gå" til Íslands... Þegar við fórum í gegnum þessa umræðu þá fattaði Marie að hún hafði ekki pælt í þessu áður og fannst þetta sjálfri frekar einkennilegt... En ég verð víst að lifa bara við þetta :/

Bíó og matur

Heglin var nú bara í rólegri kanntinum. Á föstudaginn fór ég með Marie til Johans og við horfðum á 2 myndir sem hann náði í á netinu... já sem sagt hann á ekki sjónvarp svo hann downloadar bara þeim þáttum og myndum af netinu sem honum langar að sjá. Í þetta sinn sáum við Transamerika sem var allt í lagi fyrir utan mónótónarödd leikkonunnar, svo sáum við Fun with Dick and Jane sem var líka ágæt... svolítið mikið rugl.

Á laugardaginn fór ég svo í bíó með Öllu og Rakel, en Rakel var ein heima svo við dróum hana með okkur... það er ekki holt að hanga heima og læra á laugardagskvöldi... Við sáum Prime... sem heitir á sænsku Nära og kära (Nær og kær) Hún var bara mjög fín... mæli alveg með henni. Svo eftir bíó röltum við um bæinn og það endaði með að við röltum heim. En það var skít kalt... eins og er búið að vera undanfarið.

Svo í gærkvöldi fékk ég loksins kvöldmatinn sem Ragnar skuldaði mér frá því að gardínusaumurinn átti sér stað, fyir jól. Fór til hans að horfa á One Tree Hill eins og venjulega og svo bauð hann mér í mat í leiðinni. Og þar sem hann skuldaði mér líka nudd þá ákvað hann bara að klára þetta og nuddaði á mér bakið... Svo nú skuldar hann mér ekkert lengur. Ég kom með þá hugmynd að gera þetta að vana að borða saman yfir OTH þar sem það er kl 19... en honum fannst hugmyndin ekkert sérstaklega góð :Þ

Svo er nýr áfangi að byrja í dag, vísindalegarkenningar og vísindalegaraðferðir, og í honum verð ég fram að páskum.

Sund tekur á...

í morgun vaknaði mín alveg hrikalega þreytt í öllum líkamanum og það var mjög erfitt að koma sér á lappir en að lokum tók samviskan yfrir... hefði örugglega getað sofið í 2 tíma í viðbót. Svo er ég ekki frá því að vera með harðsperrur eftir sundið... já ég held að maður sé að fara oftar í sund og koma upp smá þoli... dans 2x í viku og sund 1x-2x í viku hljómar ekki svo illa.

Ennþá kalt

... já það er ennþá kalt, -13°C í morgun.
Við vorum á síðustu kynningunni hjá heyrnartækjaframleiðandanum í þessari lotu.

Svo fórum við nokkrar upp í skóla til þess að klára að ákveða heyrnartæki fyrir sjúklingana sem við eigum að hitta á morgun og skoða prógrömmin smá og æfa sig. Svo þegar ég var búin að ákveða 1 og var næstum því búin að ákveða hitt fékk ég að vita að tölvukerfið krassaði hjá þeim sem ég á að vera hjá á morgun og þau sáu ekki fram á að það væri komið í lag á morgun svo þau afbókuðu alla sjúklingana í morgun... svo það verður enginn praktíkdagur á morgun... sem hefur sína kosti og galla. Við sem fáum ekki að fara í praktík núna veðum samt að gera verkefnið og skila inn upplýsingum um valin heyrnartæki... þetta verður eitthvað skrautlegt.

Svo gerðist ég svo fræg að fara í sund í dag, fyrsta skipti í Gautaborg. Þetta er aðeins öðruvísi en á Íslandi enda fer fólk bara í sund til að synda ekki bara slappa af. Ég sem sagt komst að því að það er mjög erfitt að synda með hausinn upp úr allan tímann(mig vantaði sundgleraugu) en það virtust allir synda svoleiðis... frekar furðulegt.

Ég skrapp svo heim til Öllu áðan í smá heimsókn. Mér tókst að reka mig í fjarstýringuna hennar af DVD-spilaranum og hún datt akkúrat ofan í kókomjólkurglas... þvílík óheppni sérstaklega þar sem glasið var hálffullt. Við þurkuðum fjarstýringuna en hún vildi ekki virka... eftir smá tíma prófaði ég hana aftur og þá virtist hún virka ágætlega... ég meina hver hefur ekki gott af kókómjólk.

Kalt

jájá ég er kannski ekki búin að vera neitt dugleg að skrifa hér undanfarið... aðalega vegna þess að ég hef ekki nennt því.
Ég og fleiri erum að verða lang þreytt á veðrinu hér en það er búið að vera -10 - -5°C og meira að segja í morgun var -15°C og samkvæmt weather.com er "feels like" stigið oft 5 gráðum lægra... ss skítkalt. Það er mjög gaman að vita af því að mamma og pabbi eru í Flórída þar sem eru ca 25-30 gráður...

Ég fékk alveg frábærlega skemmtilegar upplýsingar í póstinum í dag... Upplýsingar um hvað ég á inni í lífeyrissjóði hér... sem er nákvæmlega EKKI NEITT enda ekki skrítið þar sem ég hef aldrei verið á vinnumarkaði í Svíþjóð. Alltaf þegar á að standa einhver upphæð þá sendur 0 eða -.... mjög sniðugt. Mér fannst mjög tilgangslaust að senda mér þetta.

Annars þá er ég að fara með Öllu til Berlin um páskana, við förum á miðvikudegi eftirhádegi(er í prófi fh) og svo komum við til baka á aðfaranótt þriðjudags þar sem ég er að fara í skólann þá þriðjudag kl 8:30, býst við að vera frekar meigluð.

Ég og Alla fórum í bíó á föstudaginn á Casanova, sem er mjög fín... væri alveg til í að eiga hana seinna meir. En ég held að við höfum hleigið allra mest í salnum. Hlóum að hlutum sem enginn hló af en það átti samt örugglega að vera fyndið :þ

Mér vað búið að detta eitthvað í hug að skrifa hér en ég er búin að gleyma því... ég man það kannski seinna.

Bolla, bolla...

Já sko það er kominn bolludagur og þó að maður búi ekki á klakanum þá er samt haldið upp á bolludaginn.
Ég er sem sagt búin að gera heiðarlega tilraun til bollubaksturs. Það tókst svo vel í fyrra að ég gat ekki slept því núna. Ég bakaði bollur á föstudaginn sem voru ekki alveg að gera sig þar sem það var smá vitlaust skirfað í uppskriftinni, þe bökunnartíminn. En ég er búin að fá leiðréttingu á því og geri aðra tilraun í dag á síðustu stundu. Svo fara bollurnar í ferðalag til Öllu í kvöld og þar ætlum við að vera nokkur saman með bollukaffi.

Um helgina fór ég til Växjö með Marie, en bróðurdóttir hennar átti 4 ára afmæli og amma hennar átti 85 ára afmæli. Það er svo langt síðan ég hef verið þarna og það er búið að breyta svo miklu heima hjá foreldrum Marie, svo það var gaman að koma í heimsókn. Við ætluðum að leggja af stað ekki seinna en kl 16 í gær en það dróst aðeins á langinn þar sem Svíþjóð var að keppa við Finna í hokký og miðað við ungafólkið í fjölskyldunni var ekki hægt að sleppa því að horfa á leikinn. Það er alls ekki leiðinlegt að horfa á hokký og þessi leikur var enginn undantekning... mjög spennandi... og það varð þvílík gleði þegar ljóst varð að Svíar urðu ólympiumeistarar.

Ekki happadagur... nokkuð ljóst

Við vorum 3 sem mættum óvart of snemma í morgun... já ég veit að ég er stundvís þegar kemur að skóla en öllu má nú ofgera... En þannig er mál með vexti að við áttu að vera í tíma frá 8:30 - 12 og svo áttum við nokkrar að vera í verklegu eftir hádegi. En svo þurfti að bæta auka fyrirlestri inn í töfluna vegna þess að heyrnarfræðinar voru að fá löggildingu og það þarf víst að ræða. En sem sagt fyrir hádegis fyrirlesturinn var settur eftir hádegi og við gerum þetta verklega seinna... allt í góðu með það. En við 3 skoðuðum ekki nýju stundatöfluna betur en það að við mættum kl 8:30 en nýji auka fyrirlesturinn átti ekki að byrja fyrr en kl 9:20. Og ég í minni stundvísi mætti kl 8:10 í skólann :S Það bætir ekki að ég var frekar meigluð í morgun og var næstum því hætt við að fara í sturtu til að geta sofið aðeins lengur. En sem betur fer var ég ekki ein um þessa vitleysu... Svo þegar ég var að koma úr dansinum var ég að labba á smá þjöppuðum snjó... rann aðeins til og lenti ofan í polli sem var svona nógu djúpur þannig að það gæti alveg örugglega flætt vel ofan í skóinn... æðislegt... það er líka svo gott að vera í blautum sokk þegar maður er rétt að losna við hælsæri.

Kvöldmaturinn í kvöld... var kolamoli að hætti hússins...

Eitt sem mig langar að bæta við þetta sem kemur þessum degi ekkert við... Ég fór út í apótek um daginn og sá að það var búið að stilla sérstaklega upp Strepsil - Mentol og þar sem ég bíð er ég eitthvað að horfa á umbúðirnar... les á þær og sé að það stendur "Vid ont i halsen" svo sem ekkert merkilegt oft stendur líka utan á umbúðum á finnsku en ekki í þetta skiptið undir sænskunni stendur skýrum stöfum "Við óþægindum í hálsi"... jahá þetta var bara á íslensku... Svo sá ég einmitt þetta Strepsil - Mentol auglýst í sjónvarpinu og þá voru umbúðirnar líka á íslensku... þetta sér maður ekki oft... en ég sá líka einu sinni háreyðingarkrem með íslensku... Mér finnst þetta bara sniðugt.

En það er nokkuð ljóst að ég ætla að gera mitt besta til að fara snemma að sofa... sjáum til hvernig það fer :þ

Um helgina fer ég svo til Växjö.

eitthvað er betra en ekkert :þ

Mér datt í hug að skrifa eitthvað hérna...
Ég er byrjuð í nýjum kúrsi... Audiologisk Rehabiliterin eða heyrnarfræðileg endurhæfing... einn af mörgum með þessu nafni.

Ég er búin að kaupa mér 3/4 hluta af skáp, vantar bara hurðina en hún kemur. Mamma hennar Öllu var í heimsókn og þær voru að fara í IKEA á bíl svo ég fékk að fljóta með, mjög sniðugt :) En hruðin á skápin var uppseld... þar sem þetta er svona hilla sem hægt er að kaupa á hurð með gleri og verður þannig að skáp.

æ ég nenni ekki að skrifa meira núna...

Já maður er sem sagt kominn til baka úr hlýjunni í kuldan... ss það er snjókoma hér þessa stundina sem er svo sem ekkert nýtt.

En það var ótrúlega gott að koma heim... hugsaði ekkert um skólann í þessa 5 daga. Ég veit að ég náði ekki að hitta alla. Þið ykkar sem ég ekki hitti... ég vona að þið fyrirgefið mér... ég mun bara hitta ykkur í sumar :) Annars var ég frekar bissí

Ég væri alveg til í að við Íslendingarnir hér úti gætum verið með eitthvað smá Eurovision partý annað kvöld... bara vera með nettengda tölvu og þá er þetta komið :p Er einhver tilbúinn í smá partý ? :Þ

Ísland

Jamm ég kom heim á föstudaginn. Fór svo gott sem beint norður og var þar í algjöri afslöppun. Núna í dag er ég búin að fara í klippingu og líður vel. Búin að hitta fólk og á eftir að hitta fleiri :)

Fer aftur á miðvikudagsmorgun til Gbg...

Er föstudagurinn 13 í dag eða...?

Dagurinn minn er búinn að vera frekar mikið hell í dag. Vaknaði við skemmtlega uppgötvun sem við förum ekkert lengra út í. Var á bókasafninu að vinna verkefni og gat engan veginn fundið næginlegt efni. Svo átti ég að fara í dag í dag en þegar ég kom á skiptistöðina þá fékk ég þess svaðalegu magapínu og fór inn á veitingastað og fékk að fara inn á klósett... þegar ég kom út hoppaði ég upp í strætó í þá átt sem ég var að fara því ég gat bæði tekið sporvagn og strætó svo allt í einu beygði strætóinn þar sem hann átti ekki að beygja og þá fattaði ég að ég hafði farið upp í þann eina strætó sem ég átti ekki að fara upp í. Vissi svo alveg í hvaða átt ég átti að labba.. var ekki viss hvort ég myndi dansa en ég ætlaði að reyna að ná uppeftir og sjá svo til þegar ég kæmi á staðinn... svo þegar ég var búin að labba eina götuna þá gat ég beygt til hægri eða vinstri... tók sénsinn á vinstri... kom þá út við Chalmers(tækniháskólann) sem er laaaangt í burtu frá þeim stað sem ég ætlaði á. Sá svo einn strætó sem ég kannasðist við og bjóst við að geta tekið hann eitthvað inn í bæ. En nei hann var ekki að fara inn í bæ... fór því út og tók annan strætó. Og þegar ég var komin á stoppistöð sem er næst dansskólanum þá var ég þegar orðin kortéri of sein og ég vissi að það tæki mig 5-10 mín að rölta sem þýðir 20-25 of sein af 60 mín tíma... nennti ekki að láta reyna á hvort ég gæti dansað svo ég fór bara heim. Það bætir ekki úr að það er búið að snjóa geðveikt hér og svo allt í einu í morgun hlýnaði og fór að rigna svo allt var í slabbi og viðbjóði... pollar sem náðu yfir heila akrein og voru nokkrir metrar að lengd... Svo auðvitað var ég orðin þokkalega pirruð og í vondu skapi þegar ég kom loks heim eftir rúmlega klukkustundar akstur og rölt um borgina...
Reyndar byrjaði þessi ömurlegi þagur í gær þegar ég skaðbrenndi poppkorn og herbergið angaði af brenndu poppi og gerir það enn. Ég hef aldrei brennt popp jafn illa, það var köggull af svörtum brunarústum í pokanum... mig langaði ekki í popp eftir það.

Það er ágætt að hugsa út í það að ég er að koma heim um helgina... vona bara að ég komist norður.

Snjór og aftur snjór

Já sem sagt það snjóaði ca 5 cm í nótt og það snjórar enn og allt sem var orðið snjólaust; gangstéttir, stigar og götur er allt orðið hvít aftur. Ég minnist þess ekki að það hafi snjóað svona mikið hér í fyrra... reyndar er veðurminnið mitt ekki gott, man aldrei hvernig veðrið var í fyrra eða fyrir nokkrum mánuðum.

Alla sagði mér að það hafi verið +9°C á Íslandi í gær á meðan það var -9°C hér og meira að segja "feels like" -16°C brrrrrr... kalt. En núna er -5°C skv mínum mæli. Það verður gott að komast heim í hlýjuna. Eins gott að það verði hlýrra heima.

Myndir frá Janúar

Núna eru einnig komnar inn myndir frá Janúarmánuði. En þær eru að örðum link sem heytir "myndir 2006". Myndirnar frá jólafríinu eru ennþá undir "myndir haust 2005"

Frábær hugmynd

Ég fékk sem sagt þessa frábæru hugmynd í gærkvöldi... og hún var sú að fara heim í næstu viku... þar sem ég er ekkert í skólanum 13-17 feb þarf bara að senda inn verkefni þann 17. feb. Ég kíkti á flugmiða og þeir voru frekar ódýrir, Icelandair með miða á 19000kr með sköttum en Iceland express var með miða á 28000kr með sköttum.
Svo er keypti bara miða áðan, innan við sólahring eftir að ég fékk þessa hugmynd sem er bara met útaf fyrir sig.

Ég er að spá í að fara norður yfir helgina en ég kem á föstudegi og svo verð ég heima fram á miðvikudag. Svo ef einhver vill kíka á kaffihús eða gera bara eitthvað þá endilega látið mig vita... :)

Myndir

Jæja ég var að setja inn nýjar myndir undir möppuna "Jólafrí"

En svo koma myndirnar sem hafa verið teknar hér, eftir jólin, fljólega inn á. Þetta verður allt að hafa sinn vara gang.

Harðsperrur eða bakverkur

Ég fór í fyrsta Jazz-balletttímann í gær eftir að ég breytti frá Street yfir í Jazz. Þetta var nú aðeins skemmtilegra... gæti haft eitthvað með það að gera að ég gat lært þetta betur en Street. HipHop er ennþá á toppnum... en það er bara fáránlega skemmtilegt. En það var fyndið að í Hiphop og Jazz var notað sama lagið en bara búið að útfæra það aðeins öðruvísi fyrir Jazzinn... en sama tónlistamaðurinn... Chris Brown, lag: Run it.

Þegar ég vaknaði í morgun fann ég fyrir þessum ágætu harðsperrum á lærum og rassi... svo hef ég ekki alveg gert mér grein fyrir hvort ég er með illt í mjóbakinu eftir dansinn eða þá að þetta séu harðsperrur... segjum harðsperrur það hljómar betur.

Svo í kvöld er ég að fara í innflutnings/afmælispartý hjá Söndru, loksins kemst ég í heimsókn till hennar :)

En ég var að fylgjast með undarlegum tilþrifum í eldhúsinu áðan.. sú kínverska í þetta sinn. Ég ætla ekkert að vera að fara út í nein smáatriði, hún hélt örugglega að ég elda einkennilega. En það er ekkert lítið af hrísgrjónum sem er eldað á hverju kvöldi.
Svo spurði hún mig út í sænsku kjötbollurnar í gær, þe hvernig þær væru eldaðar, ég svo sem veit lítið meira en þær eru steiktar á pönnu. En hún spurði hvort hægt væri að setja þær í súpu því þannig væri það gert í Kína... Ég sagðist halda ekki en auðvitað mætti hún prufa það. Svo er svo fyndið að hún segir "yes" í tíma og ótíma og oftast passar það ekkert sem var. Svo það einkennilegasta við þessa ágætu stúlku er að hún er að læra Málvísindi í Kína en er hér sem skiptinemi í Handelshögskolan sem er Viðskipta/hagfræði deild Gautaborgar Háskóla því hennar skóli úti er bara með samning við þessa deild. Svo námið hennar hér tengist ekkert náminu hennar í Kína...

jæja best að fara að undirbúa sig fyrir partýið... eins gott að maður mæti á réttum tíma... :þ

Elghússamræður í síðustu viku...

Það sem sagt búið að vera nýtt fólk að flytja hér inn í stigaganginn. Ein kínversk stelpa og annar aðili sem enginn hefur séð en er samt með hluti í einu ísskápnum. Ég sem sagt lenti á smá tali við þá kínverku:
Ég: Afhverju ákvaðstu að koma til Svíþjóðar?
Stelpan: Af því að vinkona mín var hérna í fyrra og fannst gaman svo ég ákvað að gera það líka.... svo er fegurð sænskra kvenna svo þekkt!
Ég: já ok.
S: ... og þú ert gott dæmi þess!
Ég: HA??
S: þú ert gott dæmi
Ég: ...uuu ég er ekki sænsk
S: nú!?! en þú ert ljóshærð!!
Ég: já ég er frá norðurlöndunum... ég er frá Íslandi
S: Ísland.. já.. Land Bjarkar(country of Björk)
Ég: eh..já..

Samræðurnar héldu eitthvað áfram en það var ekkert merkilegt. Það er ekki oft sem að stelpa slær manni gullhamra og ég vona að þetta fari ekki að verða vani. En annars þá er þessi ágæta stelpa með hrísgrjónapott með sér alla leið frá Kína... mér og einum stráknum fannst það fekar skrítið.

Það er aldrei að vita að þið fáið fleiri sögu um hana... eins og um spánverjan.

En ég er að fara í IKEA á eftir svo það er best að fara að fá sér að borða og koma sér út á stoppistöð.

Viðbót

Ég vil bara leggja til eina viðbót við föstudagspælinguna. Ég fékk 250% meiri vexti á orlofsreikninginn minn á Íslandi, þar sem er einhverjar 10-15 þús kr, heldur en á sparireikningnum mínum hér. Er þetta heilbrigt... neeeeee held ekki.

Ég er að spá í að reyna að komast að hver ávöxtunin er á reikningunum mínum hér og heima.

Föstudagspælingar !?!

Ég bara að verð að segja ykkur nýjustu uppgötvun mín. Þannig er mál með vexti að ég var að skoða stöðu bankareikningana mín fyrir 1.jan til að fylgjast með peninganotkunn minni, sem er svo sem ekkert umtalsefni en samt innan allra marka. Þar raskt ég á vextina sem ég fékk á SPARIreikninginn hér í Svíaríki fyrir árið 2005 en það voru heilar 9,54 kr sek sem gerir 77 ísl krónur. En þarna er ég yðurlega með upphæðir sem duga í nokkra mánuði. Svo til að gera smá samanburð kíkti ég á íslensku reikningana þar sem ég fékk 2000kr á debitkortareikninginn sem fer aldrei yfir 100000kr í innistæðu og er oft minna. Og í þokkabót eru engir vextir á debitkorta-reikningnum.

Þetta er ekki alveg heilbrigt hérna stundum... ég held að það myndi eitthvað heyrast í fólki ef þetta væri svona á Íslandi

Snjór, snjór og aftur snjór

Það byrjaði að snjóa kl 13 í gær og ég held að það hafi ekki stoppað, alla vegana er kominn þokkalega mikill snjór sem reyndar er léttur og fýkur auðveldlega í skafla. Þegar snjóar svona fer allt almenningssamgöngukerfið(wow langt) úr skorðum. En sem metur fer þarf ég ekki að treysta á það í dag upp á tíma, bara að komast á milli staða.
Ég fór svo í Street-dans í gær. Var ekki alveg að fíla það jafn mikið of hiphop-dansinn. Kannski var kennarinn ekki alveg jafn góð í að leiðbeina... ég var lengi að spá í hvort ég væri komin í framhaldshóp en það virtist ekki vera. Ég er búin að vera að spá í hvort ég ætti að fara í jazz í staðinn fyrir street, eða bara reyna að halda áfram. Svo er ég búin að komast að því að ég er ekki hrifin að þessum speglum. Þá verður allt í spegilmynd og ég skil ekki neitt.
Annars er búið að vera nóg að gera í skólanum. Eigum að skila 8 bls ritgerð sem tengist sálfræði í dag, kláruðum hana í gær og sendum inn... hún varð 11 bls með öllu aukadótinu, forsíðu, efnisyfirliti og fl dóti. Og svo er annað verkefni sem við eigum að skila á mánudaginn :S Alveg nóg að gera þessa dagana.
Ég sem sagt pantaði mér tvenna PUMA-skó sem ég fékk svo áðan... og allt í gúddí með það. Hefði fengið þá í gær hefði ég verið heima. Ég hringdi svo í UPS-sendingarþjónustuna í gær til að vita hvenær sendingin kæmi, konan sagði að það yrði komið með hana á milli 14 og 15 í dag, svo í morgun hringi sendingargaurinn í mig og spurði hvort ég yrði heima því hann sagði myndi koma milli 13 og 15. En svo kom gaurinn kl 12:10... eins gott að ég var heima!!!
En þetta er nóg í bili.

Það hljóta að fara koma myndir fljótlega inn á síðuna. Ég hlít að fara nenna að setja þær inn :þ

Langt síðan maður hefur skrifað eitthvað af viti...

En hér kemur saga sl daga. Ég er ss búin með umræðutímana í Sálfræðinni sem er bara gott enda var mikið stress fyrir þessa tíma. Einn kennarinn á það til að taka einn einstakling fyrir í einu en okkur tókst að kæfa það.
Á laugardaginn fór ég að horfa á Öllu, Ragnar, Gauta og Bjössa á frjálsíþróttamóti, sem var bara mjög fínt... ég er öll að koma til í að muna allar þessar tölur... hvað stökk þessi hátt/langt? eða hvað er besta stökkið hátt/langt? eða hvaða tíma fékk þessi í þessu og hinu hlaupinu? eða hvað þessi á best í hinu og þessu hlaupinu. Ég man kannski ekki allar tölurnar en þetta er allt á réttri leið. :) *stolt*

Svo á sunnudaginn hittumst við 4 heima hjá Gauta og fórum í kana. Ragnar sá um að draga fólk niður með sér og ég fór úr fyrsta sætinu niður í 3ja. En það var bara gaman að þessu

Í gær morgun vaknaði ég við þann æðislega hlut að það var ALLSUGNINGS-bíll hér fyrir utan gluggan hjá mér og var að dæla einhverju upp með miklum hávaða... og til að gera þetta enn verra þá byrjaði dælan að ganga kl 7:30 takk fyrir og ég sem ætlaði að sofa til ca. 8:30-9. Ég þurfti að læra en var í mestu vandræðum með einbeitinguna, fór því í bæinn og vonaðist til að bíllinn væri farinn þegar ég kæmi en... NEI... hann fór ekki fyrr en ca. 16.

En svo í gærköldi fór ég í HipHop danstíma... já ég sem sagt skráði mig í dans og átti erfitt að velja á milli HipHop og Street-dans svo ég tók bara bæði. HipHop á mánudögum og Street á fimmtudögum. Það verður gott að komast í smá hreyfingu 2x í viku. En þetta var ótrúlega gaman, lærðum 2 dansahluta í gær. Svo er að sjá hvernig Street-dansinn verður á fimmtudaginn :)

En það er best að fara að taka til og þrífa... því fyrr sem ég byrja því fyrr er það búið.

Bara smá pæling...

Hvað er málið með að eiga 12 stikki belti og gleyma að setja á sig belti við buxur sem eru þæginlegri með belti??? :þ

Skrítnir íslendingar og komin til Gbg

Kominn tími til að ég skrifi eitthvað hér.
Ég er sem sagt komin hingað til Gautaborgar aftur og það se svo sem ágætt að vera komin til baka. Reyndar þurfti ég að byrja að læra um leið og ég kom þar sem lærdómurinn var ekki alveg að gera sig á meðan ég var heima.

En ferðin gekk bara vel. Það var mjög gott að hafa ferðafélaga en ég og Alla vorum búnar að ákveða að koma út saman. Hitti svo Söndru og Sigga í Leifstöð en þau fóru með Iceland Express.
Ferðin gekk áfalla laust fyrir sig en þó gerðust skrítnir hlutir í flugvélinni sem ég átti erfitt með að skilja, þe aðalega að skilja hvernig fólki dettur í hug að haga sér. Fyrst var það þannig að flygfreyjan kom með blöðin og Alla(sat við ganginn) fékk moggann og stelpan sem sat við gluggan fékk fréttablaðið. Eftir að stelpan var búin að lesa það fékk ég blaðið og setti það í vasann þegar ég var búin. Þegar Alla var búin að lesa moggan rétti hún stelpunni moggan, nb ég hafði lesið hann heima. Svo þegar stelpan var búin fór hún að reyna að troða mogganum í vasann minn þar sem fréttablaðið var fyrir!!! og eiginlega ekkert pláss þar... ég: hvað ertu að gera??? stelpan: ætlar þú ekki að lesa hann á eftir(eða eitthvað í þá áttina) Ég leit á Öllu og við fórum bara að hlægja... þvílíkt rugl...

Svo seinna erum við Alla og stelpan sofandi. Ég og Alla sitjum með lappirnar uppi á örmunum á stólnum fyrir framan þannig hnén eru svona upp(vona að þið skiljið) en alla vegana þá vöknum við Alla við það að það er maður að tegja sig yfir okkur og er að teygja sig í DV sem stelpan átti og var í vasanum hjá henni. Við skildum þetta ekki alveg fyrst en svo sagði ég við manninn: Stelpan hérna á þetta blað, þetta er hennar blað!! Maðurinn: jájá það er allt í lagi.... og svo hélt hann eitthvað áfram sem ég man ekki hvað var. Ég sagði svo stelpunni að einhver hafði stplið blaðinu hennar og hún virtist frekar sár, sem ég skil alveg. En halló!!! maður leggst ekki yfir 2 sofandi manneskjur til að ná í blað(í einka eigu) sem er í vasa í sætinu við gluggan... það var meira að segja ekki auðvelt að fatta að þetta var DV.

En restin af ferðinni gekk áfallalaust og við komum kl 18(að sænskum tíma) til Gbg.

Ég vona bara að þessi hegðun Íslendinga í sambandi við féttablöð hafi bara verið tilfallandi, annars er mig farið að hætta að lítast á blikuna.

Styttist í brottför

Já ég er að fara á sunnudagsmorguninn kl 8 eða eitthvað svoleiðis.

Miðað við hvað veðrið er ógeðslegt hérna þá hlakkar mig eiginlega bara til að fara aftur, en það verður líka gott að komast í sömu rútínuna.
Það hefur ekkert gengið í íbúðarmálum svo ég hef verið að spá hvort maður reyni bara ekki að tóra þarna í holunni fram á vor. Halda svo herberginu í sumar og borga ekki krónu fyrir 2 mán(jún og júl) held ég. En auðvitað sæki ég um ef mér líst á eitthvað.

En núna í kvöld er ég að fara í mat til Öllu, með fleirum vinkvonum hennar, en Tinna er eina af þeim sem ég þekki en við flugum saman heim fyrir jólin. Þetta verður örugglega mjög fínt... svo förum við örugglega í bæinn.

En núna er bara einn heill dagur eftir hér á klakanum, mun reyna að nýta hann vel.
Svo koma myndir þegar ég er komin út aftur og hef tíma í svoleiðis... sem verður örugglega fljólega. :)

Gleðileg Jól og Gleðilegt ár

Jæja ég held að það sé kominn tími til að skrifa eitthvað hérna... og samtímis óska ykkur gleðilegra jóla og gleðilegs árs, takk fyrir það gamla.

Svona fljótlega fara myndir frá jólum og áramótum að tínast hér inn en ég lofa engu svona fyrstu viku ársins.

Ég fer svo út aftur þann 8. janúar kl 8:00. Svo er aldrei að vita nema að ég kíki norður síðustu dagana hér á klakanum en það fer allt eftir veðri og hvort mér takist að plana eitthvað þennan síðasta föstudag.

En ég nenni ekki að skrifa neitt meira núna... enda ætlaði ekki að skrifa mikið á meðan ég er heima, enda getið þið bara haft samband og athugað hvað ég er að bralla :þ

Heima

Núna er ég komin heim...loksins.

Það var mikið að gera í dag að redda öllu sem átti eftir að redda fyrir jólin... þe það sem ég gat ekki reddað úti.

Ég býst ekki við að skrifa meira hér inn á meðan ég er heima, alla vega ekki fyrst um sinn. En ég er í góðu símasambandi... þe með 2 síma bæði ísl og sæn númerið. Og auðvitað er ég með sama ísl númerið enda ætla ég ekki að gefa það neitt :p

Gleðileg jól!!!

Næsti sólahringur...

...mun einkennast af stressi, tilhlökkun og þreytu.

Ég tók sem sagt þá ákvörðun að fara með töskuna niður á lestarstöð núna í kvöld, svo ég þyrfti ekki að gera það í fyrramálið, þar sem ég var búin að pakka og sá ekki fram á að ég myndi setja neitt meira ofan í töskuna. Þá er bara eftir að fara í skólann á morgun, sem er víst skildumæting komst að því í dag og var líka skildumæting í dag. Reyna að halda einhverri einbeitningu í þessa 3 tíma. Koma sér svo niður á lestarstöð og fara í lestina. Líka best að muna eftir töskunni :p

En jæja það er best að fara og þrífa baðið, lakka á sér neglurnar og fara að sofa. og vera tilbúin, andlega og líkamlega fyrir morgundaginn.... lending eftir ca 25 tíma.

3 dagar í heimkomu + myndir

Ég get eiginlega ekki beðið lengur... svo ég er byrjuð að pakka :) Reyndar er ég ekki búin að þvo allt sem ég þarf að þvo en ég er búin að taka hluti frá sem ég ætla með heim. Svo er ég búin að sækja ferðatöskun og hún er komin hér á gólfið og það er ágætis hrúa ofan á henni... ætli ég komi öllu ofan í tösku??

Svo þegar ég var að sækja spariskóna sem ég fer með heim... haldið þið ekki að ég hafi ekki bara fundið K-hálsmenið mitt sem er búið að vera týnt í ca. 2 mánuði og ég hafði sárt sakknað. En það var ofan í skónum... ég varð rosalega glöð. Og auðvitað búin að setja það á mig.

Ég er búin að setja inn myndir á myndasíðuna undir 'byrjun des'. En þetta er bara svona sitt lítið af hverju.

4 dagar í jólafrí

Það fer að styttast ógurlega í heimkomu sem er auðvitað ekkert nema gott. Ég er búin að gera verkefnið í taugasálfræði sem ég á að skila inn á þri.d/miðv.d. Ég var uppi í skóla frá 10:30 til 15 að gera þetta verkefni. Og það var varla pásað svo ég var þokkalega þreytt á eftir og gerði mest lítið í gærkvöldi nema að hluta á tónlist. Ég held að ég hafi verið komin með svefngalsa um 23 leytið og var á leiðinni í rúmið í tæpa 2 tíma áður en ég loksins fór að sofa.

Það er kalt hér í dag ég sá mælinn sýna -5,9°C fyrir ca 2 tímum en hljómar ekki vel. Svo var 18°C hér inni þegar ég vaknaði, en ég setti ofnana á fullt til að hita herbergið sem gengur eitthvað dreglega. En það er búið að hlýna ótrúlega á stuttum tíma, en núna er -3,5°C reyndar er hitinn alltaf að rokka eitthvað. Ég þarf að fara með pakka niður í bæ en ég nenni ekki út í þennan kulda.

Ég get varla beðið þanngað til á miðvikudaginn. En þar sem þessi önn er búin að vera ótrúlega fljót að líða þá hljóta þessir 4 dagar vera fljótir að líða. Ég er í skólanum á milli 9 og 12 á mið.v.d og svo fer lestin kl 13:25 þannig að ég ætla ekki að treysta á að ég nái heim í milli tíðinni. Þannig að ég verð með ferðatöskuna í skólanum.... mjög gaman. Og svo á ég frammi hið skemmtilega 10 tíma ferðalag. En svo hitti ég líklega Tinnu, vinkonu Öllu í Köben, en hún er fara með sama flugi. Svo ég verð ekki ein alla leiðina.

Jæja ég þarf að fara koma þessum pakka niður í bæ. Gott að vera búin að því!!

Svo vil ég endilega rukka Jón og Lilju um parketmyndir. En þau ákváðu að ráðast í að leggja parket... sem er auðvitað bara flott.

Vika í heimkomu :Þ

Ég verð nú bara að viðurkenna að ég er þreytt eftir daginn. Ég var í skólanum milli 10 og 12. Svo hitti ég Öllu og við fengum okkur að borða í hádeginu og röltum í bænum og ég keypti jólagjafir, en ég er bara orðin í góðum málum í þeim efnum... sem er auðvitað bara gott mál.
Svo fórum við í Liseberg og röltum þar um heillengi, og auðvitað keyptum ýmislegt, jólaskraut og jólagjafir. Jú og svo auðvitað lakkrís og brenndar möndlur... mjög gott.
Ég er að spá í að vera mjög dugleg í fyrramálið og fara upp í skóla kl 9 og fara að lesa taugasálfræði og gera verkefnið úr því... en við eigum að skila því inn áður en við förum í fyrirlestur um það... einkennilegt mál. Ég á að vera á fyrirlestri milli 13 og 15 svo ég ætti að geta gert nokkuð mikið fyrir fyrirlesturinn, milli 9 og 12 en svo þarf ég alveg klukkutíma í að borða og rölta niður í Handelshögskola þar sem við erum á fyrirlestrum núna því við erum svo mörg(Heyrnarfræði-, iðjuþjálfa- og sjúkraþjáfanemar)... og já við erum meira að segja með strákum í tímum :) Sem er auðvitað bara skemmtileg tilbreyting :)

En núna ætla ég að fara að leggja mig... kannski lesa smá, þe ekki skólabók.

Sálfræðin er byrjuð

Nú er síðasti áfangi annarinnar byrjaður og ég sé fram á mikinn lestur í hinum ólíku útgáfum af sálfræði...Heilsusálfræði, vinnusálfræði, viðtals- og samtalsvinnubrögð, Taugasálfræði, erfiðleikasálfræði og félagssálfræði(nb beinar þýðingar)
Og þar sem mér þykir ekkert sérstaklega gaman að lesa fræðibækur þá er ég ekkert í skýunum yfir þessu. Mig langar bara að komast heim í jólafrí eins og aðrir. Ég kemst ekki alveg jafn vel upp með lítinn lærdóm þessi jól eins og síðustu jól, þegar ég lærði í 3 eða 4 tíma.

En í gær fór ég til Ragnars og fékk að skrifa nokkur lög en drengurinn á rúmlega 1500 lög á tölvunni sinni. Ég skrifaði ca 270 lög niður á disk og á núna slatta af tónlist, auðvitað fyrir utan það sem ég átti fyrir.

En jæja best að hlada áfram að lesa Som man frågar får man svar, ein af þessum 9 bókum sem við þurfum að lesa. Sem betur fer þurfum við bara að lesa valda kafla úr nokkrum bókum en aðrar eigum við að lesa alla. Eins og staðan er núna er ég búin með 57 bls af þeim 961 sem ég á að lesa... engin frábær frammistaða enda lengi að lesa.

Sú fríska skrifar.. :þ

Þá er síðasta prófið búið fyrir jól en engin sérstök ástæða fyrir að fagna þar sem sálfræðin byrjar á morgun, en ég hef ca. 1000 bls að lesa um jólin.

Á föstudagskvöldið fór ég með Marie og foreldrum hennar á söngleikin Kharmen,(venjulega er þetta ópera) en það var búið að setja þetta í nútímabúning. Þetta var bara mjög skemmtilegt. Átti stundum erfitt með að skilja það sem sagt var(ekki ein um það) en ég náði alveg söguþræðinum.

Í gær fór ég með Marie og foreldrum hennar að rölta í gegnu jólamarkaðinn í Haga, en hann var ekki alveg jafn góður og í fyrra kannski hafði rigningin sitt að segja. Svo eftir það röltum við í gegnum bæinn og fórum í Liseberg á jólamarkaðinn þar. Ég keypti glögg og sinnep til að fara með heim. Keypti eina jólagjöf og fann aðra sem ég mun kaupa næst þegar ég fer. Vorum ekkert voðalega lengi þarna þar sem það rigndi og manni varð hrollkalt inn að beini. Og þó að ég væri í íþróttaskóm í þetta skiptið varð mér samt kalt á tánum. Svo þegar við vorum á leiðinni út hringdi Chris frá USA... hef ekki heyrt í honum í langan tíma, alltaf gaman að fá hringingu frá útlöndum.

Svo var Alla að klára prófin sín í gær svo við fórum út að borða á O'Lerys og fengum okkur hamborgara og djúpsteiktan ís... mjög gott en við vorum ekkert smá saddar. Fórum svo og hittum vini Öllu sem voru að fara á djammið en við ákváðum bara að fara heim því við vorum svo þreyttar. En ég var komin heim um eitt leytið svo þetta var ágætt.

Nú er bara spurning hvað maður gerir í dag. Það sést í eitthvað blátt á himni svo það er spurning hvort maður fari út!!??!!

dagurinn í hnotskurn

Eftir að hafa sagt mömmu frá þessu yfirliði þá vildi hún að ég færi í blóðprufu. Svo sagði ég Marie frá þessu og hún vildi að ég færi á slysavarðsstofuna(bráðamóttökuna) eða hringdi og talaði við einhvern(þe hjúkrunarkonu).
Eftir smá pressu hringdi ég og talaði við einhverja hjúkku sem vildi að ég færi upp á slysó sem ég og gerði.
Fyrst tók tíma að bíða eftir að vera kölluð upp til að vera skráð inn og borga(300 sek kr takk fyrir), þó enginn væri á undan mér í röðinni. Svo var ég kölluð inn ótrúlega fljótt í eitthvað tékk. Þar sem ég fór í hjartalínurit, blóðþrýstingsmælingu og sýrustigsmælingu(en þá var einhverjum svampi(2cm í þvermál) stungið upp í nefið á mér á frekari viðvarannar eða upplýsinga. Svo var mér sagt að bíða í biðstofunni og það gæti tekið smá tíma. Sem betur fer spurði ég hvað smá tími gæti verið langur... tja.. "ett par timmar" ss ca. tveir klukkutímar... vegna þess að ég var ekki alvarlega veik. Og þá hófst biðin. Sem betur fer kom Marie og stytti mér stundir. Eftir eins og hálfs tíma bið var ég kölluð inn þar sem ég átti að bíða inni á stofu eftir lækni, sem tók ca. klukkutíma, ræddi við hana í smá stund en hún var viss um að það væri ekkert að mér og þar sem ég var ekki lífshættulega veik hefði ég ekki þurft að koma. En hún lét taka blóðprufu til að athuga hvort nokkuð væri að. Allt var í góðu lagi. Ég held að ég hafi verið að eyða tímanum hennar og annarra á að hafa komið. Ég spurði hvað ég ætti að gera ef þetta gerðist aftur en ég fékk lítil sem engin svör.
Sem sagt eftir 4 tíma sjúkrahúsvist held ég að ég gæti ekki verið frískari.

yfirlið 2

Í nótt gerðist það í annað skiptið á hálfu ári að ég vakna upp um miðja nótt og er það illt í maganum og flökurt að það líður fyrir mig... ekki skemmtilegt. Ég vona bara að ég sé ekki að fara að taka þetta upp í vana. En í þetta sinn tókst mér að koma frá þessu yfirliði ósködduð. En það er svo skrítið að ég bara dett út... það er ekki eins og allt verði svar og mig svimar neinei ég bara vakna upp á gólfinu... tekur smá tíma að fata hvar ég er og hvað hefur gerst.

En svo er prófið í málvísindum á morgun, eins gott að geta myndað sér skoðanir og rökrætt þær. Dæmi um spurningu á prófinu frá því í fyrra: Getur maður tjáð sig um sömu hluti á öllum tungumálum? Rökstuddu svarið. Ég get ekki alveg ákveðið mig hvort ég myndi svara já eða nei...

Sniðugt

Þetta fólk sem sér um þetta stúdentasvæði hérna er stundum ekki alveg heilt held ég. En alla vegana í gær þegar ég var að fara upp í eldhús að fá mér morgun mat, þá sé ég að gólfið á stigaganginum er blaut og miðað við lyktina þá var örugglega verið að lakka/bera á gólfið. Ég svona reyni að ganga á þurrusvæðunum en undra mig á afhverju við vorum ekki látin vita að. Svo fer ég að þvo sem þýðir að ég þarf að fara nokkrum sinnum inn og út og ekkert mál með það. Gólfið, að ég held, orðið þurrt. Svo fer ég út og hitti Marie í einhverja klukkutíma. Svo kem ég heim og fer svo til Marie um kvöldið og þegar ég kem heim þá stendur miðið á hurðinni um að það búið sé að bóna gólfið og vinsamlegast ekki ganaga á blautu gólfinu... Þessi miði var hengdur upp á kolraungum tíma þar sem gólfið var orðið þurrt enda bónuðu um ca 10 leitið um morguninn en ég kom heim rétt fyrir 23. Það hefði verið betra hefðum við fengið miða þar sem stæði... Gólfið á stigaganginum verðu bónað á morgun svo vinsamlegast reynið að vera ekki á ferðinni milli 10 og 11. En ekki setja miða á útidyra hurðina.

Svo eitt annað sem ég rakst á um daginn... Sígarettu-sjálfsala sem er ekki frá sögu færandi fyrir utan að þetta var á skemmtistað, og hér er bannað að reykja inni á skemmtistöðum... En eitt tók ér sérstaklega eftir á þessum sjálfsala, það var límmiði sem á stóð "Sýnið skilríki" þar sem bannað er að kaupa sígarettur ef maður er undir 18 ára... Ég skildi nú bara ekki alveg hverjum maður átti að sýna skilríkið...?

Svíar geta stundum verið undarlegir

16. dagar þar til ég lendi á klakanum

Það styttist óðfluga í jólin annar í aðventu er búinn.
Ég fór í Liseberg með Öllu og Mariu(sænsk vinkonu Öllu) á laugardagskvöldið. Mjög gaman að komast í smá jólafíling. Ég get nú ekki sagt að það hafi verið mjög hlýtt úti en maður lét það ekki hafa áhrif á sig. Ég á örugglega eftir að fara svona 2-3 í viðbót í Liseberg... kaupa smá jólaskraut en nú var ég bara að skoða.

Svo í gær kom Marie í heimsókn til mín og ég eldaði fyrir hana. Ég borða svo oft eitthvað hjá henni að ég verð að gera eitthvað á móti líka. Hún fékk hjá mér BBQ kjúklingakássuna en hún er alveg í uppáhaldi hjá henni.

Í dag var svo síðasti skóladagurinn fyrir próf í málvísindum sem er á föstudaginn. Ég skil ekki alveg afhverju við fáum svona langan tíma til að lesa fyrir þetta próf þar sem prófið samanstendur af 3 spurningum sem maður á að segja sitt viðhorf og rökstyðja. En það er líka ágætt að fá smá pásu :þ

E-mailið(ísl) mitt er búið að vera í einhverju veseni í nokkra daga núna en það lagaðist í dag loksins en viti menn þá lokaðist skóla e-mailið og verður lokað þar til á morgun.

Jólin nálgast greinilega

Það er nú svo sem ekki mikið að frétta héðan. Ég kíkti aðeins í bæinn áðan og þvílíkt magn af fólki. Ég ætlaði aðeins að athuga hvort maður gæti fundið einhverjar jólagjafir en ég ákvað fljótlega að skoða bara og kaupa seinna, þar sem það var ekki fræðilegur að ég nennti að bíða í röð. En útkoman var bar góð er komin alveg með einhverjar hugmyndir. Mun geta reddað nokkrum gjöfum hér en svo verður restin bara ákveðin á síðustu mínútu eftir að ég kem heim.

Það er svo gaman að því hvað Svíar eru rosalega mikið fyrir Glögg. Það til svo mikið af allskonar ílátum fyrir glögg. En það er bara gaman af svona hefðum. Bjóða fólki heim í heitt glögg og piparkökur með. Það má vel vera að ég komi með þessa hefð með mér heim einhvern tíman.

Grátt, blautt og kalt

...já sem sagt það fór að rigna í dag og snjórinn er farinn, hann var reyndar farinn að minnka all verulega.

Ég sit hérna og er að reyna að skrifa umsögn um bók. Við áttum að velja okkur bók sem fjallaði um mál og/eða samskipti, með mál meina ég: leið til að tjá sig, tungumál, talmál, táknmál, skrifmál osfrv. Mér tókst nú ekki að velja mér skemmtilega bók en tókst samt að lesa í gegnum hana. Og nú sit ég og reyna að finna eitthvað úr bókinn sem ég get haft einhverja skoðanir um, en málið er að bókin gefur svo lítið svigrúm til að hafa skoðun. Við eigum að skrifa 2-3 bls og ég er komin með 1 1/3 bls... gengur frekar treglega. Svo er próf í Málvísindum á föstudaginn eftir viku...gaman gaman.

...en það er alveg að koma helgi...jibbý... reyndar hef ég ekkert planað fyrir helgina... en það er allt annað mál :þ

Myndir

...ennþá er allt hvít...

En það eru komnar inn myndir frá saumastundum okkar Ragnars... vá hvað þetta hljómar eitthvað asnalega...
...þátttaka mín í saumaskapnum kemur ekki vel fram á þessum myndum... enda voru myndirnar meira sem sönnun um að hann gæti gert þetta... og það er meira að segja til myndband (skoða) ...en ég sá mest um að mæla og títa faldinn svo hann gæti saumað :þ

... ég ætti kannski að gerast saumakennari... þetta kom svo vel út... eða taka að mér að saumagardínur :þ

Hvítt

wooow maður skrifar eitt blogg og lítur svo út og allt er orðið hvítt. Sem sagt fyrsti almennilegi snjór(sem festist) vetrarins er kominn. Spurningin er bara hve langt er þanngað til allt bráðnar ??

Saumadagur

Já sem sagt laugardagurinn fór í það að hjálpa Ragnari að saumagardínur. Sem var bara hin mesta upplifun, og bara mjög skemmtilegt. Réttu áhöldin voru nú af skornum skammti en við redduðum þessu, t.d. var notaður tommustokkur í stað málbands og nálar í stað títuprjóna. En hann var mjög duglegur og saumaði sjálfur á saumavélina og sýndi bara góða takta. En þar sem ég þurfi að fara áður en við kláruðum að sauma allar gardínurnar þá tók hann sig bara til og kláraði þær sjálfur.

Svo fór ég með Öllu í partý til vinkonu hennar. Þetta var bara ágætis partý þó að við þekktum fáa. En við reyndar lentum í einum gaur sem talaði stöðugt og af "miklum áhuga" við okkur um Íslands og það var í raun ekki hægt að losna við hann. En váá hvað maður verður þreyttur á þessum umræðum og heimskulegum spurningum um Ísland. Það er allt í lagi ef fólk spyr smá og sýnir áhuga en það má líka alveg tala um eitthvað annað.
En við vorum svo hvorugar í stuði til að fara niður í bæ, veit ekki einu sinni hvort að fólkið var á leiðinni þanngað. Þannig að Alla fékk þá hugmynd að koma við hjá Ragnari til að kíkja á gardínurnar. Klukkan var rétt fyrir 1 þegar við bönkuðum upp á.. og váá hvað sumir voru meiglaðir.. við vorum vissar að hann væri vakandi því kveikt var á sjónvarpinu en hann hafði sofnað...greyið..

Svo í gær fór ég í bíó með Öllu og Gauta á Harry Potter, sem var bara hin ágætasta mynd. Þær verða ofbeldisfyllri með tímanum. Svo var það bara tekið rólega í gærkvöldi.
Í kvöld er ég svo að fara til Ragnars að hjálpa honum með eina gardínuna sem varð of stutt, smá byrjendamistök í mælingu hjá Ragnari. En þá ætti þetta líka að vera komið hjá honum í bili... vonum bara að þetta reddist :)

Snjókorn í Gbg

Já sem sagt það snjóaði áðan... þó að það sé 3 stiga hiti, enda festist snjórinn ekki. En núna er bara allt blautt.

Í gær fór ég til Öllu og við breyttum flugmiðanum okkar, ætlum sem sagt að fljúga saman þann 8. jan aftur til Gbg, eða Köben og lest til Gbg.
Alla á inneign á Skype svo við hringdum þaðan... mjög sniðugt... en váá hvað konan í símanum var leiðinleg... Ég hafði nefnilega ekki tekið eftir því að ég hafði ekki fengið sendan E-miðan í e-maili... og þegar ég sagði henni það þá sagði hún strax: (leiðinlegur tónn)"Þú getur ekkert flogið án e-miðans" ég:(reyna hljóma góðlega)"en er ekki nóg að vísa kk-kortið" hún: jú en það eru ekkert allir sem skrá það inn!!... úff hún var bara leiðinleg...
En alla vegana þá kíkti ég með Öllu á æfingu... gaman að fá að sjá hvernig þetta lítur út þar sem hún, Ragnar og Gauti eru að æfa. Þetta var svolítið örðuvísi en ég bjóst við... en mjög gaman að sjá þetta... aldrei að vita nema að maður kíki aftur :)

Svo er ég að fara að hjálpa Ragnari að sauma gardínur á eftir... eða meira leiðbeina honum því hann ætlar að gera þetta sjálfur. En á meðan ætla ég að downloada tónlist frá hans tölvu fyrir á mína ...jej...

Svo í kvöld er ég að fara með Öllu í partý til bekkjasystur hennar... gott að komast á alvöru djamm... hef ekki farið á djammið lengi.

Fimmtudagsdjamm..

Ég er búin að fá verkefnið til baka sem við þurtum að gera um samskipti okkar við sjúklinga og ég náði(ekki alveg viss hvort ég fékk G eða G- en það skitir ekki öllu)... var eiginlega alveg viss um að ég myndi þufa að gera eitthvað aukaverkefni... meira að segja áður en ég skilaði þessu inn. En ég er alltaf að koma sjálfri mér á óvart.

Svo í gær var ég plötuð í eitthvað Landvetter(flugstöðin hér í Gbg) partý. Ann-Cathrine, sem er með mér í bekk og ég umgengst smá, er að vinna á Landvetter. Svo var eitthvað partý í gær á einum skemmtistað niðri í bæ. Ég get nú alveg viðurkennt það að ég nennti ekki að fara. Í byrjun var þetta eins og ég hafði ímyndað mér, við stóðum þarna 4, ég, Marie, AC og ein sem AC er að vinna með, og vorum að "spjalla". Og við Marie þekktum auðvitað engan þarna. Ég var ekki alveg í stuði til að vera þarna. En það skánaði þegar við fórum að dansa, þá skemmti ég mér ágætlega. En það stóð ekki lengi og við vorum farnar kl hálf tólf. Ég fatta ekki alveg þá pælingu að djamma á fimmtudegi... ekki alveg mín deild.

Svo er Alla búin að bjóða mér með sér í partý á laugardaginn, sem verður örugglega gaman... ég er alla vegana í meira stuði fyrir það.
En ég ætla reynar að nota daginn í að læra smá svo er alveg óákveðið hvað maður gerir í kvöld... það kemur bara í ljós :)

Þá er skólinn þessa vikuna búinn... reyndar var ég ekki nema 2 sinnum í skólanum :þ
En ég fékk að vita það í dag að ég muni kannski ekki byrja fyrr en 11. jan í skólanum eftir áramót... sem er auðvitað bara snilld. Er þá að spá í að fljúga til baka sunnudaginn 8. eða mánudaginn 9.... hallast reyndar frekar að 8. en það kemur svo í ljós. Svo er Alla eitthvað að pæla að breyta kannski miðanum sínum líka og fljúga 8. sem er bara cool... þá getum við verið samfó :þ En það kemur bara í ljós seinna.

Annars er lítið að frétta héðan... bara að bíða með að fá þessa sálfræði stundatöflu.

HEY...já... ef einhver á/eða getur tekið mynd af umbúðum utan af gömlum hlutum(matvöru), einhverju sem er ekki til lengur í dag eða með öðruvísi lúkk... þá megið þið endilega senda mér mynd/ir... ég var nefnilega að spá í að teikna svoleiðs myndir en það er erfitt að finna svoleiðis á netinu. Þeir sem eru með eitthvað í huga geta líka haft samband eða þeir sem skilja ekki hvað ég meina en vilja hjálpa :)

IKEA dagurinn mikli

Í gær kvöldi fór ég í heimsókn til Öllu og við horfðum á 2 myndir sem eru enn í bíó hér. Crash, skil ekki alveg afhverju hún er enn í bíó en það örugglega búið að sýna hana í 3 mánuði, en við erum ekki klárar um hvað hún fjallar nema kynþáttafordóma, svo horfðum við á Monster-in-law sem var bara fín, ekta mynd þar sem allt er gott í byrjun og svo fer allt í klessu og endar á að allir eru sátti, mjög fyrirséð og fínt.

Svo í dag var IKEA dagurinn okkar Ragnars. Ég var komin til hans rétt fyrir 11 og þá byrjaði ferðalagið. Fyrst gleymdi hann að við ættum að fara út á einum stað svo við fórum einni stoppi stöð lengra og þegar við komum til baka var strætóinn sem fer upp í IKEA að fara. Svo eftir nokkrar stuttar sporvagna ferðir, til að þurfa ekki að bíða í 30 mín, náðum við örðum strætó sem fer líka upp í IKEA.
Vorum komin þanngað örugglega rétt fyrir 1 :þ Eyddum klukkutíma í gardínu/efnadeildinni þar sem Ragnar var að fá sér gardínur eða þeas efni í gardínur, en eftir símtal til Íslands og smá tíma í ákvörðunartöku þá héldum við áfram.
Mér tókst á 2 tímum að versla fyrir 1075kr... sem er bara ekki slæmt við vorum komin út um 3 leitið. Innkaupalisti:
2x skraut steinar = 30kr
rammi f/3 myndir = 99kr
2x tímastillt innstunga = 29 kr
2x fjöltengi = 24kr
3x kerti = 77kr
8x herðatré = 19kr
5x buxnaherðatré = 45kr
2x stórir koddar = 118kr
lak = 149 kr
rúmteppi = 89kr
2x koddaver = 178kr
borðlampi = 79kr
4x bollar = 76kr
mjólkurþeytari f/Öllu = 15kr
sítrónupressa = 19kr
plastdallar = 19kr
2x uppþvottaburstar = 5kr
IKEA poki(stór) = 5kr

Þetta gerir sem sagt 1075kr sem er skv. mbl.is í dag 8143kr ísl. Hvað ætli þetta kosti í IKEA á klakanum...? :þ
En þetta var bara hin skemmtilegasta IKEA ferð en það var samt rosalega gott að koma heim. Svo þegar ég er komin með alvöru íbúð sem inniheldur eigið eldhús þá fer ég aftur með bíl og kaupi stærri hluti en það verður ekki fyrr en á næsta ári.

Svo er bara bíó með Öllu í kvöld, ætlaði að fara með Marie en hún gat það svo ekki vegna mígrenis. Og Öllu langaði líka í bíó, planið er Legend of Zorro.

Frost

Mælirinn sýndi -2,6 í morgun þegar ég vaknaði til að fara að þvo, en það hlýnaði svo eftir því sem leið á daginn og fór alveg upp í 2°C þegar ég sá mælirinn í sem mestum hita.
En vá hvað það tók langan tíma að þvo, ég var á stöðugu röllti fram og til baka því vélarnar voru ekki jafn lengi að þvo, svo þurfti ég auðvitað að setja smá í þurrkarann. Mér tókst meira að segja að þvo naglaþjölina mína, veit ekki hve góð hún er núna en hún er alla vegana hrein, en ég ákvað samt að setja hana ekkert í þurrkarann :þ Ég held að ég hafi rölt 5x í og úr þvottahúsinu... nennti ekki að hanga þar og bíða. En það er ágætt að halda á sér hita svona í kuldanum.

Ég er að reyna að breyta heimasíðunni svo ekki láta ykkur bregða ef hún breytist einhvern daginn. Ég held að ég hafi náð að plata Ragnar til að hjálpa mér með þetta svona þegar hann hefur tíma... sjáum til hvenær það verður :þ

Kuldi

Nú er farið að kólna all svakalega, þessa stundina segir mælirinn 0.3...burrrr held að ég hafi séð mest 4 í dag en það var samt fínt veður í dag... sólin lét sjá sig :)

Ég er búin að vera í skólanum í heilar 3 klukkustundir, í gær var ég í 1,5 tíma og í dag líka. Ég skil ekki alveg afhverju tímarnir eru ekki lengur því kennarinn hefur svo mikið að segja að hann nær ekki að fara í allt sem hann ætlar sér. Og við erum alveg til í að hlusta á meira... áhugavert efni. Við eigum víst að nota tímann til að lesa heima... sem gegnur mis vel.

Ég er búin að komast af því afhverju flestir fara niður í herbergi að borða kvöldmatinn sinn, ekki bara af því að enginn er í eldhúsinu, heldur borðar maður miklu hraða... alla vegana ég. Var rosalega duglega áðan og eldaði mat þar sem urðu 4 skammtar afgangs. :)

Því miður er ég ekki enn búin að fá staðfest hvort að við byrjum 9. jan eftir jólafríið. :/ en ég fæ örugglega að vita það fljótlega.... vonandi :þ

Mánudagur

Helgin er búin en þetta var hin rólegasta helgi. Fór í bíó með Öllu á laugardaginn á In Her Shoes eða I hennes skor eins og svíarnir vilja kalla myndina. Bara hin fínasta mynd. Svo las ég smá í skólabókunum svona fyrir vikuna. Annars bara hin rólegasta helgi, sem var kannski alveg þörf á.

Komst að því í gær að ég byrja líklega ekki í skólanum fyrr en 9.jan. En þetta er ekki orðið 100% en ef svo er þá verð ég lengur heima auðvitað. Færi þá til baka 6 eða 7. jan. En ég vil fá þetta betur staðfest áður en ég fagna of mikið. Ég er að pressa á umsjónarmenn kúrsins til láta okkur vita þetta sem fyrst.

Svo fór ég í ljós áðan, sem var eiginlega bara frítt. Ég hafði fengið auglýsingu um sólbaðstofu hérna nálægt og ég gæti farið í ljós fyrir 10kr sænskar. Svo þegar ég kom á staðinn þá var þetta svona sjálfsali sem maður þufti að setja mis mikið af 10kr eftir því sem maður ætlaði að vera lengi. Ég borgaði auðvitað mínar 10kr og fékk af manninum 6x10kr því honum fannst ég ætti alveg að geta verið í 18 mín en mér þótti 15 mín alveg vera nóg svo ég setti bara 5x10kr í sjálfsalann og þá stóð ég uppi með auka 10kr sem ég var ekkert að skila. En ég fer bara aftur bráðum svona til að friða samviskuna ;)

Föstudagspælingar

Ég og Alla fórum að tala um stráka á tímabili í rútunni á leið til og frá Köben, samt ótrúlega lítið. En það kom upp smá pæling... sem er að í rauninni höfum við(sem íslendingar) ekki úr of mörgum strákum að velja, sérstaklega ekki ef að við gerum kröfur um aldur. Svo ég ákvað að kanna þetta aðeins betur, fór inn á vef hagstofunnar þar sem maður getur skoðað tölur um mannfjölda á ýmsan hátt.
Svo auðvitað miðaði ég við mínar eigin aldurs(og kyn) kröfur sem er karlmaður fæddur '82 til '79 og fékk það út að ég hef um 9091 karlmann að velja. En inn í þetta er ekki tekið að einhver hluti þessara karlmanna er nú þegar í sambandi og kannski giftir(ónákvæm tala giftinga karlmanna fyrir þetta aldursbil er 120) og að hluti þeirra býr kannski í öðru landi sem ég hef engin samskipti við.
Svo er það auðvitað líka þannig að maður heillast ekki af öllum þessum tæplega 9000 karlmönnum, sem maður hefur möguleika á. Og ofan á það þá, af þessum sem maður heillast af þá er hluti af þeim þar sem tilfinningarnar eru ekki gagnkvæmar þannig að það gegnur heldur ekki upp. Hvað ætli það séu eiginlega margir karlmenn?
Ég býst ekki alveg við neitt sérstaklega hárri tölu.

Niðurstaða: Lífið er erfitt og karlmenn flóknir.

En ég segi það kannski ekki að ég geti ekki minnkað kröfurnar aðeins, fært aldursbilið aðeins upp eða niður ef sú staða kæmi upp en ég sé ekki tilgang í því eins og staðan er í dag.

Húsmóðir dagsins

Ég er sko í fríi í dag, eins og gerist oftast einu sinni í viku eða oftar, og ákvað að vera rosalega dugleg.
Ég bakaði köku, og hún lítur bara vel út miðað við að vera fysta tilraun mín til að baka þessa köku, appelsínukaka. Svo er bara að bíða og sjá hvernig hún smakkast.
Svo bauð ég Öllu að koma í mat í kvöld svo ég þarf að elda handa okkur en það verður bara einfaldur BBQ kjúklingaréttur, en samt mjög góður :)

Svo það er bara að fara að koma sér út í búð að kaupa kjúklinginn, en ég kaupi hann tilbúinn úti í búð ;)

En svo er fólk bara velkomið að koma í heimsókn og fá köku. Þið látið bara vita áður en þið komið :)

Hvernig tröll ert þú?

Partítröll

Þú ert nýjungagjörn, tilfinningarík félagsvera.
Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.

Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.

Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.

Hvernig tröll ert þú?

100asta bloggið

... mikið eða lítið ?? svo sem skiptir ekki máli
En já það er víst verið að býða eftir að ég skrifi um helgina.
Helgin var bara frábær. Ég og Alla tókum rútu upp úr hádeginu á föstudaginn og vorum komnar í Köben rétt eftir 18, en tímin leið fljótt þar sem að við töluðum alla leiðina. Ég hitti svo Karól á lestarstöðinni. Eftir að hafa fenigð okkur að borða fórum við á fredagsbar í skólanum hjá henni þar sem var íslenskur DJ og þar af leiðandi fullt af íslendingum sem var ekki í skólanum... kannski 30 stk eða meira... Eitthvað af þessu liði var í Köben út af tónleikunum.

Svo á laugardaginn röltum við Karól um í bænum... auðvitað á Stikinu. Og hittum svo Öllu og Tinnu(vinkonu Öllu) og fórum á kaffihús. En svo var bara farið heim til að gera sig tilbúna fyrir kvöldið. Tókst að leggja mig enda heilsan ekki alveg 100%. Fyrir tónleikana fórum við svo út að borða og borðuðum mjög góðan mat á Jensen's Bøfhus. Karól þurfti reyndar að fara fyrr því hún var að fara á aðra tónleika þannig að hún missti af eftirréttinum.
Svo voru það bara tónleikarnir. Þetta var ekta íslensk stemning og ekkert smá ólíkar týpur af fólki. Það var eitt par þarna sem var örugglega yfir sextugt. Fyrir suma var þetta bara höslferð. En það voru 1200 manns þarna og þar af voru 900 sem komu frá klakanum. Ég hitti þarna Beggu Gunnars úr Való en hún býr í DK. Svo var þarna fullt af fólki sem maður kannaðist við út MH og frá Símanum. En Sálin var dugleg að spila gömlu lögin sem en auðvitað spiluðu þeir nýju lögin inni á milli. Svo í lokin tókst Karól að koma sér inn því hún nennti ekki að bíða eftir okkur fyrir utan. Tónleikarnir voru búnir kl 3 og húsið var opið til 4 en ég var alveg búin á því kl 3:30 þannig að við fórum heim.
Það var ekki mikið gert á sunnudaginn enda lítið hægt að gera í Köben á sunnudögum. En við Alla tókum svo rútuna til baka kl 14:30 og eins og fyrri daginn töluðum við alla leiðina. Höfðum kannski átt að leggja okkur miðað við hvað ég var ótrúlega þreytt þegar ég kom heim, nennti ekki einu sinni að borða matinn minn.

Ég get nú ekki sagt að þessi mánudagur sem var í gær væri skemmtilegur dagur. Byrjaði með því að ég svaf yfir mig, vaknaði á sama tíma og strætóinn kom en það tekur mig nokkrar mín að rölta út á stoppistöð. En ég kom mér út á 10 mín og tók næsta. Mætti 10 mín of seint en við áttum að hittas nokkrar kl 10:30 og taka upp samtal en ég var víst ekki sú eins sem var sein svo þetta hafði engin áhrif. Fór svo heim í hléinu sem var 2 hálfur tími og hressti mig við. En svo var ég með höfuðverk allan daginn og ibufen gerði hjálpaði lítið.
En við vorum að byrja á nýjum kúrs, Málvísindi. Og kennarinn talaði smá íslensku, en það var frekar lítið og einfalt, en samt var gaman að því. Þetta virðist mjög áhuga verður kúrs þó að það sé voða mikið verið að tala um sænsku núna, en það verður vonandi meira almennt.

Þetta er orðið frekar langt svo ég hætti hér ;) enda þarf ég að fara að taka til og þrífa.

Eldhúsupplifun

Morgunmatur: Upphituð mjólk í skál og Ballerina kex sem dýft er ofan í, rúmlega hálfur pakkinn... eigandi: Spænski gaurinn...
...á meðan sat ég og borðaði ristað brauð og drakk te... ætli hann haldi að ég sé skrýtin?

Hvað er eiginlega málið með þennan spænsk gaur sem deilir með mér og fleirum eldhúsinu... hann var að steikja sér kjöt í dag... sem er svo sem ekki frá sögu færandi nema hann var með gúmmíhanska... Ég skil þennan gaur ekki alveg... ég er viss um að hann hafi aldrei komið nálægt eldamensku áður en hann flutti hingað og varla eldhúsi yfir höfuð.

Annar þá var ég á samkomu hjá heyrnarfræði nemum og kennurum í gær. Gaman að hitta fyrsta og þriðja ársnema líka. Ég hef víst verið nefnd(á jákvæðan hátt) í tímum hjá fyrsta ári sem er auðvitað bara gott mál.

En svo er það bara Köben um helgina. Svo þetta er síðasta blogg fyrir helgi. Ég kem svo með myndir frá samkomunni og Köben eftir helgi :)

Myndir

Var að setja inn myndir í albúm sem heitir lok okt.

Þá er búið að breyta klukkunni og er ég núna bara einum tíma á undan Íslandi sem er auðvitað bara mjög gott.

Á laugardaginn fór ég út með Öllu og vinkonum hennar úr frjálsum, fórum fyrst á lítinn bar svolítið frá bænum og röltum svo í bæinn. Þegar við komum í bæinn skildum við við vinkonurnar og hittum aðra vini Öllu og fórum inn á skemmtistað. En þar sem var verið að breyta klukkunni þá voru skemmtistaðirnir opnir extra lengi.
Þegar ég var á leiðinni heim talaði ég við Ragnar og hann bauð mér að koma til sín í eftirpartý heima hjá sér með honum og frænda sínum, og ákvað að kíkja þar sem þetta var nú í leiðinni. Við sátum bara þarna og horfðum á sjónvarpið og spjölluðum.
Ragnar reyndar steinsofnaði í rúminu þannig að ég spjallaði bara við frænda hans. OG var komin mun seinna heim heldur en ég ætlaði mér, enda fór gærdagurinn í ekki neitt.
Reyndar kíkti ég á kaffihús með Öllu... gott að komast út meðal fólks ;)

Svo er bara að klára eitt verkefni og undirbúa 10 mín fyrirlestur um einn sjúkling úr praktíkinni og þá er þessi áfangi búinn. Í næstu viku er það svo málvísindi og næstu 5 vikurnar.

Lítill heimur!!!

Ég er alveg á því að heimurinn sé pínku lítill.
Ég fór sem sagt í partý í gær hjá íslensku pari(Bjössa og Rakel) sem flutti hingað út í haust. En ég þekki þau í gegnum Ragnar. Hef séð þau 2 sinnum áður hér.

Eftir smá umræðu um nöfn komumst við að því að ég og Bjössi værum frændskystkini, og það bara náskild, afar okkar voru bærður. Og hann var víst á fyrri hluta ættarmótsins sem haldið var fyrir 2 árum. Og ég er einmitt í mestum samskiptum við þessa ætt mína og sérstaklega bóðir mömmu Bjössa. HEIMURINN ER LÍTILL

Málið er líka að mér fannst ég kannast eitthvað við Bjössa þegar ég sá hann fyst en ég gerði mér ekki grein fyrir afhverju. En núna skil ég það :þ

Svo er líka eitt annað merkilegt við þetta par... sem ég reyndar vissi áður og er örugglega búin að skirfa um, er að Rakel er bekkjarsystir J Hildar úr MR. Og J Hildur vissi alveg að Bjössi væri að norðan.

En annars var partýið bara fínt, Alla, Ragnar, Gauti og frændi Ragnars(sem er í heimsókn) voru þarna líka. Það var ekkert farið niður í bæ en við fórum heim um 2, sem var bar ágætt. Þeim tókst að láta mig smakka íslenskt brennivín... þvílíkur viðbjóður.

En svona fyrir utan partý þá er ég búin í praktík. Skóli einn dag eftir hádegi í næstu viku.
Er að fara á Sálartónleikana í Köben um næstu helgi með Öllu. Mun gista hjá Karól, það verður gaman að hitta hana :)

Ekkert net en samt

Þegar ég kom heim áðan var ég kannski ekki í besta skapinu... af einhverri fáranlegri ástæðu. Og svo kveikti ég á tölvunni eins og vanalega nema að netið virkaði ekki... varð bara enn pirraðari. En svo fattaði ég að gæti ath hvort einhver í nágreninu væri með þráðlaust net sem ekki væri læst... og það reyndist vera svo :) Þá tók ég gleði mína af hluta til á ný. Og er sem sagt að vinna núna á neti í gegnum einhvern annan, en þar sem það kostar hinn aðilann ekkert þá hef ég engar ágyggjur... bara aðeins hægari tenging.

Svo opnaði ég e-mailið mitt og hafði þá fengið e-mail frá framkvæmdastjóra Heyrnar og talmeinastöðvar Íslands. Og hún var bara að tékka á mér og athuga hvort ég væri til í að koma og vinna hjá þeim næsta sumar og gera hluta sf verknáminu hjá þeim... Sem er auðvitað bara cool... ætlaði að bíða þar til í jan/feb með að hafa samband um sumar vinnuna en það var haft samband við mig að fyrrabragði. Gerist varla betra. En þegar/ef ég mun vinna hjá þeim þá mun ég líklega vera með meiri þekkingu en allir sem vinna þarna. Því ég verð eina sem hef stundað þetta nám... 'stolt'...

Svo er síðasti praktíkdagurinn á morgun og ég er búin að kaupa smá súkkulaði bita kökur með kaffinu... By the way.. ég er farin að drekka te. Sem er auðvitað bara sniðugt... og það án mjólks og sykurs, hef ekki prófað ennþá.

Síðasta praktík vikan

Ég veit að ég er ekki búin að skrifa lengi... ég hef bara eiginlega ekki nennt því.

En helgin var fín. Á föstudaginn fór ég með Möggu út að borða þar sem þetta var nú síðasta helgin hennar hér í útlandinu í bili en hún fer heim á föstudaginn.. :(
Ég hitti reyndar leiðbeinandan minn úr praktíkinni þarna um kvöldið þegar ég og Magga sátum niðri í bæ og höfðum keypt okkur ís í eftirrétt... En hún(leiðbeinandinn) býr ekki einu sinni í Gautaborg.

Svo á laugardagskvöldið fór ég í smá bekkjarpartý með Ragnari. Ég var reyndar bara eina stelpan... en það skipti ekki svo miklu máli. Ég drakk reyndar einum of mikið og einum of hratt og er búin að ákveða að þetta geri ég ekki aftur, nú veit ég hvenær ég á að stoppa. Enda leið mér ekkert sérstaklega vel en það skánaði eftir að við vorum komin niður í bæ.

Í gær hringdi mamma í mig sérstaklega til að láta mig kíkja á RÚV fréttirnar um kvennafrídaginn. Ég var ekki heima þegar hún hringdi svo ég kíkti á þetta þegar ég kom heim áðan... og viti menn... mamma var bara í nærmynd í sjónvarpinu, þar sem kennfólkið á hennar deild hafði klætt sig upp eins og karlmenn... Ég held að mamma sé bara orðin fræg :þ

Svo er þetta núna síðasta vikan í praktíkinni... vá hvað þessar 4 vikur hafa liðið hratt. Ég held að tíminn gangi hraðar og hraðar. Svo er það bara einn skóladagur í næstu viku, þarf reyndar að skila inn verkefni og svo helgina þar á eftir er Sálin að spila í köben, 5. nóv. Við Alla erum ákveðnar að fara enda hún búin að redda sér miða. Svo er um við að spá í að reyna að fá fleira lið með okkur í ferðina.

heim um jólin

Núna er ég búin að kaupa flugmiða heim um jólin. Ákvað að gera það núna þó að ég sé ekki 100% hvenær ég á að vera í tímum í des og jan. Ég ákvað að vera svolítið djörf á því og panta flug 21. des. kl 20:10 og út aftur 2. jan. kl 8:15 þó að kennarinn í faginu sem við verðum í segir möguleika á að fyrsti tíminn verði kl 9:00 2. jan.
Þá frekar breyti ég því til 1.jan. Það verður örugglega fyrr fullbókað í flug 2. jan heldur en 1. jan
Svo er líka fræðilegur möguleiki á að ég gæti komið fyrr heim... og ég sé þá bara til hvort að ég breyti þessu. En ég kemst alla vegana heim og út aftur um jólin það er fyrir mestu.
Það væri gott að vera í mánaðar jólafríi eins og krakkarnir í Chalmers... frá miðjum des til miðjan Jan en við fáum ekki svo mikinn lúxus. En alla vegna er vikan milli jóla og ný-árs skráð sem frí... ekki "självstudy"(einstaklings lærdómur) eins og það var í fyrra...

Myndir

Núnar eru komnar inn myndir... undir Myndir Haust '05
Ég ætla reyna að vera dugleg með myndavélina og að setja inn myndir ;)

Helgin

Jæja ég er búin að komast að því að ég geti komist heim 21. des. En það er samt líka möguleiki að ég komist fyrr eða fara til baka seinna... fer eftir hvernig tímunum verður raðað niður.

Ég var í smá partýi hjá Ragnari á föstudaginn. Við vorum 6, 3 ísl. og 3 svíar. Reyndar var kynjahlutfallið ekki jafnt. Ég og Magga og svo Ragnar og 3 sænskir vinir hans. En við skemmtum okkur mjög vel. Planið var að fara í bæinn en það varð víst ekkert úr því. Strákarnir fóru heim 3:30 en ég og Magga gistum. Magga svaf í rúminu, Ragnar á dýnu á gólfinu og ég í sófanum. Ég svaf reyndar alveg ótrúlega miðað við aðstæður... þe sófinn var ekki alveg nógu langur þannig að ég svaf í fósturstellingu. :þ En ég er að vinna í að koma upp nýrri myndasíðu og þá verða einhverjar myndir úr partýinu þar inni.

Svo í gær átti ein bekkjasystir mín afmæli, sem ég umgengst smá í skólanum. Svo ég fór til hennar... nennti reyndar ekki að fara. En við vorum 7 stelpur, af okkur 7 voru 3 vinnufélagar hennar. Ég get nú ekki sagt að þetta hafi verið það skemmtilegasta en þetta var allt í lagi. Ég var líka svo ótrúlega þreytt eftir nóttina áður.

En svo er það bara afslöppun í dag. Mér finnst reyndar eins og ég sé að fá hálsbólgu eða eitthvað álíka en ég vona að ég nái að stoppa það áður en það verður eitthvað meira.

Jólin

Ég var að komast að því að ég mun verða líklega mjööög lítið heima um jólin. Getur verið að ég komist ekki fyrr en 23. des og þarf að mæta í tíma 2.jan. ....grenj...

en þetta er ekki 100% ég vona að þetta verði ekki svona..

Ímyndunarveiki á háu stigi

Ég var sem sagt áðan með íslendingu og einum svía á pub að "horfa" á leikinn Svíþjóð - Ísland. Var eiginlega búin að ákveð að fara ekki en svo var verið að suða í mér að koma þannig að ég lét undan. Við vorum meira að segja með ísl.fánann og hengdum upp fyrir ofan borðið. Stoltir Íslendingar...

Og ég er sem sagt búin að komast að því að ég þjáist af ímyndunarveiki á háu stigi. Ég er meira að segja orðin þreytt á þessri ímyndunarveiki í sjálfri mér. Ég ætti kannski að fara slappa af og þá kannski verð ég minna pirruð á þessu.
Þetta er það slæmt að ég get alveg ímyndað mér að leikurinn áðan hafi farið Íslendingum í vil...

En ég ætti bara að fara sofa núna og slappa af og athuga hvort að ímyndunarveikin gangi ekki yfir á næstu dögum... hún verður eiginlega að gera það annars fer ég yfirum og kannski fleiri með mér.

Annars þá var ég rosalega dugleg í praktíkinni í dag. Leiðbeinandinn var rosa stolt(ur). Sá alveg sjálf um viðtal við sjúkling sem er að spá í að fá sér heyrnartæki...stolt...stolt... ;)
Ég ætla að reyna að vera jafn dugleg á morgun... og kannski duglegri..

Dagbók helgarinnar

Núna er ég byrjuð á annarri viku í praktík. Ég var í fríi í gær og það var mjög þæginlegt. Í dag var ég svo spurð að því hvort ég væri með norskan hreim, en ég gerði manneskjunni ljóst að ég væri íslensk en ekki norsk. Reyndar er það kostur að vera spurð hvort ég sé norsk því þá er maður að ná hreimnum meir... en ef maður er spurður hvort maður sé finnskur þá gefur það til kynna að maður noti íslensku hljóðin of mikið.

Á föstudaginn var ég og Magga heima hjá Ragnari að horfa á sjónvarpið. Við horfðum á hvern þáttinn/myndina á færur annari og þegar klukkan var að verða 5 þá fannst mér þetta orðið gott og ákvað að fara heim. Það er ótrúlegt hvað maður getur setið fyrir framan sjónvarpið og bara horft á eitthvað.
Svo á laugardaginn hitti ég loksins Söndru og fór með henni í óvissu ferð með 3 kunningjum hennar. Þetta var það mikil óvissuferð að tilgangur ferðarinnar er ekki enn vitaður. Svo um kvöldið fór ég út að borða með Öllu, bekkjarsystur hennar og 3 öðrum. Við fórum á mexikanskan stað, aðeins öðru vísi en það sem ég var vön en mjög góður matur. Við mættum ekki á staðinn fyrr en 21:30 en svo breyttist staðurinn í skemmtistað þegar klukkan nálgaðist meira miðnætti. Svo eftir matinn vildi helmingurinn fara heim og helmingurinn fara á djammið, en það var ég, Alla og strákur að nafni Emil sem fórum á djammið. Svo vissi ég að Ragnar og Magga ætluðu í bæinn svo ég hafði samband við Möggu og við hittum þau. Við vorum ekkert sérstaklega lengi úti, til rúmlega 2, en það var líka bara ágætt.
Sunnudagurinn var svo bara tekinn rólega.

Vaknaði svo snemma í gær(mán) aðalega til að geta sofnað um kvöldið. Var rosalega dugleg að vinna smá í verkefni og þvo. Svo fór ég að hitta Möggu í bænum. Kíktum smá í búðir og settumst svo niður og fengum okkur næringu... og spjölluðum þar örugglega í 2 tíma.
Svo í gærkvöldi reyndu Alla, Magga og Ragnar að sanfæra mig um að koma með þeim á pub og horfa á Svíþjóð-Ísland... Ég er ekki enn búin að ákveða mig, en það gæti verið smá stemning í því að sjá Ragnar málaðan í framan í íslensku fánalitunum. En við sjáum til hvernig stuði ég verð í á morgun.

En jæja þetta er orðið þokkalega langt held ég bara.

Ekki leiðum að líkjast...

You're Little Miss Giggles!! :D You have a good
sense of humour and you're probably a bit of a
flirt!


Which Little Miss are you?
brought to you by Quizilla


Hefur þetta einhverja merkingu...? Góð spurning.
Ég held að ég geti ekki þverneitað þessu... einhvern vegin er hægt að finna út úr þessu :þ

1. praktík vikan er búin

loksins föstudagur ... mmmmm ...
Ég tek alltaf meiri og meir þátt í heimsókn sjúklingana á Heyrnarstöðina í Alingsås, og það er auðvitað bara ekkert nema gaman. Fæ reynar frí á mánudaginn þar sem allt staffið er að fara á fund eða eitthvað álíka. Má reyndar ekki segja kennurunum mínum frá þessu :þ ekki líklegt að þið getið lekið þessu í kennarana.

Ég skil ekki þetta með hásinina á mér. Þegar ég var að fara að sofa í gær þá sá ég að ég var að fá marblett þar sem mér er búið að vera illt. Mjög einkennilegt. Svo var mjög sérstök tilfinning í hásininni þegar ég labba. Ég er búin að hugsa mikið um hvernig er hægt að lýsa þessari tilfinningu og fann það út að þetta sé eins og þegar maður nuddar saman rússkinni... sem mér finnst einstaklega klígjulegt. Heyrnarfræðingurinn sem ég var hjá í dag sagði mér að tala við lækni ef þetta lagast ekki. Kannski ráðlegt... sjáum tilhvað gerist um helgina. Mér er samt ekki illt í þessu eins og mér var, þegar ég hélt að þetta væru harðsperrur.

En í dag er búið að vera sólskin og 20° hiti... mjög næs. Ég vona að morgundagurinn verði svipaður :)

Faaaaaaan!!!!!!

...eins og maður segir á góðri sænsku. Það var búið að stela út ísskápnum mínum þegar ég kom upp í eldhús í morgun. Heilu skinnkupakka... ég var búin að taka eina sneið úr og svo pokanum mínum sem hafði að geyma Smirnoff Ice 2 st... en það sást ekki á pokanum hvað var í honum. Ég fór svo að athuga hvort ég fyndi eitthvað í honum ísskápunum og viti menn ég fann skinnkupakkan nema hann var tómur. Og svo skrifaði ég á krítartöfluna okkar að einhver hafði verið að stela. Og viti menn þegar ég kom upp áðan þá var pokinn minn á borðinu og auðvitað tómur.. mér datt svo sem ekkert annað í hug... En hvað er málið með að stela heilum skinnkupakka og skilja pakkan eftir tómann inni í ísskáp..ég hefði skilið ef einhver hefði tekið eina sneið en HALLÓ!!!!

En það er rosalega gaman í praktíkinni. Reyndar bara gamalt fólk en það getur verið svo fyndið stundum. Það hefur ekki enn verið vandamál með tungumálið ;) Fólk verður bara hissa þegar ég segist vera frá Íslandi. Svo í dag var ein kona svo ánægð með þjónustuna sem hún fékk hjá okkur að hún gaf okkur 20kr(sek), til að kaupa eitthvað gott með kaffinu. Heimsóknin kosta 80kr og sonur hennar sá um að borga úr hennar veski en svo vildi hún fá veskið og gaf okkur 20kr. Þetta held ég að fólk geri hreinlega ekki á Íslandi. Svo líka í fyrra dag þá harð neitaði ein kona að fá 20kr sínar til baka.

Ég skil ekki hvað mér er illt í hásininni... mér byrjaði að vera smá illt á sunnudag en það var ekkert slæmt en núna versnar þetta með hverjum deginu. Það er eins og sé verið að rífa hana í sundur þegar ég geng meir heldur en 50 metar í einu. Hvað á maður eiginleg að gera??



P.S. fyrir þá sem ekki vita er "fan" blót á sænsku :þ

Mamma Mia

Þá er ég komin aftur frá Stokkhólmi. Ég og Marie flugum þanngað á föstudaginn eftir skólann og vorum komnar um 6 í íbúðina. Við vorum 6 sem bjuggum í pínkulítilli eins herbergja íbúð, hún hefur líklega verið ca. 35 fermetrar. Við sváfum 4 í stofunni og svo voru 2 í pínku lítlu herbergi.
Á laugardaginn sáum við vaktaskipti við höllina þar sem var verið að skipta um flokkinn sem sér um að vakta höllina. En þetta gerist á 6 mánaða fresti.
Um kvöldið fórum við svo á Mamma Mia söngleikinn sem var alveg frábær. Ég mæli með honum ef einhver hefur möguleika á að sjá hann.
Á leiðinni til og frá leikhúsinu sáum við ótrúlega marga strætóa með sama númer, 47. Það mætti halda að þeir keyrðu á 5 mín fresti og þá alltaf 2 í einu. Það er greinilega ekki verið að spara í samgöngum í Stokkhólmi.

Ég fór í mína fyrstu praktík í morgun. Vaknaði kl 6 og það var myrkur úti... úfff.
Sú sem að ég var með í dag ætlaði að byrja bara strax á því að láta mig gera allt sem ég á að læra en mér tókst að hægja fljótt á henni. En ég gerði samt eitt heyrnartest, sem var reyndar svolítið erfitt þar sem að tækin sem þau eru með eru ekki sömu og ég er vön við.
En svo verð ég hjá annari á morgun, og svo fæ ég frí næsta mánudag því allt staffið er að fara á eitthvað námskeið/fund. En annars verð ég þarna næstu 4 vikurnar frá 8:30 til 16:15 alls ekki svo slæmt

Þegar ég kom heim og kítið í póstinn minn sá ég mér til mikillar furðu mjúkan pakka frá Skattinum(Sænska RSK) en ég hafði fengið handklæði. Það tók mig svolítinn tíma að fatta afhverju en svo mundi ég að ég hafði tekið þátt í einhverri spurninga keppni hjá skattinum.... og ég vann... cool. Það eru ekki allir sem eiga handklæði merkt Sænska Skattinum :þ

Svo er það bara afslöppun í kvöld... held ég bara.